Yowannisi 5:16 - Kafa Linguistics Project

¹⁶ Ebich shambetooba eboshin bi shuunetoyich, Ayihudee ukkireenaꞌo Yesuusin duꞌii beeheete.

Yowannisi 5:16 ပူးပေါင်းရင်းမြစ်များ

Maatiyoosi 12:13

Ebiyee gubb, Yesuusi kishoo qometi uroon “Ne kishoon yaggibe” iye. Biyoo yaggiye; bekkech are qometi kishoo ohe kishoochoommon shaahiꞌi iiwoo tunehe.

Maariqoosi 3:6

Arooba Fariseenaꞌo bekkech Ayihudeenaꞌo kiceebeeti kexoochee kechiꞌi, “Aabichiree biin wuxibona?” iꞌi Heroodisichi asheenaꞌona tookkii echeeheete.

Luqaasi 6:11

Ebi mooyo Muusichi Sheeree dojjechinaꞌonaa Fariseenaꞌonon ippii shiniihe; boonoshinaa boonoshina “Hini uro toommooch amoon hallibona?” iꞌi echeeheete.

Yowannisi 1:19

Yerusaalem beeti Ayihudee ukkireenaꞌo qeesheenaꞌonaa Leweenaꞌonon “Hamiree Yowannisin ‘Ne koni neene?’ getiree echebote” iꞌi wocheheete. Arooba wocheetinaꞌoyich Yowannisi ishichiꞌi miixehalli,

Yowannisi 10:39

Ebich wochiꞌi biin yecha qaawiyeete; tunetaa boonoshi kishoochee muricciye.

Yowannisi 15:20

‘Guuno bi doonoyee beshaanoone’ iyaꞌa ittoshich ta getteton batteyaahote. Taan boonoshi duꞌiigaata, ittoshin wotta duꞌiyemminaꞌone. Ta getteti qaaroon boonoshi ceechigaata, ittoshi gettemmi qaaroon wotta ceechemminaꞌone.

Yowannisi 5:10

Ebich Ayihudee ukkireenaꞌo woditi uroon “Hanaach shambetoone; shambetoona yeebboon qoddii shaagon no sheeroo daaggaanoone” iyeete.

Yowannisi 5:13

Tunebaani arooch beeti asho meeto bi tunetoyich, wotta Yesuusi asheenaꞌo daggoona aricheyaanoon beshee bi hammitoyich, woditi uro koni biin wodiito gaata ariyoon hakkaanoone.

Yowannisi 5:15

Uro hammiꞌi Ayihudee ukkireenaꞌoyich “Taan wodiito Yesuusine” iꞌi gettiye.

Yowannisi 5:17

Tunetaa boonoshich Yesuusi “Ta Nihoo hanaach beddaahaa shuunee beetone; tawoo ta qelloona shuunaabeeto taane” iꞌi gettiye.

Yowannisi 5:18

Ayihudee ukkireenaꞌo shambetoon bi shaaddetoyich baach tuneyaanoon, bi qelloon Yeerina tachiꞌi, “Yeeri ta Nihoone” bi itoyich, biin beshoon wuxiya qaawiyeete.

Yowannisi 7:21

Yesuusi wochiꞌi boonoshich ishichiye: “Ikke shuunoon shuunehoye; ittoshi bulli aroon worganehote.

Yowannisi 7:25

Arooba Yerusaalemee asheenaꞌo daggoochee ikkikkeenaꞌo ishichiyeete: “No ukkireenaꞌo wuxiya boonoshi qaawiibeeto, hini uroon toone?