Yowannisi 4:41 - Kafa Linguistics Project

⁴¹ Bi noonoochee waayetinaꞌo daggoocheenoo meetinaꞌo boonoshi mulloon bi toommooch tooꞌiiheete.

Yowannisi 4:41 ပူးပေါင်းရင်းမြစ်များ

Halloo 49:10

Taatittinee gumbo biicho tuneto waammi wottoon, aageteenaꞌon hajjemmo waammi wottoon, taatittinee gumbo Yihudichi kishoochee keyaachemmone; taatittinee gumboon bi shiijjereenaꞌo yeshiree taatemminaꞌone.

Luqaasi 4:32

Sheeroon immiibeeti taatoochoommon bi yibbaatetoyich, waayetinaꞌo bi dojjiti doyoona worganeheete.

Yowannisi 4:40

Shamaaree asheenaꞌo Yesuus waan waaꞌi, “No waan kotebe” iꞌi qolleheete. Yesuusiyoo arooch gutta qeyiye.

Yowannisi 4:42

Ureyichoo “And no mulloon bi toommooch no tooꞌiito, ne noonoochee no waayetoyich toonoone; no qelloona no bi noonoochee waayaꞌa, iberoon alemooch beetinaꞌo bullin Wodiyecho bi tunoon no ariitoyichiye” iyeete.

Yowannisi 6:63

Kashoon immiibeeto Yeerichi Ayaanoone; ashi giidoo amoonolla hallaache. Ta ittoshich getteti qaaro ayaanoonaa kashoonane.

Yowannisi 7:46

Kellechinaꞌoo “Hini uroochoommon koniyoona yibbaatee ariyaanoone” iꞌi wochiyeete.

Mishiraachechinaꞌo 1:8

Tunebaani Yaafe Ayaano ittoshi toommooch bi kindiyooba, giidoon danemmo ittoshine. Arooba Yerusaalem, Yihudee showoo bulliich, Shamaaree showooch, showee tuggo bulliichoo ta mooyon miixemmo ittoshine” iye.

Mishiraachechinaꞌo 15:3

Ebich hini kaachetinaꞌon kittinnee guuphi asheenaꞌo deennii Yerusaalem daachiiheete. Boonoshiyoo hammii Finqee showoonaa Shamaaree showoonon besheebee, Aageteenaꞌo Yeer waan wottoon gettiyeete. Kittinnee maneenaꞌo ishin waayeꞌi oogichii emiriyeete.

Mishiraachechinaꞌo 8:12

Tunebaani Filipphoosi Yeerichi taatittineechonaa Yesuus Kiristoosichi shigeechonon boonoshich mishiraachee qaaroon bi getaa waayeꞌi, boonoshi mulloon Yesuusi toommooch tooꞌiiti maacheenaꞌonaa anaaminaꞌona aacona afaalleeheete.

Mishiraachechinaꞌo 8:25

Pheexiroosinaa Yowannisina asheenaꞌoyich manjiiꞌi boonoshi miixetonaa Doonochi qaaroon boonoshi gettitonoyee gubb, Yerusaalem wotteebee Shamaaree showooch beeti meeti katemooch mishiraachee qaaroon gettiyeete.

Hibireena'o 4:13

Halleeti mooyinaꞌo bulli Yeeri aafooch xalle bekketinaꞌoani, bi aafooch aacheeti, oppeeti ikke mooyolla aalloone; Yeeri aafoochaanane no shuuneti mooyo bullich no echeyemmo.