Yowannisi 4:23 - Kafa Linguistics Project

²³ Tunebaani iberittinoona goyinnee beetinaꞌo, Nihoo Yeerich Yaafe Ayaanee hakkoonaa iberittinoona boonoshi goyinnemmi yemeeno woyemmone; andoo waatone; Nihoo Yeeri biich boonoshi goyinnemmoyich eboshiyoomminaꞌon qaawii beetone.

Yowannisi 4:23 ပူးပေါင်းရင်းမြစ်များ

1 Kiinoo 29:17

Ta Nuggishoocho, mulloon haattaabeeto ne tunoonaa kaamittinoon shunnaabeeto ne tunoonon ariyaabeeto taane. Tawoo ebi bullin ta immeto gaawe daaggoonaa kaame mulloonane. Andoo hiniich beeti ne asheenaꞌo gaawe boonoshi daaggoona emiroona boonoshi imon beeggeto taane.

Shoddo 147:11

Tunebaani Doono Yeeri emiriibeeto, biin shattii beetinaꞌona, bi shoodoon gibenee beetinaꞌonane.

Shoddo 17:1

Doono Yeero, kaamittinoona giddeti ta corootoon waayebe; ta cookoonoo ellebe; marechi noonoochee keyaani ta corootoon ellebe.

Shoddo 32:2

Doono Yeeri bi axaaxoon haddaani, bi kashooch dawushoo aalli, asho diireetone.

Shoddo 51:6

Ne, iberoon ne shunnaa beetoyich, mullecho tunoon taach dojjibe.

Shaahiyoo 15:8

Gondeenaꞌochi deejjoo Doono Yeeri aafoochaa ciigeetone; tunebaani kaameenaꞌochi corooto biin emirikkiye.

Solomooni 2:14

Bambeexi xaqqee gogginonaa guudi toommeexi aashee xaaꞌoonooch beeti ta daabbicheene, ne qaaro, ne malletoo gaaweto bi tunetoyich, eke neen ciinona; ne qaaroonoo waayebona” iye.

Isiyaasi 10:20

Aroyee gubb, Israꞌeelee cureenaꞌo, Yaaqobi yaroochee muriccitinaꞌo, boonoshin aalliiti Asooreenaꞌon gibeneyaachemminaꞌone; tunebaani Israꞌeelee Yaafoo Doono Yeerin iberoona gibenemminaꞌone.

Isiyaasi 29:13

Doono ishichii beetone: “Hini asheenaꞌo ‘Neecho noone’ iibee boonoshi noonoona taan oogii beetinaꞌone; tunebaani boonoshi mullo ta waanee oogeton wohone; taach boonoshi shattiibeeto asho dojjiti duube doyoommonane.

Isiyaasi 43:21

Ta qellich ta halliti asheenaꞌo, taan gallete shoddemminaꞌone” iye.

Isiyaasi 58:2

Qemi qemona taan qaawiyeete; ta gommon ariyoonoo emiriyeete; tate mooyon tuniibeeti, boonoshi Nuggishoochi getoon qayaani asheenaꞌochoommon, dayinnetoon ta waanee qolleheete; ta waan katinonoo emiriyeete” iye.

Erimiyaasi 3:10

Ebi bulli tunetaanoona koote bi manee Yihudi, kootoonalli bi ceeni mulloona ta waan wotteyaaneene” iye Doono Yeeri.

Erimiyaasi 4:2

‘Beeyechi Doono Yeeri beege’ iyaꞌa iberoona, dayinnetoona, cadiqoonoo ne wogegaata, aageteenaꞌo taanna diireyemminaꞌone; taannoo yebenemminaꞌone” iye.

Hiziqeeli 22:30

“Showoon ta aalliyaachemmoyich, uxeroon wochi uxeremmi, tiishetoochaa ta aafooch neexemmi ashoon boonoshi daggooch qaawiyoye; tunebaani daneyaano taane.

Yowannisi 1:17

Yeerichi sheeroo Muus waanaa nooch ichehe; tunebaani wojjoonaa iberoona Yesuus Kiristoos waanaa nooch ichehe.

Yowannisi 12:23

Yesuusiyoo ishichiꞌi boonoshich wochiye: “Ashi Bushoo oogoon bi danemmi saato shaggitone.

Yowannisi 16:2

Ayihudeenaꞌo kiceebeeti kexoochee ittoshin yookkemminaꞌone; ebiyeenoo wotta ittoshin wuxemminaꞌo bullich boonoshi shuunoo Yeerich gaacheebeeto bi shaahemmi aabo woyemmone.

Yowannisi 16:32

Waayebote! Ittoshi qelli qelloona ta ikkeeton dufiichi ittoshi kexi kexooch ittoshi shacemmi aabo woyemmone; andoo shaggitone. Tunebaani Nihoo Yeeri taanna tookkii bi tunetoyich, ta ikkeeto toono taane.

Yowannisi 4:21

Yesuusi ureyich ishichiye: “Haane, ta gettaa beeton iberiibe; hini guudoochaa tuneba Yerusaalemaa, Nihoo Yeerich ittoshi goyinneyaachemmi yemeeno woyemmone.

Yowannisi 5:25

Iberoon ittoshich gettoye: Qititinaꞌo Yeerichi Bushoo qaaroon boonoshi waayemmi aabo woyemmone; ebiyoo andiye; waayemminaꞌo kashoon danemminaꞌone.

Yowannisi 5:28

“Qititinaꞌo bulli bi qaaroon boonoshi waayemmi aabo woyemmone; deꞌoon shuunetinaꞌo kashoona boonoshi beeyemmoyich, gondoon shuunetinaꞌoo boonoshi toommooch bi nalleyemmoyich qitoochee tiyemminaꞌone. Ebich worganeyaahote” iye.

Roomi 1:9

Ta corootaabeeti aabo bullin kuxaanoon ittoshichon Yeerich shalligichaabeeto taane; bi Bushoochi mishiraachee qaaroon getona ceeni mulloona ta maddaabeeti Yeeri ta miixoone.

Roomi 8:15

Ittoshin bi bushoo tuniiti Ayaanoon ittoshich immiyalli, wochinnoon ittoshi shattemmoyich guuchittinee ayaanoon ittoshich imaanoone; ebich ebi are Ayaano noon yaabaa, Yeerin “Taabbo, ta Nihoocho!” iyaꞌa ceeggaabeeto noone.

Roomi 8:26

Ebiyoommon wotta Yeerichi Ayaano no maraatoon gaachee beetone; aabichiree no corootemmo gaata ariyaano noone; tunebaani Yeerichi Ayaano bi qelloona ebine getaa getteyoo hakkeyaani qaaroona gaashilliibee no qoodoon Yeerin nooch qollee beetone.

Galaati 4:6

Ittoshiyoo Yeerichi bushiishoo ittoshi tunetoyich, “Taabbo, ta Nihoocho!” getiree ittoshi ceeggemmi bi Bushoochi Ayaanoon ittoshi mullooch deejjitone.

Efesooni 6:18

Yeerin qollebee bulli aaboon Yaafe Ayaano immiibeeti hakkoona corootibote. Ebi gaboonoo yaafeenaꞌo bullich Yeerin qollebee qaalliree corootoona kupphebote.

Filipphisiyoosi 3:3

Iberoon dokireeto, Ayaanoona Yeerich goyinneebeeti, Kiristoos Yesuusina geeciibeeti, meechi doyoona geecaani, noani boonoshi tooneenaꞌone.

Yaasi 24:14

“Andoo Doono Yeerin shatote; ibere mulloona gibeneeton tuneree biich maddebote; ittoshi qaabbechinaꞌo Efiraaxisee beqach Mesopotaamee showooch boonoshi beehooba, wotta aroyee gubb Gibits boonoshi beehooba, boonoshi goyinnee maddeti nuggisheenaꞌon ittoshi waanee wokkiibote. Doono Yeeri ikkeetoyich baach goyinne maddebote.

1 Pheexiroosi 2:9

Tunetaa manderoochee keyiree worganikkiti bi bekkooch ittoshi giyemmoyich, ittoshin ceeggiti Yeerichi deꞌittinoon ittoshi gettemmoyich, kaacheti shiijjeroo, taatoo Yeerich maddeebeeti qeeshoo, yaafeeti aagetoo, bi hajjoo tuneti yoodo ittoshine.

1 Saameeli 12:24

Ittoshi baach Doono Yeerin shatote; biich gibeneeton tuneree, ceeni ittoshi mulloona biich goyinne maddebote; ittoshich bi tuniiti worganikkiti mooyinaꞌon shalligibote.