Yowannisi 4:21 - Kafa Linguistics Project

²¹ Yesuusi ureyich ishichiye: “Haane, ta gettaa beeton iberiibe; hini guudoochaa tuneba Yerusaalemaa, Nihoo Yeerich ittoshi goyinneyaachemmi yemeeno woyemmone.

Yowannisi 4:21 ပူးပေါင်းရင်းမြစ်များ

Isiyaasi 66:1

Doono Yeeri ishichiye: “Shimaayoo ta taatee qeenone; showoo ta baatoo neexxemmi xaaꞌoone; ishigaata taach ittoshi haggemmi kexo am shaahoone? Ta kashemmi xaaꞌochi amoommone?

Hiziqeeli 14:3

“Ashi bushoocho, ebi asheenaꞌo boonoshi mulloon shahalloyich hajjiitinaꞌone; ebi boonoshi gonde shuunoon xugoon tuniiꞌi boonoshi aafooch kotiitinaꞌone. Ishigaata ta waanee eche waayeya boonoshi qaawoo tatoone?

Hiziqeeli 20:3

“Ashi bushoocho, Israꞌeelee geeneenaꞌoyich, ‘Nuggishoo Doono Yeeri ishichiye: Ta waanee echii waayeya waahote? Beeyecho ta tunoona wogehoye: Ta waanee amoonolla echii ittoshi waayemmoyich daaggaache, iye Nuggishoo Doono Yeeri’ gete.

Milikiyaasi 1:11

“Aabi keyoochee aabi gimooch beddaahaa beeti aageteenaꞌo ta shigoon oogii beetinaꞌone. Bulli xaaꞌoochaa ta shigoyich ixaanoon shookkiibee xalle deejjoon taach giddii beetinaꞌone. Boonoshi bulliyoo ta shigoon oogii beetinaꞌone” iye Beshe Mawe Doono Yeeri.

Maatiyoosi 18:20

Ebiyoo guttoo woyee keemo tuneꞌi ta shigoona boonoshi kicee beetooch boonoshina tookkaa ta beetoyichiye” iye.

Maatiyoosi 28:19

Illa tiyiree hambote; aageteenaꞌo bulliich beetinaꞌon Nihoo Yeeri, Bushoo Yeerinaa Yaafe Ayaanoonochi shigoona aacona afaalloonaa tuniibote iyaꞌa ittoshich ta getteto bullin boonoshich dojjoona ta dabbeenaꞌon tuniibote. Illa yemeenee ciirooch beddaahaa bulli aaboon ta ittoshina tookkaa beeto taane” iye.

Luqaasi 21:24

Goraadoona qitemminaꞌone; kecceree aagetoo bulliichoo shacemminaꞌone; ebi are boonoshin kecciti Aageteenaꞌochi yemeeno ciiremmi wottoonoo Yerusaalemin yiikkeree neexi hajjemminaꞌone” iye.

Yowannisi 14:6

Yesuusi wochiꞌi, “Gommonaa iberoona, kashoonoo taane; ta waanaa tuno bi qayigaata Nihoo Yeer waan womon hakkemmo koniyoona aalloone.

Yowannisi 16:2

Ayihudeenaꞌo kiceebeeti kexoochee ittoshin yookkemminaꞌone; ebiyeenoo wotta ittoshin wuxemminaꞌo bullich boonoshi shuunoo Yeerich gaacheebeeto bi shaahemmi aabo woyemmone.

Yowannisi 16:32

Waayebote! Ittoshi qelli qelloona ta ikkeeton dufiichi ittoshi kexi kexooch ittoshi shacemmi aabo woyemmone; andoo shaggitone. Tunebaani Nihoo Yeeri taanna tookkii bi tunetoyich, ta ikkeeto toono taane.

Yowannisi 4:23

Tunebaani iberittinoona goyinnee beetinaꞌo, Nihoo Yeerich Yaafe Ayaanee hakkoonaa iberittinoona boonoshi goyinnemmi yemeeno woyemmone; andoo waatone; Nihoo Yeeri biich boonoshi goyinnemmoyich eboshiyoomminaꞌon qaawii beetone.

Yowannisi 5:25

Iberoon ittoshich gettoye: Qititinaꞌo Yeerichi Bushoo qaaroon boonoshi waayemmi aabo woyemmone; ebiyoo andiye; waayemminaꞌo kashoon danemminaꞌone.

Yowannisi 5:28

“Qititinaꞌo bulli bi qaaroon boonoshi waayemmi aabo woyemmone; deꞌoon shuunetinaꞌo kashoona boonoshi beeyemmoyich, gondoon shuunetinaꞌoo boonoshi toommooch bi nalleyemmoyich qitoochee tiyemminaꞌone. Ebich worganeyaahote” iye.

Mishiraachechinaꞌo 6:14

Andoo ‘Hini Naazireetechi Yesuusi getteebeeto, hini yaafee kexon happemmone; Muusi nooch bi beshiiti doyoonoo shaddemmone’ iꞌi bi getaa waayeto noone” ii miixeheete.

Efesooni 2:18

No bulli bi gommona Nihoo Yeer waan ikke Ayaanoona gimon hakkito noone.

Efesooni 3:14

Ebichi naboyich shimaayoonaa showoonooch beeti yaroo bullin halliti Nihoo Yeeri aafooch gutenaꞌa corootaabeeto taane.

1 Ximootiyoosi 2:8

Illa doonjeenaꞌo bulli xaaꞌoochaa kaaroonaa hayoonon qayiichi, yaafeeti boonoshi kishoon damba tiijjiree boonoshi corootemmoyich daaggiyoye.

1 Pheexiroosi 1:17

Koninolla heppaanoon bi ikkikkoyich bi shuuneti shuunoommona bi toommooch nalliibeeti Yeerin “Ta Nihoocho!” iꞌi ittoshi ceeggii beetoyich, illa hini iibboommo tuneꞌi, ittoshi beeti yemeeno bulliich biin shatona beebote.

Yaaꞌoo 21:22

Beshe Hakkechi Nuggishoo Doono Yeerinaa Bagoona hini are katemeechi yaafee kexo boonoshi tunetoyich, arooch yaafee kexon beegaano taane.