Yowannisi 4:14 - Kafa Linguistics Project

¹⁴ tunebaani ta immaabeeti aacoochee uchiibeeto koniyoona bulli yemeenoon shacheweyaachemmone. Ta immaabeeti aaco bi maacooch bulli yemeenee kasho xuupphiibeeti tunoo tunemmone” iye.

Yowannisi 4:14 ပူးပေါင်းရင်းမြစ်များ

Isiyaasi 49:10

Shaacoonaa shachewoona boonoshin yeshaachemmone; gaame yongo woyee aabee michoo boonoshin yexaachemmone; boonoshich ariqqeebeeto boonoshin yaabemmone; aachi xuupho waan boonoshin daammemmone.

Isiyaasi 55:1

“Shachewetinaꞌote, ittoshi bulli aacooch wobote; ittoshi kememmi gijjaalleenaꞌote, waaree keme mamote. Woyinoonaa ejjoonon gijjaalloon, gatiyaalloon kemebote.

Isiyaasi 58:11

Doono Yeeri ta, ittoshin bulli aaboon yaabemmo taane; shuuꞌi showoochaa ittoshi qaatoon ceechemmo taane; ittoshi shaawushoon kupphiyemmo taane; aaco ucheeti bechee xaaꞌoommon, tahii ariyaani aachi xuuphoommon tunemmo ittoshine.

Erimiyaasi 2:13

“Ta asheenaꞌo gutte gonde mooyon tuniitinaꞌone; ebiyoo, kashee aachi tunoo tuneti taan qajjitinaꞌone; aacon yesho hakkaani, hote oppeenaꞌonoo boonoshi qellich iijjitinaꞌone.

Erimiyaasi 31:25

Ebiyoo nireti kasheen digaayiyemmo, shaacaa maraatetonoo michiyemmo ta tunetoyichiye” iye.

Hiziqeeli 47:9

Aaco hammiibeeti xaaꞌoo bulliich shuuriibeeti kashechi halloo bulli beeyemmone; meeti haasheenaꞌo arooch beeyemminaꞌone; ebi aaco aroona hammitoyich bahareexi aacinaꞌo xallemminaꞌone; ebi aaco hammito bulliich kashechi mooyo beeyemmone.

Leweenaꞌo 11:36

Tunebaani aachi xuupho woyee aachi oppo xalloone; tunetaa ebi mooyochi achooch shaggimmo koniyoona woyee amee mooyolla eeꞌemmone.

Maatiyoosi 25:46

“Boonoshiyoo bulli yemeenee shiwerooch, cadiqeenaꞌo wotta shimaajji taatittineech giyiree bulli yemeenoon beeyemminaꞌone” iye.

Maatiyoosi 5:6

Yeeri aafooch cadiqoon tunoyich, oogichii qaatii beetinaꞌo diireetinaꞌone; Yeeri boonoshi qaatiton ceechemmone.

Yowannisi 10:10

Gaayo bi waabeeto gaayoyich, guuroonaa aalliyoonoyichalli, baroon halloyich toonoone. Tunebaani ta waato, kashoon boonoshi danemmoyich, ebiyoo ceeni kashoon boonoshi danemmoyichiye.

Yowannisi 11:26

kashecho tuneꞌi bi mulloon ta toommooch tooꞌiibeeto bulli, cir qitaachemmone. Ebin iberiinne?” iꞌi echehe.

Yowannisi 4:10

Yesuusi wochiꞌi ureyich “Yeeri immiibeeti wojjoon, wotta ‘Aacon taach imbe, uyona’ ii beeti ta koni ta tunoonon, ne ariito gaata, ne taan qolleshi neene; tawoo kashee aacon neech immesho taane” iye.

Yowannisi 4:11

Ure “Ta doonocho, ne kittemmi qiico neech aalloone; aachi oppoo genjoone. Illa kashee aacon amoochee deebenne?

Yowannisi 4:13

Yesuusiyoo wochiꞌi, “Hini aacoochee uchiibeeto bulli wochinnoon shachewemmone;

Yowannisi 4:36

Andolla qecciibeeto bi caajjee gatiyoon deqqii beetone; shookkechonaa qeccechona ikkooch tookkiree boonoshi emiremmoyich, qecciibeeto aafeti maayoon bulli yemeenee kashoyich kicii beetone.

Yowannisi 6:27

Bulli yemeenee kashoon immemmi maayoyich shuunebotalli, aallemmi maayoyich shuuneyaahote. Hini besheyaani koshon ittoshich immemmo Ashi Bushoone. Ebiyoo Nihoo Yeeri taanna bi emiroon bi miixetoyichiye” iye.

Yowannisi 6:35

Yesuusi ishichiꞌi boonoshich wochiye: “Kashee kosho taane; ta waan waabeeto cir shaaceyaachemmone; bi mulloon ta toommooch tooꞌiibeeto, bulli yemeenoon cir shacheweyaachemmone.

Yowannisi 6:58

Illa shimaayoochee kinditi kosho ebine; ittoshi qaabbechinaꞌo are koshon maaꞌi boonoshi qititoommon toonoone. Hini koshon maabeeto, bulli yemeenoon beeyemmone” iye.

Yowannisi 7:37

Baaree ciiroochee qaabbe aabooba Yesuusi neexee bi qaaroon oogichiꞌi, “Koniyoona shacheweto bi beegaata, ta waan waaree uye.

Roomi 5:21

Illa axaaxoo qitee gommona bi taatetoommon, wotta Yeerichi wojjoo no Doono Yesuus Kiristoosichi naboona Yeeri nooch immiibeeti cadiqee gommona bulli yemeenee kashooch yaabiibee taatee beetone.

Roomi 6:23

Axaaxoon shuuneti ashich qocheyemmi shumaayoo qitoone; tunebaani no Doono Kiristoos Yesuusina Yeeri wojjemmi wojjoo bulli yemeenee kashoone.

2 Qorontoosi 1:22

Wotta biicho no tunee xiishee malletoon no toommooch geddito, gubb nooch bi immemmi wojjoonoo bekkiibeeti Yaafe Ayaanoon yechiyoo tuniiꞌi no mullooch kotiitoo, biine.

Efesooni 4:30

Yeeri ittoshin biishemmi aabo woyemmo tunoon xiishiibeeti yechiyoo, ebiyoo ittoshi toommooch malletoon tuniiꞌi Yeeri gedditi bi Yaafe Ayaanoon ayinikkiyaahote.

1 Pheexiroosi 1:22

Guttinnoon ittoshi shiijjeto, kashechonaa bulli yemeenoon beeyechona tuneti Yeerichi qaaroocheeniye; ebiyoo aalleyaani yaroocheenalli aallemmi yaroochee toonoone; and iberee qaaroyich deꞌa getona xalleꞌi ittoshi maneenaꞌoyich ibere shuno ittoshich beetone; ebich mulloochee tiijjiree ittoshinaa ittoshina manjiiree shunebote.

1 Yowannisi 5:20

Wotta Yeerichi Bushoo womonaa iberoo tuneti Yeerin no ariibeeti mulloon nooch bi imonon ariibeeto noone. Iberoo tuneti Yeerina tookkii nooch ikkittino beetone; wotta bi Bushoo Yesuus Kiristoosina tookkii nooch ikkittino beetone. Biyoo ibere Nuggishoonaa bulli yemeenee kashoonane.

Yaaꞌoo 7:16

Illa ebiyee bekk shaaceyaachemminaꞌone; ebiyee gubb shacheweyaachemminaꞌone; aabo boonoshin yexaachemmone; gaamoo amolla boonoshin michaachemmone.

Yaaꞌoo 7:17

Ebiyoo, taatee qeechi gutte daggooch beeti Bago boonoshich qiddoo tuneree, kashee aachi tunooch boonoshin bi yaabemmoyichiye. Yeeriyoo boonoshi acimo bullin boonoshi aafoochee hidemmone” iye.