Yowannisi 4:10 - Kafa Linguistics Project

¹⁰ Yesuusi wochiꞌi ureyich “Yeeri immiibeeti wojjoon, wotta ‘Aacon taach imbe, uyona’ ii beeti ta koni ta tunoonon, ne ariito gaata, ne taan qolleshi neene; tawoo kashee aacon neech immesho taane” iye.

Yowannisi 4:10 ပူးပေါင်းရင်းမြစ်များ

Shoddo 10:17

Doono Yeero, boonoshi qelloon giishiitinaꞌochi qolloon waayehine; ne waamon gaꞌiyaa waayaꞌa boonoshi mulloon kupphiihine.

Shoddo 46:4

Bi daggooch, Yeerichi katemoon, Beshoo Yeeri beeti yaafe xaaꞌoon emirikkiibeeti, woce aaco beetone.

Keyo 17:6

Tawoo Kooreebi guudooch beeti xaqqee toommoochaa ne aafooch neexemmo taane; xaqqoonoo yexe. Asheenaꞌo uchemmoyich aroochee aaco xuupphemmone” iye. Ebich Muusi Israꞌeelee ukkireenaꞌo aafoochaa ebin tuniihe.

Solomooni 4:15

Ne, bechee michi daggeexi aachi xuupheyoommi, kaama ufeebeeti aachi oppeyoommi, Libanoosee ufeebeeti woce aaciyoommi, neene.

Isiyaasi 12:3

Wodee xuuphoochee aacon emiroona kittemmo ittoshine.

Isiyaasi 35:6

Baata tiisheenaꞌo xiixxechoommon capphemminaꞌone; dudoochi heciyoo emiroona shoddemmone; aaco barahoochee kechemmone; aachi xuupho barahoochee xuupphemmone.

Isiyaasi 42:6

“Doono Yeeri ta, neen cadiqoona ceeggeto taane; ne kishoonoo yechemmo taane; neen quyemmo taane; ta asheenaꞌoyich wogoon, aageteenaꞌoyichoo bekkoon, neen tuniyemmo taane.

Isiyaasi 43:20

Kaacheti ta asheenaꞌo uchemmoyich aacon barahoochaa, woce aacon shuuꞌi showoochaa ta immetoyich kubbi cooxinaꞌo taan oogiyemminaꞌone; boqqelleenaꞌonaa shaakkeenaꞌonoo taan galletemminaꞌone.

Isiyaasi 44:3

Shacheweti showooch aacon, woniyemmo taane; shuuqqiti showoochoo aachi xuuphoon kichemmo taane; ta Ayaanoon ne shiijjereenaꞌo toommooch, ta diiroonoo ne yareenaꞌo toommooch, ukkemmo taane.

Isiyaasi 49:10

Shaacoonaa shachewoona boonoshin yeshaachemmone; gaame yongo woyee aabee michoo boonoshin yexaachemmone; boonoshich ariqqeebeeto boonoshin yaabemmone; aachi xuupho waan boonoshin daammemmone.

Isiyaasi 9:6

Gaggeroo nooch shiijjetone; anaami bushoo nooch ichetone; taatittino bi kishooch tunemmone. Bi shigoo Worganikkiti Ciiccecho, Beshe Hakkechi Nuggishoo, Bulli Yemeenee Nihoo, Diggee Ukkiroo, getteyemmone.

Erimiyaasi 2:13

“Ta asheenaꞌo gutte gonde mooyon tuniitinaꞌone; ebiyoo, kashee aachi tunoo tuneti taan qajjitinaꞌone; aacon yesho hakkaani, hote oppeenaꞌonoo boonoshi qellich iijjitinaꞌone.

Hiziqeeli 16:35

“ ‘Ebich yahechine, Doono Yeerichi qaaroon waayebe:

Zakaariyaasi 13:1

“Ebiyooba Daawitichi kechi asheenaꞌonaa Yerusaalemi asheenaꞌonon axaaxoonaa eeꞌoonoochee xalliyemmi aachi xuupho qecheyemmone” iye.

Zakaariyaasi 14:8

Ebiyooba kashee aaco Yerusaalemee xuupphemmone. Qato aabi-keyo waanee baharooch, qato wotta aabi-gimo waanee baharooch woccemmone. Ebiyoo qaawoonaa yooyonooch kuxeyaachemmone.

Luqaasi 11:13

Gondo ittoshi tunetaanoona, ittoshi bushiisheenaꞌoyich deꞌe mooyon imon ariibeeto ittoshine. Illa shimaayooch beeti ittoshi Nihoo Yeeri biin qollee beetinaꞌoyich Yaafe Ayaanoon am shaahoon beshaa beshiiree immehe!” iye.

Yowannisi 16:3

Ebin ittoshi toommooch boonoshi tuniyemmo, Nihoo Yeerinoo taanoo boonoshi tuushitoyichiye.

Yowannisi 17:3

Ibere Nuggishoo ne baach tuneti neen boonoshi ariyoo, wotta ne deejjiti Yesuus Kiristoosin boonoshi ariyoo, ebi bulli yemeenee kashoone.

Yowannisi 3:16

“Mulloon bi Bushoo toommooch tooꞌiibeeto bulli, bulli yemeenee kashoon bi danemmonaa bi aalleyaachemmonoyich, Yeeri ikke bi Bushoon bi immimmi wottoon alemoon oogichii shunniye.

Yowannisi 4:14

tunebaani ta immaabeeti aacoochee uchiibeeto koniyoona bulli yemeenoon shacheweyaachemmone. Ta immaabeeti aaco bi maacooch bulli yemeenee kasho xuupphiibeeti tunoo tunemmone” iye.

Yowannisi 6:35

Yesuusi ishichiꞌi boonoshich wochiye: “Kashee kosho taane; ta waan waabeeto cir shaaceyaachemmone; bi mulloon ta toommooch tooꞌiibeeto, bulli yemeenoon cir shacheweyaachemmone.

Yowannisi 6:51

Shimaayoochee kinditi, kashoon immiibeeti kosho taane. Asho hini koshoochee bi maagaata, bulli yemeenoon beeyemmone. Showee toommooch beetinaꞌo kashoon boonoshi danemmoyich ta immemmi kosho ta meenone” iye.

Mishiraachechinaꞌo 9:11

Doono Yesuusi biich ishichiye: “Kaate tiyiree Kaamoo getteebeeti gommooch hambe. Arooch Yihudi kexooch beeti, Sawuli getteebeeti, ikke Xeriseesi katemee ashoon qaawibe. Biyoo corootee toommoochiye bi beeto.

Roomi 8:32

Yeeri bi hajjee Bushoyich ariqqeyaanoon no bullicha iꞌi beshii immiye; ebich wotta biinna tookki bulli mooyon nooch wojjemmone.

1 Qorontoosi 1:30

Tunebaani Yeeri ittoshin Kiristoos Yesuusina tookkii ikkochitone; ebich Yeeri biin nooch shalligoo, cadiqoo, yaafoonaa biishechona tuniitone.

1 Qorontoosi 10:4

boonoshi bulliyoo ikke ayaanee uyoon uchiyeete; ebinoo boonoshin dabbiibeeti ayaanee Xaqqee Inderoochee uchitinaꞌone; are ayaanee Xaqqee Inderoo Kiristoosine.

2 Qorontoosi 9:15

Ebine, getaa ashi qaaroona getteyoo hakkeyaani, worganikkiti bi wojjoyich Yeeri galleteebe.

Efesooni 2:8

Bi toommooch ittoshi mullee tooꞌiyoona Yeeri bi wojjoona ittoshin wodiitone; ebiyoo bi immiti wojjoonalli ittoshi shuunoona toonoone;

Hibireena'o 6:4

Ikke wottoon Yeerichi wocho iberoo bi tunoon ariitinaꞌon, Yeerichi wojjoochee quupphii beeggitinaꞌon, Yaafe Ayaanoochee qoodeyecho tunetinaꞌon,

1 Yowannisi 5:20

Wotta Yeerichi Bushoo womonaa iberoo tuneti Yeerin no ariibeeti mulloon nooch bi imonon ariibeeto noone. Iberoo tuneti Yeerina tookkii nooch ikkittino beetone; wotta bi Bushoo Yesuus Kiristoosina tookkii nooch ikkittino beetone. Biyoo ibere Nuggishoonaa bulli yemeenee kashoonane.

Yaaꞌoo 21:6

Wotta taach ishichiye: “Illa mooyo bulli ceennitone. Alfoonaa Oomeegoona, Shiichoonaa Tacona taane; shachewetoyich kashee aachi xuuphoochee baad cikki immemmo taane.

Yaaꞌoo 22:17

Yaafe Ayaanoonaa Bagoochi woꞌeena “Wobe!” ii beetinaꞌone. Ishin waayeebeeto bulli “Wobe!” gete. Shacheweto bulli wobe; qaawiibeeto bulliyoo kashoon immiibeeti aacon baad cikki daambe.

Yaaꞌoo 7:17

Ebiyoo, taatee qeechi gutte daggooch beeti Bago boonoshich qiddoo tuneree, kashee aachi tunooch boonoshin bi yaabemmoyichiye. Yeeriyoo boonoshi acimo bullin boonoshi aafoochee hidemmone” iye.