Yowannisi 3:2 - Kafa Linguistics Project

² Biyoo xumoona Yesuus waan waaꞌi, “Dojjechocho, Yeeri biinna tookkii tunetoyee damba, ne tuniibeeti hini worganikkiti malleteenaꞌon tuniyoon koniyoona hakkaache. Ebich dojjecho tunaꞌa Yeer waanee ne womon ariibeeto noone” iye.

Yowannisi 3:2 ပူးပေါင်းရင်းမြစ်များ

1 Taateenaꞌo 17:24

Ureyoo Eliyaasich, “Yeer asho ne tunoon, ne noonoochee kechiti, Doono Yeerichi qaaro iberoo bi tunoonoo and ariiti taane” iyan.

Isiyaasi 51:7

“Tate mooyon ariyaa beetinaꞌote, ta sheeroo ittoshi mullooch beeti asheenaꞌote, ta waanee waayebote: Ashi miichoon shattaahote; boonoshi naagoyichoo keqqiyaahote.

Erimiyaasi 38:16

Aroochee taatoo Sedeqiyaasi “Kashoon nooch immiti beeyechi Doono Yeeri beege! Neen wuxaachemmo taane; ne kashoon qaawiibeeti, ebi asheenaꞌo kishooch beshiiree imaachemmo taane” iꞌi Erimiyaasich aashoona wogehe.

Maatiyoosi 22:16

Boonoshi dabbeenaꞌon Heroodisi asheenaꞌona tookkii Yesuusin boonoshi echemmoyich daachiiheete. Boonoshiyoo hammiꞌi, “Dojjechocho, ibere moochecho ne tunoon, ibere mooyona Yeerichi gommichon ne dojjoon ariibeeto noone. Ashoon giisho, oogoo getaachine; ebich konicholla beshii shappii dabiyaachine.

Maatiyoosi 23:7

gabiyee godoochaa showooch qebonee diggiyoonaa dojjechocho getaa ceekkoonon qaawiyeete.

Maatiyoosi 23:8

“Tunebaani ittoshi dojjecho getaa ceekkeyaahote. Ittoshich ikke Dojjecho baach bi beetoyich, ittoshi bulli ikke manoo ittoshine.

Maariqoosi 12:14

Wocheetinaꞌo waaꞌi Yesuusin “Dojjechocho, ashoon giisho oogoo getaanoon iberoon Yeerichi gommon dojjaabeeto neene. Ebich ibere moochecho, konichona beshii shappii dabiyaano ne tunoon ariibeeto noone. Illa Qesaarich qaraxee qocon Muusichi Sheeroo daaggiibeetee, daaggaache? Qaraxoon qoconaa woyee qoccaayona?” iꞌi echeheete.

Yowannisi 1:38

Biin dabbiibeeti asheenaꞌon Yesuusi gubb wottee ciinniꞌi, “Amooniye ittoshi qaawiibeeto?” iye. Boonoshiyoo “Rabbo, ne beeto aabiichiye?” iꞌi echeheete. Rabbi geto “Dojjecho” getone.

Yowannisi 10:38

Tunetaa ta shuunegaata, taanolla ittoshi iberiyoo qayigaata, Nihoo Yeeri taanna tookkii bi tunoon, tawoo Nihoo Yeerina tookkii ta tunoon xiishiree ittoshi ariyemmoyich, ta shuunoon iberiibote” iye.

Yowannisi 12:37

Tunebaani ebi shaahe malletoon boonoshi aafoochaa bi bekkiiteenolla, bi toommooch mulloon tooꞌiyaaneenaꞌone.

Yowannisi 14:10

Tawoo Nihoo Yeerina ta beemon, Nihoo Yeeriyoo taanna bi beemon iberiyaachine? Ittoshich ta gettaabeeti qaaroon ta gettaabeeto, ta waanee toonoone; tunebaani ebi bi shuunoon shuuneebeeto, taanna beeti Nihoo Yeerine.

Yowannisi 15:24

Asho koniyoona shuuneyaani shuunoon boonoshi daggooch ta shuuneyaan gaata, boonoshich axaaxoo tuneyaacheshone; tunebaani and hini ta shuuneto bullin beeggitinaꞌone; taanoo ta Nihoonoo shixxitinaꞌone.

Yowannisi 2:11

Yesuusi hini malletoon shiichiꞌi Galiilee showooch beeti Qaani katemoochaa tuniihe; arooba bi oogee yiiroon bekkiihe. Ebich bi dabbeenaꞌo boonoshi mulloon bi toommooch tooꞌiiheete.

Yowannisi 20:16

Yesuusi “Maariyame” iye. Areyoo guuddaa wottaꞌa Hibiree noonoona “Rabbuno!” iyan; ishi geto “Dojjechocho!” getone.

Yowannisi 3:26

Hini bi dabbeenaꞌo Yowannis waan waaꞌi, “Dojjechocho, Yoordaanoosi aachee beqach neenna tookkii beebee echeto, newoo biichon ne miixeto, ebiyoche, asheenaꞌon aacona afaallii beetone; asho bulli bi waan hammii beetone” iyeete.

Yowannisi 4:31

Ebi tunee beetaa, bi dabbeenaꞌo “Dojjechocho, maayoon mame” iꞌi ataalliyeete.

Yowannisi 5:36

“Tunetaa Yowannisi miixetoyee beshoon miixeebeeto taach beetone. Ebi ta tuniyaabeeti, Nihoo Yeeri shuune ta ciichemmoyich bi immiti shuunoo, Nihoo Yeeri taan bi deejjoon taachon miixee beetone.

Yowannisi 6:2

Biiyechinaꞌo toommooch bi bekkiiti worganikkiti malleteenaꞌon boonoshi beeggitoyich dofee asheenaꞌo biin dabbiyeete.

Yowannisi 7:31

Tunetaa asheenaꞌo daggoochee meetinaꞌo boonoshi mulloon bi toommooch tooꞌiiꞌi, “Kiristoosi waahooba, hini uro bekkiiti malleteenaꞌoyee beshoon bekkiyehe?” iyeete.

Yowannisi 9:16

Fariseenaꞌo daggoochee ikkikkeenaꞌo “Hini uro shambetoon oogiyaache; ebich Yeer waanee waato toonoone” iyeete. Tunetaa bareenaꞌo “Axaaxechi asho ebiyoommon malleteenaꞌon aabichiree tuniyoon hakkehe?” iyeete. Boonoshi daggooch shaco giyiye.

Mishiraachechinaꞌo 10:38

Yeeri Naazireetechi Yesuusin Yaafe Ayaanoona huuttiꞌi giidoon biich immiye; biinna tookkii Yeeri tunetoyich, Yesuusi deꞌoon shuuneebee daabiloosi hajjitinaꞌo bullin wodiibee guuddiye.

Mishiraachechinaꞌo 2:22

“Hini Israꞌeeleenaꞌote, andoo hini mooyon waayebote: Ittoshi qelloona ittoshi arii beetoommon, Naazireetechi Yesuusi koni bi tunoon, Yeeri biinna ittoshi daggooch bi shuuneti gaakkechi shuunoona, worganikkiti mooyonaa malletoona xiisheetone.

Filipphisiyoosi 1:14

Kittinnoo tuneti maneenaꞌo daggoochee meetinaꞌo ta cucheyee naboona beshoon Doono Yeerin gibenetinaꞌone; shataanoonoo Yeerichi qaaroon getoyich aafichoyee beshoon aafoon kupphee beetinaꞌone.

Woraaferasheenaꞌo 6:27

Ebina Geediyooni bi naayinaꞌo daggoochee aashireenaꞌon yechii hammiꞌi, Doono Yeeri biich gettitoommon tuniihe. Tunebaani bi kechi asheenaꞌonaa are katemeexi asheenaꞌonon oogichii bi shattitoyich, ebin bi tuniito areddoon tuneyaanoon xumooniye.