Yowannisi 3:17 - Kafa Linguistics Project

¹⁷ Yeeri bi Bushoon alemooch bi deejjito, arooch beeti asheenaꞌon bi wodiyemmoyichalli, boonoshi toommooch bi nallemmoyich toonoone.

Yowannisi 3:17 ပူးပေါင်းရင်းမြစ်များ

Zakaariyaasi 9:9

Tsiyooni asheenaꞌote, oogichi emiribote! Yerusaalemi asheenaꞌote, ililibote! Ittoshi taatoo, cadiqoonaa kochii wochechona gaꞌi deꞌo tunee, kuroon yebbee, kureechi bushoon yebbee, ebiyoche, ittoshi waan waa beetone.

Maatiyoosi 18:10

“Hini gishiisheenaꞌoochee ikkoonolla ittoshi hoxeyaachemmoyich, ittoshi qelloon quyebote. Shimaayooch beeti boonoshi maraakeenaꞌo shimaayooch beeti ta Nihoo aafooch bulli aaboon beetinaꞌone.

Maatiyoosi 18:11

“[Ashi Bushoo waato, aalleton wodiyoyichiye.]

Luqaasi 19:10

Ashi Bushoo bi waato, aalleton qaawoonaa wodiyoonoyichiye” iye.

Luqaasi 9:56

Aree hillooch Yesuusinaa bi dabbeenaꞌona bare gafooch hammiyeete.

Yowannisi 1:29

Bi dechara Yowannisi bi waan Yesuusichi womon beeggiꞌi ishichiye: “Ebiyoche, alemee axaaxoon hidi wokkiyemmi Yeerichi Bago!

Yowannisi 10:36

‘Yeerichi Bushoo taane’ ta itoyich Nihoo Yeeri yaafiton, alemoochoo bi deejjiton ‘Naagahine’ iyote?

Yowannisi 11:42

Bulli aaboon ne waayoon ariibeeto taane; tunebaani taan ne deejjoon boonoshi iberiyemmoyich, hini ta guudoona neexeti asheenaꞌoyicha iyaꞌa ishin gettoye” iye.

Yowannisi 17:18

Alemooch taan ne wochoommon, ebiyoommon tawoo alemooch boonoshin wocheto taane.

Yowannisi 17:21

Ta qollaabeeto, boonoshi bulli ikkottemmoyichiye; taan ne deejjoon alemo iberiyemmoyich, ta Nihoocho, ne taanna ne beemoommon, tawoo neenna ta beemoommon, ebiyoommon wotta boonoshi noonna beebeete.

Yowannisi 17:23

Hini oogee yiiroon ta immeto, ‘Tawoo boonoshina ta tunoona, newoo taanna ne tunoona bulli ikkoo tunebeete’ getoyichiye. Ebina taan wochaa ne deejjoon, taanoo ne shunnetoommon boonoshin ne shunon alemo ariyemmone.

Yowannisi 17:25

“Cadiqe ta Nihoocho, alemo neen ariyaanoone; tunetaa ta neen ariito taane; eboshiyoo taan ne deejjoon ariitinaꞌone.

Yowannisi 17:3

Ibere Nuggishoo ne baach tuneti neen boonoshi ariyoo, wotta ne deejjiti Yesuus Kiristoosin boonoshi ariyoo, ebi bulli yemeenee kashoone.

Yowannisi 17:8

Ebiyoo taach ne getteto bullin boonoshich ta gettetoyichiye; boonoshiyoo waayetinaꞌone; ne waanee ta womon xiishoona ariitinaꞌone; taan wochaa ne deejjoonoo iberiitinaꞌone.

Yowannisi 20:21

Yesuusi wochinnoon “Diggoo ittoshich tunebe. Nihoo Yeeri taan bi wochetoommon ta wotta ittoshin wochaabeeto taane” iye.

Yowannisi 3:34

Yeeri bi Ayaanoon bi immiibeeto qeelleꞌi tuno bi qajjitoyich, Yeeri wocheto, Yeerichi wochoon gettii beetone.

Yowannisi 5:36

“Tunetaa Yowannisi miixetoyee beshoon miixeebeeto taach beetone. Ebi ta tuniyaabeeti, Nihoo Yeeri shuune ta ciichemmoyich bi immiti shuunoo, Nihoo Yeeri taan bi deejjoon taachon miixee beetone.

Yowannisi 5:38

Bi wocheton ittoshi iberiyoo qajjitoyich, bi qaaro ittoshi mullooch aalloone.

Yowannisi 5:45

“Taan ‘Nihoo Yeer waan hamiree noon taggemmone’ getiree gabiyaahote. Ittoshin taggemmo beetone; aroo ittoshi gibeneebeeti Muusine.

Yowannisi 6:29

Yesuusi wochiꞌi, “Yeeri qaawiibeeti shuunoo, bi wochee deejjito toommooch mulloon ittoshi tooꞌiyoone” iye.

Yowannisi 6:40

Yeerichi Bushoo taan ciinniꞌi bi mulloon ta toommooch tooꞌiibeeto bulli, bulli yemeenee kashoon bi danemmoyich ta Nihoochi daaggoo ebine; tawoo ciireexi aabooba qitoochee biin tiijjemmo taane” iye.

Yowannisi 6:57

Beeyechi Nihoo Yeeri taan wochetone; tawoo bi naboona beeyecho taane. Ebiyoommon taan maabeeto, ta naboona kashecho tuneree beeyemmone.

Yowannisi 7:29

Tunetaa ta bi waanee waato taane; biyoo taan wochetone; ebich biin ariibeeto taane” iye.

Yowannisi 8:11

Ureyoo “Ta doonocho, koniyoona aalloone” iyan. Yesuusiyoo “Tawoo wotta ne toommooch nallaache. Hambe; ebiyee damba guttinnoon axaaxoon shuuneyaahine” iye.]

Yowannisi 8:42

Yesuusiyoo boonoshich ishichiye: “Ta Yeer waaneeniye ta waato. Ebich Yeeri ittoshi Nihoo gaata, taan shunnesho ittoshine. Bi taan wochetenalli, ta, ta aalla waataano taane.

1 Yowannisi 2:2

Biyoo Yeeri no axaaxoon nooch bi maariibeeti deejjoone; no axaaxoon baach tuneyaanoon ashoo bullichi axaaxoon bi maariibeeti deejjoone.

1 Yowannisi 4:14

Nihoo Yeeri bi Bushoon hini alemooch beetinaꞌon Wodiyecho bi tunemmoyich wochee bi deejjoon beeggeto noone; ebich miixaabeeto noone.