Yowannisi 3:13 - Kafa Linguistics Project

¹³ Shimaayoochee kinditoyee damba shimaayooch kechito koniyoona aalloone; ebiyoo Ashi Bushoone.

Yowannisi 3:13 ပူးပေါင်းရင်းမြစ်များ

Shaahiyoo 30:4

Shimaayooch kechii kindito konine? Yongoon bi kishooch uppii yechito konine? Aacon bi tahooch qulleto konine? Showee tuggeenaꞌo bullin manjiito konine? Bi shigoonaa bi bushoochi shigoona konine? Eke ne ariyaabeeto gaata gete.

Maatiyoosi 8:20

Yesuusiyoo “Boqqelleenaꞌoyich oppo, shimaajji kafeenaꞌoyichoo kexo beetone; ebi tunemmona Ashi Bushoyich giyi bi qeyemmi xaaꞌoo aalloone” iye.

Yowannisi 1:18

Yeerin bi aafoona beeggito koniyoona aalloone; tunebaani bi Nihoochi sheenooch beeti ikke bi Bushoo kindiꞌi bekkiitone.

Yowannisi 13:3

Yesuusi Nihoo Yeeri bi kishooch bulli mooyon bi imon, Yeer waanee bi womonoo, Yeer waanoo wotteree hammemmo bi tunoon arii beetone.

Yowannisi 17:5

Ta Nihoocho, alemo halleyaan beetaa, neenna tookkaa ta beehooba taan ne oogiyoommon andoo ne beetoochaa taan oogiibe.

Yowannisi 3:12

Showeexi mooyon ta getaa, ittoshi iberiyaan gaata, shimaayeexi mooyon ta getaa, aabichiree iberiyehote?

Yowannisi 3:31

“Damba shimaayoochee waabeeto bulliyee beshoone; dechi showoochee tuneebeeto showeexone; showee toommeexi mooyoniye bi gettiibeeto. Shimaayoochee waabeeto bulliyee beshoone.

Yowannisi 6:33

Ebiyoo Yeeri immiibeeti kosho, shimaayoochee kindiꞌi alemooch beeti asheenaꞌoyich kashoon immii bi beetoyichiye” iye.

Yowannisi 6:42

“Hini bi nihoonaa bi indeenon no ariibeeti Yooseefichi bushoo Yesuusi toone? Ishigaata, aabichiꞌi ‘Shimaayoochee kindito taane’ iye?” iyeete.

Yowannisi 6:46

Yeer waanee waatoyee damba, Nihoo Yeerin beeggito koniyoona aalloone; bi ikkeeto baachiye Nihoo Yeerin beeggito.

Yowannisi 6:51

Shimaayoochee kinditi, kashoon immiibeeti kosho taane. Asho hini koshoochee bi maagaata, bulli yemeenoon beeyemmone. Showee toommooch beetinaꞌo kashoon boonoshi danemmoyich ta immemmi kosho ta meenone” iye.

Yowannisi 6:62

Illa Ashi Bushoo aaf bi waati xaaꞌooch wotteree bi keyaa ittoshi beegigaata, ama gettehote?

Yowannisi 8:42

Yesuusiyoo boonoshich ishichiye: “Ta Yeer waaneeniye ta waato. Ebich Yeeri ittoshi Nihoo gaata, taan shunnesho ittoshine. Bi taan wochetenalli, ta, ta aalla waataano taane.

Mishiraachechinaꞌo 2:34

Daawiti shimaajj keyaanoone; tunetaa aroo, ‘Doono Yeeri, ta Doonon, “Ne etteenaꞌon ne baatee dechiich ta tuniimmi wottoon, ta qannooch kotebe” itone’ iye.

Mishiraachechinaꞌo 20:28

Yaafe Ayaano yaabii qeejjechi geeno tuniiꞌi ittoshin ukkiriitone; illa ittoshi qellich, wotta qiddoo bi bagoon bi quyoommon Yeerichi asheenaꞌon shiimeꞌi quyoyich, ittoshi qelloon ariibote! Bi hajjee damoona bi biisheti Yeerichi kittinnee guuphon quyebote.

Roomi 10:6

Tunebaani Yeeri toommooch mullee tooꞌiyoona daneebeeti cadiqeechon Yaafe Macaafo ishichiye: “Ne mulloona ‘Koni shimaayooch kechehe?’ gettaahine” iye; ebiyoo Kiristoosin kindiiyane;

1 Qorontoosi 15:47

Wonnee asho showoochee halleetone; showee ashoone. Guttinnee asho shimaayoochee kinditone.

Efesooni 1:23

Kittinnee guuphoo bi ashittinee quumoone; bulli mooyon bulli xaaꞌooch ceechiibeeti biinna ceennii beetone.

Yibbaatoo 30:12

‘Waayeree no ceechemmoyich konine shimaayooch keyiree nooch deebemmo?’ ne getaachemmoyich, bi beeto shimaayooch toonoone.