Yowannisi 3:11 - Kafa Linguistics Project

¹¹ Iberoon neech gettoye: No arii beeton gettehone; no beeggeton miixehone; tunebaani no miixeton iberiyaachote.

Yowannisi 3:11 ပူးပေါင်းရင်းမြစ်များ

Isiyaasi 50:2

Ta waahooba asho amoyich arooch aallehe? Ta ceeggiyooba amoyich eekkemmo koniyoona aallehe? Shiwoyich ta kishoo qaminone? Woyee wodiyoyich hakkoo taach aalletenane? Ta noggegaata baharo shuuqqiye; aacinaꞌonoo barahoo tuniihoye; haasheenaꞌo aacon mucceree shaaqqemminaꞌone; shachewoonoo qitemminaꞌone.

Isiyaasi 53:1

No gettaa beeton koni iberiite? Doono Yeerichi mochoo konich bekkete?

Isiyaasi 55:4

Biin aageteenaꞌoyich miixoo, wulloonaa iraashoonon tuniito taane.

Isiyaasi 65:2

Boonoshi mullee daaggoona hammiibeeti, gonde gommona hammiibeeti, hukkechi asheenaꞌoyich, heeyo bullin ta kishoon yaggiyoye.

Maatiyoosi 11:27

Wotta Yesuusi asheenaꞌoyich, “Ta Nihoo bulli mooyon taach immitone. Nihoo Yeeriyee damba Yeerichi Bushoo taan ariibeeto aalloone; Yeerichi Bushoo tayee besh, wotta Yeerichi Bushoo ta biich bekkiiya ta daaggiti ashoyee beshetaa, Nihoo Yeerin ariibeeto aalloone.

Maatiyoosi 23:37

Daakkiꞌi Yesuusi ishichiye: “Hini Yerusaalemi asheenaꞌote! Keemechinaꞌon wuxii beetinaꞌote! Ittoshi waan wocheetinaꞌon xaqqoona yexxii wuxii beetinaꞌote! Baakkee bi bushiishoon bi qoshee daggooch bi guufoommon, tawoo ittoshin ikkooch kicoyich ambiche wottoon shunnetote! Tunetaa ittoshi qaawaano ittoshine.

Luqaasi 10:22

Aree hillooch “Ta Nihoo bulli mooyon taach immitone; Nihoo Yeeriyee damba Yeerichi Bushoo taan koni ta gaata ariibeeto aalloone. Yeerichi Bushoo tayee beshetaa, wotta Yeerichi Bushoo ta biich bekkiiya ta daaggiti ashoyee beshetaa, Nihoo Yeeri koni bi gaata biin ariibeeto aalloone” iye.

Yowannisi 1:11

Bi asheenaꞌo waan waahe; bi hajjee asheenaꞌo biin qajjiyeete.

Yowannisi 1:18

Yeerin bi aafoona beeggito koniyoona aalloone; tunebaani bi Nihoochi sheenooch beeti ikke bi Bushoo kindiꞌi bekkiitone.

Yowannisi 12:49

Ta qellee hakkoona getaano taane; tunebaani amoon ta gettemmo gaata, aabichiree ta gettemmo gaatoo taach gettito taan deejjiti Nihoo Yeerine.

Yowannisi 14:24

Taan shunaano ta qaaroon ceechaachemmone. Hini ittoshi waayeebeeti qaaro taan wocheti Nihoo Yeerichoani, taacho toonoone.

Yowannisi 3:12

Showeexi mooyon ta getaa, ittoshi iberiyaan gaata, shimaayeexi mooyon ta getaa, aabichiree iberiyehote?

Yowannisi 3:13

Shimaayoochee kinditoyee damba shimaayooch kechito koniyoona aalloone; ebiyoo Ashi Bushoone.

Yowannisi 3:3

Yesuusiyoo wochiꞌi, “Iberoon neech gettoye: Koniyoona bi tunetaa, guttinnoon bi shiijjo qayigaata, Yeerichi taatittineen beegon hakkaachemmone” iye.

Yowannisi 3:5

Yesuusiyoo wochiꞌi ishichiye: “Iberoon neech gettoye: Koniyoona bi tunetaa, aaconaa Ayaanoonoochee shiijjo bi qayigaata, Yeerichi taatittineech gimon hakkaachemmone.

Yowannisi 5:43

Ta, ta Nihoochi shigoona waato taane; tunebaani ta yibbaatoon iberiyaano ittoshine. Baroo bi shigoona bi waagaata, bi yibbaatoon iberiibeeto ittoshine.

Yowannisi 7:16

Ebich Yesuusi tiyiꞌi boonoshich ishichiye: “Ta dojjaabeeti doyoo taan wocheto waaneenalli ta waanee toonoone.

Yowannisi 8:14

Yesuusi wochiꞌi boonoshich ishichiye: “Ta, ta qellichon amoonolla ta miixetaa, amoochee ta waato gaata, amooch ta hammemmo gaata ariibeeto taane; ebich ta miixo gibeneetone. Tunetaa ittoshi amoochee ta waato gaata, amooch ta hammemmo gaata ariyaachote.

Yowannisi 8:26

Ittoshich ta gettemmo, ittoshi toommoochoo ta nallemmi wodde mooyo beetone; tunetaa taan deejjito ibere moochechone; tawoo bi waanee ta waayeton alemoyich gettoye” iye.

Yowannisi 8:38

Ta, ta Nihoo waanee ta beeggeton gettoye; ittoshiyoo wotta ittoshi nihoo waanee ittoshi waayeton tuniihote” iye.

Mishiraachechinaꞌo 22:18

Doono Yesuusi taach bekkeꞌi ishichiye: ‘Kaateree Yerusaalemee keye; hini katemooch beetinaꞌo taachon ne miixaa beeton waayeyaachemminaꞌone’ iye.

2 Qorontoosi 4:4

Hini alemoon hajjiibeeti gonde nuggishoo Kiristoosi toommooch mulloon tooꞌiyaaneenaꞌo Yeerichi shaahoo tuneti Kiristoosichi oogee yiiree mishiraachee qaaree bekkoon boonoshi beegaachemmoyich, boonoshi gaboon wolliihe.

Yaaꞌoo 1:5

gibeneeti miixoo tuneti, qitoochee shiichii tiyiti, showee toommeexi taateenaꞌon hajjiibeeti Yesuus Kiristoos waanee wojjoonaa diggoona ittoshich tunebe. Noon shunniti, bi damoonoo no axaaxoochee noon biisheti,

Yaaꞌoo 3:14

“Lodooqi kittinnee guuphi maraakoyich ishichi kooribe: Ameena getteeto, gibeneeti ibere miixoonaa bulli mooyon Yeeri biinna bi hallitona ishichiye: