Yowannisi 21:17 - Kafa Linguistics Project

¹⁷ Keejjinnoon “Yoonichi bushoo Simoono, taan shunnenne?” iꞌi echehe. Keejjinnoon “Taan shunnenne?” iꞌi bi echetoyich, Pheexiroosi ayiniꞌi, “Ta Doonocho, bullin ariibeeto neene; neen ta shunon ne ariibeeto neene” iye. Yesuusiyoo “Ta bageenaꞌon qiddebe.

Yowannisi 21:17 ပူးပေါင်းရင်းမြစ်များ

2 Saameeli 7:20

Nuggishoo Doono Yeero, ne guuno taan ariyaabeeto ne tunetoyich, illa ebiyee beshe amoon neech geton hakkehote.

1 Taateenaꞌo 17:18

Ureyoo Eliyaasich “Yeeri ashoocho, amooniye neech ta hallito? Hiniich ne waato, ta axaaxoon shalligichiree ta bushoon wuxiyane?” iyan.

1 Kiinoo 17:18

“Ne guuno taan ariyaabeeto neene; oogoon taach ne immetoyich, illa ebiyee beshoon amoon neech geton hakkehote!

1 Kiinoo 29:17

Ta Nuggishoocho, mulloon haattaabeeto ne tunoonaa kaamittinoon shunnaabeeto ne tunoonon ariyaabeeto taane. Tawoo ebi bullin ta immeto gaawe daaggoonaa kaame mulloonane. Andoo hiniich beeti ne asheenaꞌo gaawe boonoshi daaggoona emiroona boonoshi imon beeggeto taane.

Shoddo 17:3

Ta mulloon beeggehine; xumoon ta waan waahine; taanoo phiree beeggehine; ta waanee gondoon daneyaano neene; ta heciyoo muricaanoone.

Erimiyaasi 17:10

Asho bullich bi gommi gommoommona, bi shuuni shuunee aafoommona imoyich, Doono Yeeri ta, gaboon huushii, mulloonoo boshaabeeto taane” iye.

Shoosho 3:33

Mulloochee tiijjiꞌi, ashi bushiishoon xuuxii ayinikkaanoone.

Maatiyoosi 25:40

“Taatoo wochiree, ‘Iberoon ittoshich gettoye: Bulliyee desho tuneti hini ta maneenaꞌoochee ikkoyichona ittoshi tuniito taach tuniyoommone’ gettemmone.

Maariqoosi 14:72

Bekkech guttinnoon baakkoo kuukkiye. Pheexiroosi “Baakkoo guttaa kuukkaahaa keejje wottoon taan nookkemmo neene” Yesuusi iti qaaroon gabiꞌi tiittee eeppiye.

Yowannisi 12:8

Girechinaꞌo bulli aaboon ittoshina tookkiiniye boonoshi beeto; tunebaani ta bulli aaboon ittoshina tookki beetaachemmo taane” iye.

Yowannisi 13:38

Yesuusiyoo wochiꞌi ishichiye: “Iberoon taacha getiree qitenne? Iberoon neech gettoye: Keejje wottoon taan nookkeyaan ne beetaa, hanaach baakkoo kuuhaachemmone” iye.

Yowannisi 14:15

“Taan shunniibeeto ittoshi tunegaata, ‘Tuniibote’ iyaꞌa ta getteton ceechemmo ittoshine.

Yowannisi 15:10

Ta Nihoo ‘Tuniibe’ iꞌi bi gettiton ta ceechoommon, bi shunoonoo ta beemoommon, ‘Tuniibote’ iyaꞌa ta getteton ittoshi ceechigaata, ta shunoona beeyemmo ittoshine.

Yowannisi 16:30

Bulli mooyon ariibeeto ne tunoon, koniyoona neen echo qaawiyee bi qayonoo and ariito noone; ebich Yeer waanee ne womon iberiito noone” iyeete.

Yowannisi 18:27

Pheexiroosi wochinnoon nookkehe; areegaata bekkech baakkoo kuukkiye.

Yowannisi 18:4

Arooba Yesuusi bi toommooch woyemmi mooyo bullin ariiꞌi kechii, “Koniniye ittoshi qaawiibeeto?” iꞌi echehe.

Yowannisi 21:18

Iberoon neech gettoye: Gurimaashoo ne beehooba, ne kishoona tahaꞌa ne shunnemmooch hammaa beehine. Tunebaani ne geenehooba, ne kishoon yaggemmo neene; baroo neech tajjemmone; ne shunaanooch neen daammemmone” iye.

Yowannisi 4:16

Yesuusi “Hamiree ne kenoon ceegiree wobe” iye.

Mishiraachechinaꞌo 1:24

ishichiꞌi corootiyeete: “Bullichi mulloon ariibeeti no Doonocho, Yihudi bi shuunoon deqqa hammiibee, duppii bi hammiti xaaꞌooch mishiraachechinaꞌona tookki bi shuunemmoyich ne kaacceton hini gutteenaꞌo daggoochee aabi gaata nooch bekkiibe” iyeete.

Mishiraachechinaꞌo 11:10

Ebiyoo keejje wottoon tunehe. Ebiyee gubb, bulli geecheeꞌi shimaayooch wottee kechiye.

Mishiraachechinaꞌo 15:8

Arooba ashi mulloon ariibeeti Nuggishoo, nooch Yaafe Ayaanoon bi imoommon, boonoshich wotta Yaafe Ayaanoon bi imona boonoshin bi hoxee qayon miixehe.

2 Qorontoosi 1:12

No geecaabeeti mooyo ebine: Hini showeexi asheenaꞌo daggooch, beshoonoo ittoshi daggooch no beemo, Yeeri nooch immiti yaafittinoonaa xalle mulloona bi tunoon no mullo miixee beetone. Ebin no tuniito, Yeer waanee no danaabeeti wojjoonalli, meechi ariyoona toonoone.

Efesooni 4:30

Yeeri ittoshin biishemmi aabo woyemmo tunoon xiishiibeeti yechiyoo, ebiyoo ittoshi toommooch malletoon tuniiꞌi Yeeri gedditi bi Yaafe Ayaanoon ayinikkiyaahote.

Yaasi 22:22

“Giidechi Nuggishoo, Doono Yeeri beege! Giidechi Nuggishoo, Doono Yeeri beege! Aroo arii beetone. Israꞌeeleenaꞌoo ebin ariibeete. Ebin no tuniito, hukkoona woyee Doono Yeerich gibeneyee qayona bi tunegaata, hanaach noon maariyaahote.

1 Pheexiroosi 1:6

And asheenaꞌo baribare gommona ittoshin boonoshi xuuxii beetoyich, giisheche aaboyich baach ayiniibeeto ittoshi tunetaanona, ebich oogeton emiribote.

2 Pheexiroosi 3:1

Ta shunechinaꞌote! And ittoshich ta kooraa beeti wocho hini guttinnee wochoone. Ebiyee aaf yaafe keemechinaꞌo gettiti qaaroon, wotta mishiraachechinaꞌo ittoshich dojjiti no Doononaa noon Wodiyechonochi getoon ittoshich shalligichaabee, ebi gutte ta wochoona tate gaboon ittoshi gabemmoyich ittoshin shuurikkiya koorito taane.

Yaaꞌoo 2:23

Bi bushiisheenaꞌonoo wuxi ciichemmo taane. Arooba ashi mulleexi gaboonaa qaatoonon maqqaa ariibeeto ta tunoon kittinnee guuphinaꞌo bulli ariyemminaꞌone; ittoshi ikkikkoyich ittoshi shuuni shuunoommona qoccemmo taane.

Yaaꞌoo 3:19

“Ta shunnaabeeti asho bullin kaaraa ciiccaabeeto taane; sheeraanoo beeto taane. Illa gaamiton tunebe; axaaxee gommoocheenoo Yeer waan wottebe.