Yowannisi 21:15 - Kafa Linguistics Project

¹⁵ Maayoon boonoshi maatoyee gubb, Yesuusi Simoon Pheexiroosin “Yoonichi bushoo Simoono, eboshiyee beshoon taan shunnenne?” iꞌi echehe. “Eeha ta Doonocho, neen ta shunon ne ariibeeto neene” iye. “Ta bagee bushiisheenaꞌon qiddebe” iye.

Yowannisi 21:15 ပူးပေါင်းရင်းမြစ်များ

Halloo 33:13

Tunebaani Yaaqobi ishichiye: “Ta doonocho, ebi ne beeggaa beetoommon, ta bushiisheenaꞌo batt kuppheyaaneenaꞌone. Xaachiibeeti bagee indeenaꞌonaa miinji indeenaꞌonon shiimeebee daamo taach qaawiihe. Gijjeenaꞌo ikke areddoonona afaafinikkaa boonoshi gasheegaata, bulli qiti ciiremminaꞌone.

2 Saameeli 7:20

Nuggishoo Doono Yeero, ne guuno taan ariyaabeeto ne tunetoyich, illa ebiyee beshe amoon neech geton hakkehote.

2 Taateenaꞌo 20:3

“Doono Yeero, gibeneeto ta tunoon, ceeni ta mulloona neech ta maddoon, ne aafooch gaawe mooyon ta tuniyoonoo and ne shalligemmoyich neen qollehoye” iye; girgittiinoo eeppiye.

Isiyaasi 40:11

Qiddoochoommon bi bageenaꞌon quyemmone; bagee bushiishoon ikkooch kicemmone; bi sheenooch tiqqeree daammemmone; bagee indeenaꞌonoo ariqqoona yaabemmone.

Erimiyaasi 23:4

Boonoshin shiimeree qiddemmi qiddeenaꞌon boonoshich ukkiriyemmo taane; wochinnoon shataachemminaꞌone; keqqaachemminaꞌone; boonoshiichee ikkolla aalleyaachemmone” iye Doono Yeeri.

Erimiyaasi 3:15

“ ‘Ta gaboo bullin ceechemmi qiddeenaꞌon ittoshich immemmo taane; boonoshiyoo ariyoona, shalligoonoo ittoshin qiddemminaꞌone.

Hiziqeeli 34:23

Boonoshi toommooch ikke qiddoon tiijjemmo taane; biyoo boonoshin quyemmone; ebi aroo ta guuno Daawitine; biyoo boonoshich qiddoo tuneree boonoshin quye maanjemmone.

Hiziqeeli 46:24

Uroo taach ishichiye: “Eboshi, yaafee kexooch maddee beetinaꞌo aroochaa asheenaꞌochi deejjoon boonoshi kiijjiibeeti xaaꞌeenaꞌone” iye.

Maatiyoosi 10:37

“Tayee beshiiꞌi bi nihoon woyee bi indeen shunniibeeto taacho tunoon hakkaache; ebiyoommon tayee beshiiꞌi bi bushoon woyee bi busheen shunniibeeto taacho tunoon hakkaache.

Maatiyoosi 16:17

Yesuusiyoo wochiꞌi ishichiye: “Yoonichi bushoo Simoono, ebin neech bekkiito shimaayooch beeti ta Nihoani asho toonoone; ebich diireeto neene.

Maatiyoosi 18:10

“Hini gishiisheenaꞌoochee ikkoonolla ittoshi hoxeyaachemmoyich, ittoshi qelloon quyebote. Shimaayooch beeti boonoshi maraakeenaꞌo shimaayooch beeti ta Nihoo aafooch bulli aaboon beetinaꞌone.

Maatiyoosi 26:33

Arooba Pheexiroosi tiyiꞌi, “Bareenaꞌo bulli neen boonoshi qayi gaatoona, ta neen cir qayaache” iye.

Maatiyoosi 26:35

Pheexiroosi wochiꞌi, “Qitolla bi tunegaata, neenna tookki qitehani cir neen nookkeyaache” iye. Echeti bi dabbeenaꞌo bulli ebiyoommon gettiyeete.

Maariqoosi 14:29

Arooba Pheexiroosi tiyiꞌi, “Bareenaꞌo bulli neen boonoshi qayi gaatoona, ta neen cir qayaache” iye.

Luqaasi 12:32

“Hini giisheche ta shiisheenaꞌote, shattaahote. Bi taatittineen ittoshich imoyich ittoshi Nihoo Yeeri oogichiꞌi emiritone.

Luqaasi 22:32

Tunebaani ta toommooch ne mullee tooꞌiyoon ne qayaachemmoyich corootito taane; ta waan ne wottehooba ne maneenaꞌo mulloon kupphiibe” iye.

Yowannisi 1:42

Aroochee Indiriyaasi Simoonin Yesuus waan deebiye. Yesuusiyoo beeggiꞌi, “Ne Yooni bushoo Simooni neene; and Keefi getaa ceekkemmo neene” iye. Keefi geto “Pheexiroosi” woyee “Xaqqo” getone.

Yowannisi 13:37

Pheexiroosiyoo “Ta Doonocho, and neen dabboon amoyich hakkaachote? Neecha getiree qitoyich qannito taane” iye.

Yowannisi 16:27

Ebiyoo taan ittoshi shunnitoyich, Yeer waanee ta womon ittoshi iberiitoyich, Nihoo Yeeri bi qelloona ittoshin bi shunnii beetoyichiye.

Yowannisi 21:12

Yesuusiyoo “Waa shaafiroon mamote” iye. Doono bi tunoon boonoshi ariitoyich, bi dabbeenaꞌo daggoochee ikkolla “Ne koni neene?” iꞌi echoyich aafoon kuppheto aalloone.

Yowannisi 21:7

Yesuusi shunniibeeti bi dabboo Pheexiroosich “Hini no Doonone!” iye. Simoon Pheexiroosi Doono bi tunoon waayeꞌi, shokkaachoon beeto bi tahoon taheꞌi baharee daggooch awureehe.

Yowannisi 8:42

Yesuusiyoo boonoshich ishichiye: “Ta Yeer waaneeniye ta waato. Ebich Yeeri ittoshi Nihoo gaata, taan shunnesho ittoshine. Bi taan wochetenalli, ta, ta aalla waataano taane.

Mishiraachechinaꞌo 20:28

Yaafe Ayaano yaabii qeejjechi geeno tuniiꞌi ittoshin ukkiriitone; illa ittoshi qellich, wotta qiddoo bi bagoon bi quyoommon Yeerichi asheenaꞌon shiimeꞌi quyoyich, ittoshi qelloon ariibote! Bi hajjee damoona bi biisheti Yeerichi kittinnee guuphon quyebote.

Mishiraachechinaꞌo 20:29

Hiniichee ta hammetoyee gubb, bageenaꞌoyich ariqqeyaachemmi gonde okereenaꞌo ittoshi daggooch boonoshi giyemmon ariibeeto taane.

Roomi 14:1

Illa ittoshi daggoochee Kiristoosi toommooch mulloon tooꞌiyoona batt kuppheyaani asho bi beegaata, shiqqiyaahote; bi gabiibeeti gaboyich gajjiteyaahote.

Roomi 15:1

Ebich Kiristoosichi toommooch mullee tooꞌiyoona kuppheti no, no qelloon emirikkoon qayiichi kuppheyaaneenaꞌochi shaagoon shaago nooch qaawiihe.

1 Qorontoosi 8:11

Ebich ariyechone ne getteyoo hini kuppheyaani kittinnoon aallooch daachiyoo toone? Ebi are uro Kiristoosi biich qititi ne manoo toone?

Galaati 5:6

Ebiyoo Kiristoos Yesuusina tunetoyich, dokireyoo woyee dokireyee qayo bi gaaccemmi gaaco amolla aallo bi tunetoyichiye; gaaccemmo shunoona shuuneebeeti, Kiristoosi toommooch mullee tooꞌiyoo baachiye.

Efesooni 4:14

Arooba acona muriciyoyich qanniti asheenaꞌochi dawushee naboona, yongoochoommon shaddeebeeti doyoona wullaawullebee aachi toommooch holliti kokeshoochoommon okk hach tegeggebee gubbich gaggere bushiishoon tuneyaachone.

Efesooni 6:24

shaddeyaani shunoona no Doono Yesuus Kiristoosin shunnii beetinaꞌo bullina tookki Yeerichi wojjoo tunebe.

Hibireena'o 13:20

Ufeti bi damoona bulli yemeenee wogoon manjiiti, bi bageenaꞌochi ooge Qiddoo tuneti no Doono Yesuusin qitoochee tiijjiti Diggee Nuggishoo,

Hibireena'o 4:13

Halleeti mooyinaꞌo bulli Yeeri aafooch xalle bekketinaꞌoani, bi aafooch aacheeti, oppeeti ikke mooyolla aalloone; Yeeri aafoochaanane no shuuneti mooyo bullich no echeyemmo.

1 Pheexiroosi 1:8

Biin aafoona beegaano ittoshi tunetaanoona, shunniibeeto ittoshine; and biin beegaano ittoshi tunetaanoona, ittoshi mulloon bi toommooch tooꞌiito ittoshine. Ebich qaaroona ebine getaa getteyoo hakkeyaani, oogichii worganikkiti emiroon emiriibeeto ittoshine.

1 Pheexiroosi 2:2

Wodooch ittoshi diccemmoyich, and shiijjeti gaggere bushiisheenaꞌo ejjoon qaatoommon, ittoshi wotta xalloo tuneti Yeerichi qaaree ejjoon qaatibote.

1 Pheexiroosi 2:25

Ebiyee aaf aalleti bagoochoommon yallyallimiibeeto ittoshine; tunebaani and ittoshi kashee Qiddoonaa Quyechona tuneti Kiristoos waan wotteto ittoshine.

1 Yowannisi 4:19

Yeeri shiichii noon bi shunnitoyich, no biin shunnaabeeto noone; noonnaa noonnoo shunaabeeto noone.

1 Yowannisi 5:1

Yesuusi aroo Kiristoosi bi tunoon iberiiꞌi bi mulloon bi toommooch tooꞌiito bulli Yeer waanee shiijjetone. Nihoon shunniibeeto bulli bi bushoon wotta shunnii beetone.

Yaaꞌoo 2:23

Bi bushiisheenaꞌonoo wuxi ciichemmo taane. Arooba ashi mulleexi gaboonaa qaatoonon maqqaa ariibeeto ta tunoon kittinnee guuphinaꞌo bulli ariyemminaꞌone; ittoshi ikkikkoyich ittoshi shuuni shuunoommona qoccemmo taane.