Yowannisi 20:26 - Kafa Linguistics Project

²⁶ Shimitte qemoyee gubb, bi dabbeenaꞌo wochinnoon kechi daggooch beeheete; Toomaasiyoo boonoshina tookkii beehe. Kello tuggeechaa Yesuusi waahe; boonoshi daggoochoo neexeꞌi, “Diggoo ittoshich tunebe” iye.

Yowannisi 20:26 ပူးပေါင်းရင်းမြစ်များ

Isiyaasi 26:12

Doono Yeero, diggoon nooch immeto neene; no shuunoo bullin nooch kaachito neene.

Isiyaasi 27:5

Ebi tuno qayigaata, taan deebo yesheete; taanna tookki diggoo hallibeete; taanna tookki diggoo hallibeete” iye.

Isiyaasi 54:10

Guudinaꞌo shuuroon, geppeenaꞌoo qewoon, hakkiyeete; tunebaani ta shoodo ne waanee wohaachemmone; ta giyeti diggee wogo happeyaachemmone” iye neech ariqqechi Doono Yeeri.

Maatiyoosi 17:1

Shiritte qemoyee gubb Yesuusi Pheexiroosin, Yaaqobinaa bi manoo Yowannisinon baach yechiꞌi genje guudi toommooch kechiye.

Maariqoosi 16:14

Ebiyee gubb, maayoon maaya madooch boonoshi beetaa, Yesuusi aaraa ikke bi dabbeenaꞌoyich bekkehe. Qitoochee bi tiyitoyee gubb boonoshi aafoona beeggiti asheenaꞌo boonoshich gettiton iberiyee qayona boonoshi mullo muumetoyich, boonoshin noggehe.

Luqaasi 24:36

Ebin yibbaatee boonoshi beetaa, diqqoona Yesuusi boonoshi daggooch neexehe. Boonoshich “Diggoo ittoshich tunebe” iye.

Luqaasi 9:28

Yesuusi ebin bi gettiti shimitte qemi bedoyee gubb Pheexiroosin, Yowannisinaa Yaaqobinon yechiꞌi corootiya guudi toommooch kechiye.

Yowannisi 11:16

Ebich Qaappoo getteebeeti Toomaasi bare Yesuusichi dabbeenaꞌoyich “Biinna tookkiree qitibone; hambone” iye.

Yowannisi 14:27

Diggoon ittoshich wojjaabeeto taane; ta diggoon ittoshich immaabeeto taane. Hini ittoshich ta immaabeeti diggoo alemo immii beetoommo toonoone. Ittoshi mullo keqqaaye, shatishoo gettaaye.

Yowannisi 20:19

Ebi are shabaattee batti batti aaboobee xum, Yesuusichi dabbeenaꞌo Ayihudee ukkireenaꞌon boonoshi shattitoyich, kelloon tuggeechii kiceeꞌi boonoshi beetaa, Yesuusi giyii boonoshi daggooch neexeꞌi, “Diggoo ittoshich tunebe” iye.

Yowannisi 20:21

Yesuusi wochinnoon “Diggoo ittoshich tunebe. Nihoo Yeeri taan bi wochetoommon ta wotta ittoshin wochaabeeto taane” iye.

Yowannisi 21:1

Ebiyee gubb, Yesuusi Xibaaridoosee baharee gashoochaa bi dabbeenaꞌoyich wochinnoon bekkehe; bi bekketoo eechiꞌiniye:

Yowannisi 21:14

Yesuusi qitoochee bi tiyitoyee gubb, bi dabbeenaꞌoyich bi bekketo hinina keejjinnoone.

Mishiraachechinaꞌo 1:3

Yesuusi wodde xuuxoona bi qititoyee gubb, mishiraachechinaꞌoyich xalla bekkeebee kashecho bi tunoon wodde gommona manjiihe. Aabbe qemon bekkeꞌi, Yeerichi taatittineechon boonoshich dojjii beehe.