Yowannisi 2:24 - Kafa Linguistics Project

²⁴ Tunebaani Yesuusi asho bullin arii beetone; ebich boonoshin gibeneyaanoone.

Yowannisi 2:24 ပူးပေါင်းရင်းမြစ်များ

1 Taateenaꞌo 8:39

ne beeyi xaaꞌoo tuneti shimaayoochaa waayebe; maarishoo gete. Asho bullichi mulloon ariyaabeeto ne baach ne tunetoyich, bi mulloon ne ariibeeti asho bullich bi shuuni shuunoommon qoce.

1 Kiinoo 28:9

“Newoo ta bushoo Solomoono, Doono Yeeri, mullo bullin haattiibeeto bi tunetoyich, ashi gaboo bullinoo ariibeeto bi tunetoyich, ne nihoochi Nuggishoon ariibe; ceeni ne mulloona, ne hajjee daaggoonoo biich maddebe; biin ne qaawigaata danemmo neene; tunebaani biin ne qayigaata bulli yemeenoon neen qajjemmone.

1 Kiinoo 29:17

Ta Nuggishoocho, mulloon haattaabeeto ne tunoonaa kaamittinoon shunnaabeeto ne tunoonon ariyaabeeto taane. Tawoo ebi bullin ta immeto gaawe daaggoonaa kaame mulloonane. Andoo hiniich beeti ne asheenaꞌo gaawe boonoshi daaggoona emiroona boonoshi imon beeggeto taane.

Erimiyaasi 17:9

“Ashi mullo, bulliyee beshe marecho, wottoo oogeti gondoone; ebin koni shalligoo hakkehe?

Maatiyoosi 9:4

Yesuusiyoo boonoshi shalligoon ariiꞌi ishichiye: “Ittoshi mulloona gonde mooyon amoyich gabiyote?

Maariqoosi 2:8

Boonoshi mulloona ishichii boonoshi gaboon bekkech Yesuusi bi mulloona ariiꞌi, “Ebin amoyich gabiyote?

Yowannisi 1:42

Aroochee Indiriyaasi Simoonin Yesuus waan deebiye. Yesuusiyoo beeggiꞌi, “Ne Yooni bushoo Simooni neene; and Keefi getaa ceekkemmo neene” iye. Keefi geto “Pheexiroosi” woyee “Xaqqo” getone.

Yowannisi 16:30

Bulli mooyon ariibeeto ne tunoon, koniyoona neen echo qaawiyee bi qayonoo and ariito noone; ebich Yeer waanee ne womon iberiito noone” iyeete.

Yowannisi 21:17

Keejjinnoon “Yoonichi bushoo Simoono, taan shunnenne?” iꞌi echehe. Keejjinnoon “Taan shunnenne?” iꞌi bi echetoyich, Pheexiroosi ayiniꞌi, “Ta Doonocho, bullin ariibeeto neene; neen ta shunon ne ariibeeto neene” iye. Yesuusiyoo “Ta bageenaꞌon qiddebe.

Yowannisi 4:16

Yesuusi “Hamiree ne kenoon ceegiree wobe” iye.

Yowannisi 5:42

Tunebaani ta ittoshin ariibeeto taane; Yeerin ittoshi mulloona shunni ittoshi qayon ariibeeto taane.

Yowannisi 6:15

Ebichi naboona asheenaꞌo bi waan waaree biin yeshi taatiiya boonoshi gaboon Yesuusi ariiꞌi, boonoshi waanee bariꞌi wochinnoon geppooch bi ikkeeto hammiye.

Yowannisi 6:64

Tunebaani ittoshi daggoochee ebin iberiyaaneenaꞌo beetinaꞌone” iye. Yesuusi bi ishichito, bi toommooch mulloon tooꞌiyaaneenaꞌo aaboshigaata, biin beshiiree immemmo aabi gaata, shiichiꞌi bi arii beetoyichiye.

Mishiraachechinaꞌo 1:24

ishichiꞌi corootiyeete: “Bullichi mulloon ariibeeti no Doonocho, Yihudi bi shuunoon deqqa hammiibee, duppii bi hammiti xaaꞌooch mishiraachechinaꞌona tookki bi shuunemmoyich ne kaacceton hini gutteenaꞌo daggoochee aabi gaata nooch bekkiibe” iyeete.

Mishiraachechinaꞌo 15:8

Arooba ashi mulloon ariibeeti Nuggishoo, nooch Yaafe Ayaanoon bi imoommon, boonoshich wotta Yaafe Ayaanoon bi imona boonoshin bi hoxee qayon miixehe.

Yibbaatoo 31:21

Meeti gonde mooyonaa iritoona boonoshi toommooch waahooba, ebi shoddoon shalligiree, boonoshin sheeraabeeto ta tunoon ariyemminaꞌone. Boonoshi shiijjereenaꞌo mulloochee batteyaachemmone. Boonoshich imma ta wogeti showooch boonoshin batt giijjaan ta beetaa, and boonoshi gabiibeeti gaboo amo gaata ariibeeto taane” iye.

Hibireena'o 4:13

Halleeti mooyinaꞌo bulli Yeeri aafooch xalle bekketinaꞌoani, bi aafooch aacheeti, oppeeti ikke mooyolla aalloone; Yeeri aafoochaanane no shuuneti mooyo bullich no echeyemmo.

Yaaꞌoo 2:23

Bi bushiisheenaꞌonoo wuxi ciichemmo taane. Arooba ashi mulleexi gaboonaa qaatoonon maqqaa ariibeeto ta tunoon kittinnee guuphinaꞌo bulli ariyemminaꞌone; ittoshi ikkikkoyich ittoshi shuuni shuunoommona qoccemmo taane.

1 Saameeli 16:7

Tunebaani Doono Yeeri Saameelin “Bi malletee gaawoon woyee bi neexee genjoon ciinnaahine; ta biin qallayito taane. Doono Yeeri ta, asho ciinnii beetoommon toonoone ta ciinnaabeeto. Asho ashi aafooch ciinniye; tunebaani Doono Yeeri ta, ashi mullooch ciinnehoye” iye.