Yowannisi 2:16 - Kafa Linguistics Project

¹⁶ Uggoon kemmii beetinaꞌon “Ittoshi uggoon hiniichee kichibote! Ta Nihoo kexon giixee kexon tuniyaahote!” iye.

Yowannisi 2:16 ပူးပေါင်းရင်းမြစ်များ

Erimiyaasi 7:11

Ebi ta shigoona ceekketi kexo ittoshi aafoochaa bokkeenaꞌochi gofoon ittoshich shaahii beete? Ittoshi tunii beeton beeggeto taane, iye Doono Yeeri.

Maatiyoosi 21:12

Ebiyee gubb, Yesuusi yaafee kexooch giyiye. Giyiꞌi, arooch gabiyoo geddii kemmii kemeebeeti asheenaꞌo bullin gashee kichiye. Boonoshin kichiibee gijjoon shaddii beetinaꞌochi madelloon, uggoon kemmiibeeti asheenaꞌochi gabberoonoo yangiye.

Maatiyoosi 21:13

Wotta asheenaꞌoyich “Yeeri ‘Ta kexo corootee kexone getteyemmone’ iꞌi bi gettito Yaafe Macaafooch kooreetone; tunebaani ittoshi bokkeenaꞌochi gofoon tuniito ittoshine” iye.

Maatiyoosi 22:5

“Hammii boonoshi getaa, ceekkeetinaꞌo gaaroon qallayiꞌi ikkoo bi goyooch, baroo bi giixooch hammiye.

Maariqoosi 11:17

Aree hillooch ishichiꞌi dojjiye: “Yeeri ‘Ta kexo “Aageteenaꞌo bullichi corootee kexo” getteyemmone’ iꞌi bi gettito Yaafe Macaafooch kooreyaanoone? Tunebaani ittoshi bokkeenaꞌochi gofoon tuniito ittoshine” iye.

Luqaasi 2:49

Biyoo boonoshich “Amoyichiye taan ittoshi qaawiibeeto? Ta Nihoo kexooch tun ta bedon ariyaachote?” iye.

Yowannisi 10:29

Boonoshin taach immiti ta Nihoo bulliyee beshoone; ta Nihoo kishoochee bogon koniyoona hakkaachemmone.

Yowannisi 2:15

Woderee yaraafoon yexxiꞌi (woderiꞌi) bullin, bageenaꞌonoo, gatteenaꞌonoo, yaafee kechi kibboochee kichiye; gijjee shaddechinaꞌochi gijjoon shacciye; boonoshi madoon yangiye.

Yowannisi 20:17

Yesuusiyoo “Taan yechaahine; batt Nihoo Yeer waan keyaan beeto taane. Tunebaani hamiree ta maneenaꞌoyich ‘ “Ta, ta Nihoonaa ittoshi Nihoona waan, ta Nuggishoonaa ittoshi Nuggishoona waan kechemmo taane” itone’ gete” iye.

Yowannisi 5:17

Tunetaa boonoshich Yesuusi “Ta Nihoo hanaach beddaahaa shuunee beetone; tawoo ta qelloona shuunaabeeto taane” iꞌi gettiye.

Yowannisi 8:49

Yesuusiyoo ishichiꞌi wochiye: “Ta toommooch yinno aalloone; ta Nihoon oogiibeeto taane; tunebaani ittoshi taan giishiihote.

1 Ximootiyoosi 6:5

kuxeyaani kaaree tiijjoo, eboshi kechemminaꞌone. Gaboon hakkaaneenaꞌo tuneꞌi dacheebee, “Yeerin oogiibeeti beemon beemo gaanniyemmone” ii gabiꞌi iberoon muccetinaꞌone.

2 Pheexiroosi 2:3

Gijjoon boonoshi hiriggoochee tiyitona boonoshi halliti mooyon getibee ittoshin boggemminaꞌone; wonnee tiijjiꞌi Yeerichi nalloo boonoshi toommooch kindiya qannitone; boonoshi aallo yagaachemmone.