Yowannisi 2:11 - Kafa Linguistics Project

¹¹ Yesuusi hini malletoon shiichiꞌi Galiilee showooch beeti Qaani katemoochaa tuniihe; arooba bi oogee yiiroon bekkiihe. Ebich bi dabbeenaꞌo boonoshi mulloon bi toommooch tooꞌiiheete.

Yowannisi 2:11 ပူးပေါင်းရင်းမြစ်များ

1 Taateenaꞌo 17:24

Ureyoo Eliyaasich, “Yeer asho ne tunoon, ne noonoochee kechiti, Doono Yeerichi qaaro iberoo bi tunoonoo and ariiti taane” iyan.

Shoddo 72:19

Ooge bi shigo bulli yemeenoon diireebe! Bi oogee yiiroo showoo bulliich ceene. Ameena, ameena.

Shoddo 96:3

Bi oogoon aageteenaꞌoyich awaajjibote; worganikkiti bi shuuneenaꞌonoo macceenaꞌo bullich getote.

Keyo 14:31

Doono Yeeri Gibitseenaꞌo toommooch bi tuniiti ooge bi giidoon beeggiꞌi, Doono Yeerin shattiyeete; Doono Yeerinaa bi guuno Muusinon gibeneheete.

Keyo 4:9

Ebi gutte worganikkiti malleteenaꞌon beeggiꞌi, iberiyoo boonoshi qayigaata, ne getoonoo waayo boonoshi qayigaata, aacon Abbaayee kiti daamiree, showooch ukkibe. Ebi are aaco damoon tunemmone” iye.

Dojjecho 9:7

Ebich and illa, ne maayoon emiroona mame; ne woyinee uyoonoo emiroona uye; ebiyoo Yeeri ne tuniyemmoyich bi qaawiti mooyone.

Isiyaasi 40:5

Doono Yeerichi oogo bekkemmone; ebin gettito Doono Yeeri bi tunetoyich, asho bulli ikkotteree ebin beeggemmone” iye.

Yowannisi 1:14

Are Qaaro ashoon tunehe; Yeerichi wojjoonaa iberoona bi toommooch meettiꞌi bekketaa noonna tookkii beehe; bi Nihoyich ikke mixxe Bushoo bi tunetoyich, bi waanee bi deqqiti oogee yiiroon beeggehone.

Yowannisi 1:17

Yeerichi sheeroo Muus waanaa nooch ichehe; tunebaani wojjoonaa iberoona Yesuus Kiristoos waanaa nooch ichehe.

Yowannisi 1:43

Bi dechara Yesuusi Galiilee showooch hamma tiyiye; Filipphoosinoo daneꞌi, “Taan dabbibe” iye.

Yowannisi 1:50

Yesuusi wochiꞌi, “ ‘Balaasee michi yiirooch kotaa ne beetaa, neen beeggoye’ iyaꞌa ta gettetoyich iberiinne? Gubb ebiyee beshe mooyon beeggemmo neene” iye.

Yowannisi 10:41

Wodde asheenaꞌo bi waan waaheete. Boonoshinaa boonoshina “Yowannisi ikke malletoonolla bekiyaanoone; tunebaani Yowannisi hini uroochon bi gettito bulli iberoone” iyeete.

Yowannisi 11:15

Ta toommooch mulloon ittoshi tooꞌiyemmoyich arooch ta beemi qayoyich emirihoye; ebi bulli ittoshich bi gaaccemmoyichiye. And bi waan hambone” iye.

Yowannisi 11:47

Ebich qeeshee ukkireenaꞌonaa Fariseenaꞌona Ayihudee nallechinaꞌon kiciꞌi, “Aabichibona? Hini uro meeti malletoon bekkii beehe amoone!

Yowannisi 12:18

Ebich hini malletoon bi tuniyoon waayeti dofee asheenaꞌo wotta biin giijjiya kechiyeete.

Yowannisi 12:37

Tunebaani ebi shaahe malletoon boonoshi aafoochaa bi bekkiiteenolla, bi toommooch mulloon tooꞌiyaaneenaꞌone.

Yowannisi 12:41

Isiyaasi ishichiꞌi bi gettito, Yesuusichi oogee yiiroon shiichiꞌi bi beeggitoyichiye; wotta Yesuusichon gettiye.

Yowannisi 14:13

Bi Bushoo tawoo, Nihoo Yeerichi oogee yiiroon asheenaꞌoyich ta bekkiyemmoyich, ta shigoona ittoshi qolleebeeto bullin tuniyemmo taane.

Yowannisi 16:27

Ebiyoo taan ittoshi shunnitoyich, Yeer waanee ta womon ittoshi iberiitoyich, Nihoo Yeeri bi qelloona ittoshin bi shunnii beetoyichiye.

Yowannisi 16:30

Bulli mooyon ariibeeto ne tunoon, koniyoona neen echo qaawiyee bi qayonoo and ariito noone; ebich Yeer waanee ne womon iberiito noone” iyeete.

Yowannisi 2:1

Keejjinnee qemooba Galiilee showooch beeti Qaani katemooch gaaro geddeehe. Yesuusichi indee are gaarooch beehan.

Yowannisi 2:23

Beshee Baarooba Yesuusi Yerusaalem beebee bi tuniiti malleteenaꞌon beeggiꞌi meeti asheenaꞌo boonoshi mulloon bi toommooch tooꞌiiheete.

Yowannisi 3:2

Biyoo xumoona Yesuus waan waaꞌi, “Dojjechocho, Yeeri biinna tookkii tunetoyee damba, ne tuniibeeti hini worganikkiti malleteenaꞌon tuniyoon koniyoona hakkaache. Ebich dojjecho tunaꞌa Yeer waanee ne womon ariibeeto noone” iye.

Yowannisi 4:3

Yesuusi ebin ariiꞌi, Yihudee showoochee tiyii Galiilee showooch wottee hammiye.

Yowannisi 4:46

Yesuusi aacon woyinee uyo bi tuniiti, Galiilee showooch beeti, Qaani katemooch wochinnoon wotteꞌi hammiye. Arooba Qifirinaaha bi bushoo biiyeti ikke taatee naayo beehe.

Yowannisi 4:54

Ebiyoo Yesuusi Yihudee showoochee Galiilee showooch wottee waaꞌi bi tuniiti guttinnee malletoone.

Yowannisi 6:14

Arooch beeti asheenaꞌo Yesuusi tuniiti malletoon beeggiꞌi, “Iberoon hini uro ‘Alemooch woyemmone’ getteeti Keemechone” iyeete.

Yowannisi 6:2

Biiyechinaꞌo toommooch bi bekkiiti worganikkiti malleteenaꞌon boonoshi beeggitoyich dofee asheenaꞌo biin dabbiyeete.

Yowannisi 6:26

Yesuusi wochiꞌi ishichiye: “Iberoon ittoshich gettoye: Taan ittoshi qaawiibeeto, koshon maaꞌi ittoshi michitoyichalli, malletoon ittoshi beeggitoyich toonoone.

Yowannisi 6:30

Boonoshiyoo “Illa beegiree neen no iberiyemmoyich, amee malletoon bekkiyenne? Amoon shuune bekkiyenne?

Yowannisi 7:31

Tunetaa asheenaꞌo daggoochee meetinaꞌo boonoshi mulloon bi toommooch tooꞌiiꞌi, “Kiristoosi waahooba, hini uro bekkiiti malleteenaꞌoyee beshoon bekkiyehe?” iyeete.

Yowannisi 9:16

Fariseenaꞌo daggoochee ikkikkeenaꞌo “Hini uro shambetoon oogiyaache; ebich Yeer waanee waato toonoone” iyeete. Tunetaa bareenaꞌo “Axaaxechi asho ebiyoommon malleteenaꞌon aabichiree tuniyoon hakkehe?” iyeete. Boonoshi daggooch shaco giyiye.

2 Qorontoosi 3:18

Ebich no bulli kaappeyaani baroona Doonochi oogee yiiroon heeraawoochoommon wacciibeeto noone; hini oogee yiiroo Ayaano tuneti Doono waanee bi waa beetoyich, Doonochi malletoon no shaahemmoyich, oogee yiiroochee beshe oogee yiirooch noon shaddii beetone.

2 Qorontoosi 4:17

Hini andich baach beeti kette iritoo ebine getteyaani beshaa beshe oogeto tuneti bulli yemeenee oogee yiiroon nooch daniyemmone.

2 Qorontoosi 4:6

“Manderooch bekko bekkebe” iti, Kiristoosichi barooch wacciibeeti bi oogee yiiree ariyoon bekkiibeeti bekkoon imma no mullee daggooch aaxxiito, Yeerine.

Yibbaatoo 5:24

Taachoo ishichiyeete: ‘No Nuggishoo Doono Yeeri bi oogoonaa oogee yiiroonon nooch bekkiitone; bi qaaroonoo qaaqqee daggoochee waayeto noone; Doono Yeeri biich yibbaateechaa, asho kashoona beemon hakkemmo bi tunoon hanaach beeggeto noone.

1 Yowannisi 5:13

Kasho, aroo bulli yemeenee kasho, ittoshich bi beemon ittoshi ariyemmoyich, ittoshi mulloon Yeeri Bushoo toommooch tooꞌiiti ittoshich hini wochoon koorito taane.