Yowannisi 19:17 - Kafa Linguistics Project

¹⁷ Aroochee Yesuusin yechiꞌi daammiyeete; bi yooddeyemmi masqaloon shaaggii katemoochee kechiꞌi Qellee Koofee Xaaꞌoo woyee Hibiree noonoona Golgooti gettee beetooch shaggiye.

Yowannisi 19:17 ပူးပေါင်းရင်းမြစ်များ

Halloo 22:6

Abrahamiyoo deejjoo miccemmi mixon tiijjii Yisaaqich shaakkiihe; biyoo qaaqqoonaa shikkoonon yechiye. Gutteenaꞌo tookkii hammiyeete.

1 Taateenaꞌo 21:13

Gutte gaacaalli asheenaꞌoo waaꞌi bi ciinooch koteheete. Ebi gaacaalli asheenaꞌo, asheenaꞌo aafoochaa, “Nabooti Yeerinaa taatoonon naaggitone” iꞌi bi toommooch miixeheete. Ebich asheenaꞌo biin katemoyee maach kichiꞌi, xaqqoona yexxii wuxiyeete.

Leweenaꞌo 24:14

“Ebi naaggiti uroon kaamboyee maach kichibe. Bi naaggii beetaa waayeti asheenaꞌo bulli boonoshi kishoon bi shimbooch boonoshi kotiyemmoyich tuniibe. Israꞌeeleenaꞌo bulli biin xaqqoona yexi wuxibeete.

Maatiyoosi 10:38

Bi masqaloon shaaggiꞌi taan dabbaani asho koniyoona taacho tunoon hakkaache.

Maatiyoosi 16:24

Arooba wotta Yesuusi daakkiꞌi bi dabbeenaꞌoyich ishichiye: “Bi kasheen wodiyoyich qaawiibeeto bulli muccemmone; tunebaani taacha iꞌi bi kasheen mucceebeeto bulli danemmone. Taan dabboon shunniibeeto koniyoona bi tunegaata, bi qelloon nookkebe; bi masqaloon shaagiree taan dabbibe.

Maatiyoosi 27:37

“Hini Yesuusi Ayihudeenaꞌochi Taatoone” getaa kooreeti taggee malletoon biyee tookk xogiyeete.

Maariqoosi 10:21

Yesuusiyoo hini are uroon ciinniꞌi biin shunniye. “Illa ikke mooyo neech shappitone; hamiree neech beeto bullin kemiree iriteetinaꞌoyich imbe; neech shimaajji kexooch kiceeree beeyemmone. Aroyee gubb waaree taan dabbibe” iye.

Maariqoosi 15:26

Boonoshi taggee malletoo tuneti “Ayihudeenaꞌochi Taatoo” ii beeton kooritinaꞌone.

Maariqoosi 15:32

Beegiree no iberiyemmoyich Israꞌeelee taatoo Kiristoosi eke and masqaloochee kindibe” iyeete. Arooba biinna tookkii yooddeti bokkeenaꞌo wotta biin naaggiyeete.

Maariqoosi 8:34

Ebiyee gubb, Yesuusi dofee asheenaꞌon bi dabbeenaꞌona tookkii ceeggiꞌi ishichiye: “Bi kasheen wodiyoyich qaawiibeeto bulli muccemmone; tunebaani taannaa ta mishiraachee qaaroonoyicha iꞌi bi kasheen mucceebeeto bulli danemmone. Taan dabboon shunniibeeto koniyoona bi tunegaata, bi qelloon nookkebe; bi masqaloon shaagiree taan dabbibe.

Luqaasi 14:27

Bi masqaloon shaaggiꞌi taan dabbaani asho koniyoona ta dabboo tunoon hakkaache.

Luqaasi 23:26

Yesuusin daammii boonoshi beetaa, Qerenechi Simooni goyechi gafoochee Yerusaalem waa bi beetaa daneꞌi, Yesuusichi masqaloon shaagiree bi hillooch bi dabbemmoyich tuniiheete.

Luqaasi 23:33

“Qellee Koofee Xaaꞌoo” getteebeeti xaaꞌooch shaggiꞌi Yesuusin yooddiyeete; wotta bokkeenaꞌonon ikkoon Yesuusichi qanne badd, ikkoonoo bi yooche badd geddiꞌi yooddiyeete.

Luqaasi 23:38

Wotta “Hini Ayihudeenaꞌochi Taatoone” ii beeto kooraa biyee tookk xogeetone.

Luqaasi 9:23

Wotta boonoshi bullich ishichiye: “Bi kasheen wodiyoyich qaawiibeeto bulli muccemmone; tunebaani taacha iꞌi bi kasheen mucceebeeto bulli danemmone. Taan dabboon shunniibeeto koniyoona bi tunegaata, bi qelloon nookkebe; bi masqaloon qemi qemona shaagiree taan dabbibe.

Yowannisi 19:13

Phelaaxoosi ishin waayeꞌi Yesuusin maaxooch kichiye; aroochee Xaqqee Godo getteebeeti, woyee Hibiree noonoona Gabeta getteebeeti xaaꞌooch beeti nallee gabberooch kotehe.

Yowannisi 5:2

Yerusaalem, Bageenaꞌochi Kellee gaꞌooch Hibiree noonoona Beetisayidi getteebeeti ikke kote aaco beehe; uuche bashoo (yambaaro) bi guudoona beehe.

Mishiraachechinaꞌo 7:58

Biin geechii katemoyee maach kichiyeete. Miixeenaꞌo boonoshi tahoon kichiꞌi, Sawuli getteebeeti ikke gurimaashoo aafooch geddiichii, Isxifanoosin xaqqoona yexooch giyiheete.