Yowannisi 18:37 - Kafa Linguistics Project

³⁷ Phelaaxoosi “Ishigaata, taatoo neene?” iye. Yesuusi wochiꞌi, “Taatoo ta tunoon newolla gettaa beetine. Ta, ibereechon miixeya ebich shiijjeto taane, alemoochoo waato taane. Iberoochee tuneto bulli ta qaaroon waayemmone” iye.

Yowannisi 18:37 ပူးပေါင်းရင်းမြစ်များ

Isiyaasi 55:4

Biin aageteenaꞌoyich miixoo, wulloonaa iraashoonon tuniito taane.

Maatiyoosi 26:64

Yesuusi wochiꞌi, “Ne getteto neene; tunebaani ittoshich gettoye: Ebiyee damba Ashi Bushoo Giidechi Yeerichi qanne badd bi kotetaa, wotta shimaajji qubee toommoochoo koteree bi waataa beeggemmo ittoshine” iye.

Maatiyoosi 27:11

Arooba Yesuusi Yihudee iraashoo aafooch neexehe; Yihudee iraashoo “Ne Ayihudeenaꞌochi taatoo neene?” iꞌi echehe. Yesuusi wochiꞌi, “Newolla gettaa beetine” iye.

Maariqoosi 14:62

Yesuusi wochiꞌi, “Eeha, taane. Ashi Bushoo Giidechi Yeerichi qanne badd bi kotetaa, wotta shimaajji qubee daggoona bi waataa beeggemmo ittoshine” iye.

Maariqoosi 15:2

Phelaaxoosi Yesuusin “Ne Ayihudeenaꞌo taatoo neene?” iꞌi echehe. Yesuusi wochiꞌi, “Newolla gettaa beetine” iye.

Luqaasi 22:70

Bi ishichimmona boonoshi bulli tiyiꞌi, “Ishigaata, ne Yeerichi Bushoo neene?” iꞌi echeheete. Biyoo “Ta tunoon gettito ittoshine” iye.

Luqaasi 23:3

Phelaaxoosiyoo Yesuusin “Ne Ayihudeenaꞌo taatoo neene?” iꞌi echehe. Yesuusi wochiꞌi, “Newolla gettaa beetine” iye.

Yowannisi 1:14

Are Qaaro ashoon tunehe; Yeerichi wojjoonaa iberoona bi toommooch meettiꞌi bekketaa noonna tookkii beehe; bi Nihoyich ikke mixxe Bushoo bi tunetoyich, bi waanee bi deqqiti oogee yiiroon beeggehone.

Yowannisi 1:17

Yeerichi sheeroo Muus waanaa nooch ichehe; tunebaani wojjoonaa iberoona Yesuus Kiristoos waanaa nooch ichehe.

Yowannisi 14:6

Yesuusi wochiꞌi, “Gommonaa iberoona, kashoonoo taane; ta waanaa tuno bi qayigaata Nihoo Yeer waan womon hakkemmo koniyoona aalloone.

Yowannisi 3:32

Bi beeggitonaa bi waayetonon miixee beetone; tunebaani bi miixee beeton iberiibeeto koniyoona aalloone.

Yowannisi 7:17

Koniyoona Yeeri shunniton tuniyoyich bi qaawigaata, aroo hini ta doyoo Yeer waanee bi tunoon woyee ta, ta qelloona ta geton ariyemmone.

Yowannisi 8:14

Yesuusi wochiꞌi boonoshich ishichiye: “Ta, ta qellichon amoonolla ta miixetaa, amoochee ta waato gaata, amooch ta hammemmo gaata ariibeeto taane; ebich ta miixo gibeneetone. Tunetaa ittoshi amoochee ta waato gaata, amooch ta hammemmo gaata ariyaachote.

Yowannisi 8:45

Tunetaa ta iberoon gettaabeeto ta tunetoyich, taan iberiyaachote.

Yowannisi 8:46

Ittoshi daggoochee taan ‘Axaaxoon shuuneto neene’ gettemmo aabine? Iberoon gettaabeeto ta tunegaata, ittoshiyochi amoyich taan iberiyaachote?

Yowannisi 8:47

Yeericho tuneto, Yeerichi qaaroon waayehe; tunebaani Yeericho ittoshi tuno qajjitoyich, bi qaaroon waayeyaachote” iye.

1 Ximootiyoosi 6:13

Bulli mooyoyich kashoon immiibeeti Yeeri aafooch, Fantoosechi Phelaaxoosi aafoochaa iberoon miixeti Kiristoos Yesuusi aafooch,

1 Pheexiroosi 1:22

Guttinnoon ittoshi shiijjeto, kashechonaa bulli yemeenoon beeyechona tuneti Yeerichi qaaroocheeniye; ebiyoo aalleyaani yaroocheenalli aallemmi yaroochee toonoone; and iberee qaaroyich deꞌa getona xalleꞌi ittoshi maneenaꞌoyich ibere shuno ittoshich beetone; ebich mulloochee tiijjiree ittoshinaa ittoshina manjiiree shunebote.

1 Yowannisi 2:21

Iberoon ittoshi arii beetonaa ibere mooyoochee amee koote mooyolla danee bi qayon ittoshi arii beetonoyichalli, “Iberoon ariyaachote” iyaꞌa ittoshich kooraano taane.

1 Yowannisi 3:14

No, no maneenaꞌon shunnaabeeto no tunetoyich, qitoochee kashee wodooch no kimon ariibeeto noone; bi manoon shunaano bi beeto, batt qitoochiye.

1 Yowannisi 3:19

Ebina iberoo tuneti Yeer magecho no tunoon manjiyemmo noone; ebinoo “No mullo noon ittibatee beetone” iyaꞌa no shalligaabeeti mooyo bulliichee Yeeri aafooch kashemmo noone. Aroo no mulloyee beshoon oogoo bi tunetoyich, bullin arii beetone.

1 Yowannisi 4:6

Tunebaani no Yeer magecho noone; ebich Yeerin ariibeeto bulli noochon waayee beetone; Yeer waanee tuneyaano bulli wotta noochon waayeyaanoone. Ebina iberee Ayaanoonaa kootee ayaanoonon bariiꞌa ariibeeto noone.

1 Yowannisi 5:20

Wotta Yeerichi Bushoo womonaa iberoo tuneti Yeerin no ariibeeti mulloon nooch bi imonon ariibeeto noone. Iberoo tuneti Yeerina tookkii nooch ikkittino beetone; wotta bi Bushoo Yesuus Kiristoosina tookkii nooch ikkittino beetone. Biyoo ibere Nuggishoonaa bulli yemeenee kashoonane.

Yaaꞌoo 1:4

Yowannisi waanee, Isiyee showooch beeti shabaatte kittinnee guuphinaꞌoyich: Andoo beeti, aafoo beeti, gubboo beeyemmi Yeer waanee, Yeerichi taatee qeechi aafooch beeti shabaatte ayaaneenaꞌo waanee,

Yaaꞌoo 3:14

“Lodooqi kittinnee guuphi maraakoyich ishichi kooribe: Ameena getteeto, gibeneeti ibere miixoonaa bulli mooyon Yeeri biinna bi hallitona ishichiye: