Yowannisi 18:12 - Kafa Linguistics Project

¹² Arooba hume ginee iraashoonaa bi ginee naayinaꞌona Ayihudee yaafee kechi kellechinaꞌona tookkii Yesuusin yechii cuchiyeete;

Yowannisi 18:12 ပူးပေါင်းရင်းမြစ်များ

Halloo 22:9

Yeeri gettiti xaaꞌoochoo shaggiyeete. Abrahamiyoo arooch deejjee gudoon shuunehe; baddetaa waati mixonoo arooch qeenniye. Bi bushoo Yisaaqichi kishoonaa baatoonon cuchiꞌi, deejjee gudooch bi qeenniti michi toommooch qeejjiye.

Halloo 40:3

Ebich Yooseefi cucheꞌi beeti, taatoo quyee naayinaꞌochi iraashoo kexooch daamaa boonoshi cucheyemmoyich tuniihe.

Shoddo 118:27

Doono Yeeri Nuggishoone; bekkoon nooch bekkiitone. Michi kishoon yeshiree deejjee gudee qareechi guudoona baaroon wonnibote.

Maatiyoosi 26:57

Aroochee Yesuusin yechitinaꞌo Muusichi Sheeree dojjechinaꞌonaa showee geeneenaꞌona kiceeti qeeshee guudo Qeyaaf waan daammiyeete.

Maatiyoosi 27:2

Cuchiꞌi daammii iraashoo Phelaaxoosich beshiiꞌi immiyeete.

Maatiyoosi 27:27

Arooba iraashoochi ginee naayinaꞌo Yesuusin iraashoochi kibbooch daammiyeete. Echeti boonoshi guuphinaꞌo bullin bi beetooch ceeggii kiciyeete.

Maariqoosi 14:53

Aroochee Yesuusin qeeshee guudo waan daammiyeete. Qeeshee ukkireenaꞌo, geeneenaꞌonaa Muusichi Sheeree dojjechinaꞌona bulli arooch kiceeheete.

Maariqoosi 15:1

Dechara maaddoona qeeshee ukkireenaꞌo, showee geeneenaꞌonaa Muusichi Sheeree dojjechinaꞌona, Ayihudee nallechinaꞌo bullina tookkii boonoshi echeetoyee gubb, Yesuusin cuchiiꞌi daammii Phelaaxoosich beshiiꞌi immiyeete.

Luqaasi 22:54

Arooba waatinaꞌo Yesuusin yechiꞌi daammii, qeeshee guudo kexooch giijjiyeete; Pheexiroosiyoo wokkiibee biin dabbii beehe.

Yowannisi 18:3

Ebina Yihudi, faanusoonaa ceechoonon, ginoonaa gaachoonon yechiti ginee naayinaꞌon, wotta qeeshee ukkireenaꞌonaa Fariseenaꞌona wocheti yaafee kechi kellechinaꞌon dabbiiꞌi waahe.

Mishiraachechinaꞌo 10:1

Arooba Qesaariyi katemooch Qorineloosi getteebeeti ikke uro beehe. Biyoo Xaaliyaanee ginee naayinaꞌochi guuphi daggooch balle ginee iraashoone.

Mishiraachechinaꞌo 21:31

Phawuloosin wuxiya boonoshi qiiccee beetaa, “Yerusaalem bulli shuurii beete” immi woroo hume ginee iraashoyich shaggiye.

Mishiraachechinaꞌo 21:37

Ginechinaꞌo boonoshi ginee kaambooch giijjiya boonoshi iyaa, Phawuloosi hume ginee iraashoon “Ikke mooyon getona, taach daaggibe” iye. Hume ginee iraashoo “Giriikee noonoon arii beetine?

Mishiraachechinaꞌo 23:10

Kaaro qeeccii qeeccii hammimmona, asheenaꞌo Phawuloosin okk hach geechiree boonoshi hoꞌaachemmoyich shattiꞌi, hume ginee iraashoo bi naayinaꞌon “Hami boonoshi daggoochee Phawuloosin shotteree no kaambooch deebote” iꞌi gettiye.

Woraaferasheenaꞌo 16:21

Aroochee Filsixeemeenaꞌo biin yechiyeete; bi aafoon qoqenee kichiꞌi, Gaaza daammiyeete; aroochaa gooshoochee shuuneeti qoqqaannoona cucheꞌi, cuyee kexoochaa maayoon yiikkee beehe.