Yowannisi 18:11 - Kafa Linguistics Project

¹¹ Yesuusi Pheexiroosin “Ne goraadoon bi gonenooch wochibe; Nihoo Yeeri taach bi immiti xuuxee xoofoochee uchaayote?” iye.

Yowannisi 18:11 ပူးပေါင်းရင်းမြစ်များ

2 Saameeli 16:10

Tunebaani taatoo ishichiye: “Tseruuyi bushiisheenaꞌote, ebiich ittoshin geddemmi mooyo beete? Doono Yeeri, ‘Daawitin ufe’ getaa uppiibeeto bi tunegaata, biin ‘Ebin amoyich tuniinne?’ geton hakkemmo, konine?” iye.

Shoddo 75:8

Doono Yeerichi kishooch xoofoo beetone; biyoo umbeebeeti bi kaaree kashi woyinee uyoon arooch ceechiye. Ebinoo bi woniitaa, showee toommeexi gondeenaꞌo bulli uchiyeete; cingoonolla echiyaanoon cangeheete.

Hiziqeeli 23:31

Ne maneechi gommon dabbiti neene; ebich ne maneechi naxee xoofoon neech immemmo taane” iye.

Maatiyoosi 20:22

Tunetaa Yesuusi wochiꞌi, “Ittoshi qollemmon ariyaachote. Ta uchemmi xuuxee xoofoochee uyon hakkehote?” iye. Boonoshiyoo wochiꞌi, “Eeha hakkemmo noone” iyeete.

Maatiyoosi 26:39

Boonoshi aafoochee giishechoon wokkiꞌi hammiye. Baroona guufeechii corootiibee, “Ta Nihoocho, tunesho gaata, hini xuuxee xoofoon ta waanee wokkiibe. Tunetaa ne daaggoo tunebaani, ta daaggoo tunaaye” iye.

Maatiyoosi 26:42

Wotta guttinnoon hammiꞌi corootiibee, “Ta Nihoocho, hini xuuxee xoofoon uyo taach bi qaawiigaata, ne daaggoo tunebe” iye.

Luqaasi 12:30

Eboshi bullin showee toommooch beeti aageteenaꞌo bulli qaawii beetinaꞌone. Ebi ittoshich qaawiibeeto bi tunoon ittoshi Nihoo Yeeri arii beetone.

Luqaasi 22:42

“Ta Nihoocho, ne daaggigaata, hini xuuxee xoofoon ta waanee wokkiibe. Tunetaa ne daaggoo tunebaani, ta daaggoo tunaaye” iibee corootiye.

Yowannisi 15:10

Ta Nihoo ‘Tuniibe’ iꞌi bi gettiton ta ceechoommon, bi shunoonoo ta beemoommon, ‘Tuniibote’ iyaꞌa ta getteton ittoshi ceechigaata, ta shunoona beeyemmo ittoshine.

Yowannisi 17:24

“Ta Nihoocho, alemo halleyaan beehooba, taan ne shunnetoyich, oogee yiiroon taach immehine; hini oogee yiiroon boonoshi beeggemmoyich, ebi taach ne immeti asheenaꞌo wotta taanna tookki ta beetooch boonoshi beeyemmoyich shunnoye.

Yowannisi 18:36

Yesuusi wochiꞌi, “Ta taatittine hini alemeexi tooneene. Ta taatittine hini alemeexi bi tuneto gaata, Ayihudee ukkireenaꞌoyich beshiitaa ta icheyaachemmoyich ta dabbeenaꞌo koyeshinaꞌone; tunebaani ta taatittine hini alemeexi tooneene” iye.

Yowannisi 20:17

Yesuusiyoo “Taan yechaahine; batt Nihoo Yeer waan keyaan beeto taane. Tunebaani hamiree ta maneenaꞌoyich ‘ “Ta, ta Nihoonaa ittoshi Nihoona waan, ta Nuggishoonaa ittoshi Nuggishoona waan kechemmo taane” itone’ gete” iye.

2 Qorontoosi 10:4

No koyee qiico hini alemeexo toonoone; tunebaani Yeer waanee daneebeeti giidoona mishigoon happoyich kupphoone.

2 Qorontoosi 6:7

ibere yibbaatoona, Yeerichi hakkoona shuunoona, no qanne kishoonaa yooche kishoonooch ginee koyee qiicoommo tuneti cadiqoon yeshona, Yeerichi maddecho no tunoon bekkiibeeto noone.