Yowannisi 18:1 - Kafa Linguistics Project

¹ Yesuusi ishichiꞌi bi corootitoyee gubb, bi dabbeenaꞌona tookkii tiyiꞌi becheeti mixinaꞌo beeti xaaꞌooch, Qedirooni bamboyee beqach hammiye; biyoo, bi dabbeenaꞌoo are becheeti michi daggooch giyiyeete.

Yowannisi 18:1 ပူးပေါင်းရင်းမြစ်များ

Halloo 2:15

Nuggishoo Doono Yeeri ashoon daammii Edeni bechee daggooch bi kotiito, goyi shiime bi quyemmoyichiye.

Halloo 3:23

Ebich asho showoochee bi danetoyich, are showoon bi gochemmoyich, Nuggishoo Doono Yeeri biin Edeni bechee daggoochee kichiye.

2 Saameeli 15:23

Asheenaꞌo beshee beetaa, are showee asho bulli eefehe. Taatoo Qedirooni aachi qaaꞌoon kimmiye. Asheenaꞌo bulliyoo kimmiꞌi, barahoo beeto waan hammiyeete.

1 Taateenaꞌo 15:13

Bi nihoo indee Maꞌakin, ciigiiti nuggishee Asheeri misiloon bi neechitoyich, gennee abeeti tunoochee kindiihe. Biyoo ebi are Asheeri misiloon tiichiye; Qedirooni bamboochaanoo michiye.

1 Taateenaꞌo 2:37

Tunebaani aroochee kechaꞌa, Qedirooni bamboon ne kimigaata, qitemmo ne tunoon ariibe; ne damoo ne toommoochiye bi tunemmo” iye.

2 Taateenaꞌo 23:12

Yihudee taateenaꞌo shuuniiti, ebiyoo Akaazi kechi toommeexi kexooch beeti deejjee gudeenaꞌon, wotta Minaasi shuuniiti, ebiyoo Doono Yeerichi yaafee kechi gutte addibaabooch beeti deejjee gudeenaꞌon Yosiyaasi happiye. Ebi deejjee gudeenaꞌon tiichii yiikkiyiikkaayiꞌi, Qedirooni bambooch daammii duppiye.

2 Taateenaꞌo 23:4

Aroochee Yosiyaasi qeeshee guudo Hiliqiyin, biyee desheenaꞌo tuneti qeesheenaꞌonaa yaafee kechi kelloon quyeebeeti kellechinaꞌonon ceeggiꞌi, Baꞌaaloyich, nuggishee Asheerinaa shimaajji xojjeno bullinochi maddooch heechiibeeti qiico bullin yaafee kexoochee boonoshi kichemmoyich gettiye. Aroochee taatoo ebi qiiceenaꞌo bullin Yerusaalemiyee maach beeti Qedirooni bambee gaddoochaa qaaqqoona michiꞌi bi tulloon Beeteel daammiye.

2 Taateenaꞌo 23:6

Nuggishee Asheeri misiloon Doono Yeerichi yaafee kexoochee waaxxii, katemoochee kichii, Qedirooni bambooch daammiꞌi michiye; buttee qaddochii qacichiꞌi, asheenaꞌochi maashee toommooch shakkiye.

2 Kiinoo 15:16

Taatoo Aasi bi nihoo indee Maꞌakin, ciigiiti nuggishee Asheeri misiloon bi neechitoyich, gennee abeeti tunoochee kindiihe. Aasi are misiloon tiichii yiikkehe; Qedirooni bamboochaanoo michiye.

2 Kiinoo 29:16

Qeesheenaꞌo yaafoyich yaafee kechi maac giyiyeete. Doono Yeerichi yaafee kexoochee boonoshi daneti eeꞌe mooyo bullin Doono Yeerichi yaafee kechi addibaabooch kichiyeete. Leweenaꞌoo ebin shaaggii daammiꞌi, Qedirooni bambooch duppiyeete.

2 Kiinoo 30:14

Boonoshiyoo Yerusaalem beeti deejjee gudeenaꞌonaa ixaano shookkeebeeti gudeenaꞌo bullinon happiꞌi, Qedirooni bambooch daammii duppiyeete.

Nehimi 2:15

Ebich bamboo waan hammaꞌa xumoona uxeroon guuddaa beeggeho; aroochee ta hilla wottaꞌa, Bambeexi Kelloona giyeho.

Erimiyaasi 31:40

Dubenee bamboo bulli, tulloo duppeebeeti bamboo bulli, Qedirooni aacooch beddaahaa, aabi-keyo waan beeti Hareshee Kellee danooch beddaahaa beeto bulli Doono Yeeri taach yaafeeto tunemmone. Ebiyee bekk bulli aabooch Yerusaalemi waacheyaachemmine; happeyaachemmine” iye.

Leweenaꞌo 2:6

Koshon buriciree zayitoon bi toommooch ukkibe. Ebiyoo maayi buuroone.

Maatiyoosi 26:30

Boonoshiyoo Yeerichi shoddoon boonoshi shoddetoyee gubb tiyiꞌi, Zayitee Michi guudooch kechiꞌi hammiyeete.

Maatiyoosi 26:36

Arooba Yesuusi bi dabbeenaꞌona tookkii Getesemaani getteebeeti xaaꞌooch hammiye. Yesuusi boonoshin “Ta okk ebiich hamiree corootibona; ittoshi hiniich beebote” iye.

Maariqoosi 14:26

Boonoshiyoo Yeerich shoddoon boonoshi shoddetoyee gubb tiyiꞌi, Zayitee Michi guudooch hammiyeete.

Maariqoosi 14:32

Yesuusi bi dabbeenaꞌona tookkii Getesemaani getteebeeti xaaꞌooch hammiye. Yesuusi boonoshin “Ta okk ebiich hamiree corootibona; ittoshi hiniich kotebote” iye.

Maariqoosi 14:42

Tibote, hambone! Andoo taan beshiiree immemmo shaggitone!” iye.

Yowannisi 14:31

Tunebaani Nihoo Yeerin ta shunon alemo ariyemmoyich, Nihoo Yeeri ‘Tuniibe’ bi ito bullin shuunaabeeto taane. “And tibote; hiniichee hambone” iye.

Yowannisi 18:26

Bi waamon Pheexiroosi kuxxiti uroochi xiboo, qeeshee guudoochi guuninaꞌo daggoochee ikkoo, Pheexiroosin “Becheeti michi daggoochaa Yesuusina tookkaa ne beetaa beegaachote?” iye.

Mishiraachechinaꞌo 21:11

Hini keemecho no waan giddeꞌi, Phawuloosi shachoon yechiꞌi bi hajjee kishoonaa baatoonon bi cuchitoyee gubb, “Yaafe Ayaano ‘Hinin cuyeebeeti uroon Ayihudeenaꞌo Yerusaalemaa cuchemminaꞌone; Aageteenaꞌo kishooch beshiiree immemminaꞌone’ ii beetone” iye.