Yowannisi 17:6 - Kafa Linguistics Project

⁶ “Hini alemee daggoochee taach ne immeti asheenaꞌoyich ne shigoon arichiito taane. Boonoshi neechinaꞌone; newoo taach immehine; boonoshiyoo ne getteti qaaroon ceechitinaꞌone.

Yowannisi 17:6 ပူးပေါင်းရင်းမြစ်များ

Shoddo 119:11

Axaaxoona neen ta xuꞌaachemmoyich, ne qaaroon ta mullooch kotiihoye.

Shoddo 22:22

Ne shigoon ta maneenaꞌoyich gettemmo taane; iitee daggoochaanoo neen galletemmo taane.

Keyo 9:16

tunebaani kashoona ne beeyemmoyich ta tuniito, ta giidoon neech ta bekkiyemmonaa ta shigo showee toommo bulliich bi arichemmonoyichiye.

Shaahiyoo 2:10

Shalligoo ne mullooch giyemmone; ariyoo ne kashoon emirikkemmone.

Shaahiyoo 23:23

Iberoon kemeballi kemmaahine; shalligoon, gaawe ciicoonaa gabii deꞌonon kemebe.

Yowannisi 1:18

Yeerin bi aafoona beeggito koniyoona aalloone; tunebaani bi Nihoochi sheenooch beeti ikke bi Bushoo kindiꞌi bekkiitone.

Yowannisi 12:28

Ta Nihoocho, ne shigoon oogiibe!” iye. Arooba shimaayoochee “Oogiito taane; andoo oogiyemmo taane” immi qaaro waayeehe.

Yowannisi 15:19

Hini alemeexo ittoshi tuneto gaata, biicho tuneton shunneshone; tunebaani alemee daggoochee ittoshin kaacceto taane; ebich bi magecho toono ittoshine; ebichi naboonane alemo ittoshin bi shixxiibeeto.

Yowannisi 15:3

Ittoshich ta getteti qaaroona and xalleto ittoshine.

Yowannisi 15:7

Taanna ittoshi beegaata, ta getteti qaaroo ittoshi mullooch bi beegaatoo, ittoshi shunnimmo bullin qollebote; ittoshich ichemmone.

Yowannisi 17:12

Boonoshina tookkaa showee toommooch ta beehooba, taach ne immeti ne shigoona ta boonoshin quyeto taane, shiweto taane. Yaafe Macaafooch kooreeto ceennemmoyich, aalloyich kaacheti are uroyee damba koniyoona aalleyaanoone.

Yowannisi 17:14

Ta ne qaaroon boonoshich immeto taane. Tawoo alemeexo ta tunee qayoommon, boonoshiyoo wotta tooneenaꞌone; ebich alemo boonoshin shixxitone.

Yowannisi 17:16

Tawoo alemeexo ta tunee qayoommon boonoshiyoo tooneenaꞌone.

Yowannisi 17:2

Ne oogiyemmoo, taach ne immeti asheenaꞌo bullich bulli yemeenee kashoon ta immemmoyich, asho bulli toommooch taan doonjiiꞌa ne ukkiriitoyichiye.

Yowannisi 17:24

“Ta Nihoocho, alemo halleyaan beehooba, taan ne shunnetoyich, oogee yiiroon taach immehine; hini oogee yiiroon boonoshi beeggemmoyich, ebi taach ne immeti asheenaꞌo wotta taanna tookki ta beetooch boonoshi beeyemmoyich shunnoye.

Yowannisi 17:26

Taanoo ne shunneti shunoona bareenaꞌon boonoshi shunnemmoyich, tawoo boonoshina ta beeyemmoyich neechon boonoshich arichiito taane; battoo arichiyemmo taane” iye.

Yowannisi 17:7

Taach ne immeto bulli ne waanee bi tunoon and ariitinaꞌone.

Yowannisi 18:9

Ishichii bi ito, “Hini taach ne immetinaꞌo daggoochee ikkoonolla aalliyaano taane” bi iti qaaro bi ceennemmoyichiye.

Yowannisi 6:37

Shimaayoochee ta kindito, taan wocheti Yeerichi daaggoon tuniyoyichalli, ta daaggoon tuniyoyich toonoone. Ebich ta Nihoo Yeeri taach immito bulli ta waan woyemmone; ta waan waammo bullin cir maaxooch kichi dufaachemmo taane.

Yowannisi 6:39

Taan wochetochi daaggoo, taach bi immitoochee ikkoonolla ta aalliyaachemmonaa ciireexi aabooba qitoochee ta tiijjemmonoyichiye.

Yowannisi 8:51

Iberoon ittoshich gettoye: Ta gettaa beeton ceechiibeeto koniyoona bi beegaata, cir qitaachemmone” iye.

Yowannisi 8:52

Ayihudeenaꞌo “And ne toommooch yinno beemon xiishaa ariito noone. Abrahami qititone; wotta keemechinaꞌoo qititinaꞌone. Tunetaa ne ‘Ta gettaa beeton ceechiibeeto koniyoona bi beegaata, cir qitaachemmone’ ii beetine.

Mishiraachechinaꞌo 13:48

Aageteenaꞌo ishin waayeꞌi, emiriibee Doono Yeerichi qaaroon oogiiheete. Yeeri bulli yemeenee kashoon boonoshi danemmoyich, bi kaaccitinaꞌo bulli boonoshi mulloon Yesuusi toommooch tooꞌiiheete.

Roomi 11:2

Yeeri shiichiꞌi bi kaacciti bi asheenaꞌon shixxii qayaanoone. Yaafe Macaafooch keemechi Eliyaasicho kooreeton ariyaachote? Yeer waan corootiibee ishichiꞌi Israꞌeeleenaꞌon taggetone:

2 Qorontoosi 4:6

“Manderooch bekko bekkebe” iti, Kiristoosichi barooch wacciibeeti bi oogee yiiree ariyoon bekkiibeeti bekkoon imma no mullee daggooch aaxxiito, Yeerine.

Qolaasiyaasi 3:16

Kiristoosichi qaaro ceenoona ittoshi mullooch beebe; ariyoo bullina ikkoo ikkoon dojjibee, ittoshinaa ittoshina ciiceebote. Shoddoonaa naadoona, Ayaanee shoddoona galletoonoo ittoshi mulloona Yeerich shoddebote.

2 Ximootiyoosi 1:13

Kiristoos Yesuusina daneebeeti mullee tooꞌiyoonaa shunoona manjiree beebe. Ta waanee ne waayeti gaawe qaaroon tachiꞌi getonaa dojjoona taan shaahibe.

Hibireena'o 2:12

Ebich ishichiye: “Ne shigoon ta maneenaꞌoyich awaajjemmo taane; iitee daggoochaanoo neen shoddoona galletemmo taane” iye.

Hibireena'o 3:6

Tunebaani Kiristoosiyoo Yeerichi kechi asheenaꞌo bulli toommooch bushoochoommon gibeneetone. No wotta noon aafo kupphiibeeti, geeciibeeti gibenoon [ciirooch beddaahaa manjiiꞌa] no yeshigaata, Yeerichi kechi asho noone.

1 Pheexiroosi 1:1

Yesuus Kiristoosichi mishiraachechi Pheexiroosi waanee, Faantoosee showooch, Galaatee showooch, Qephadooqee showooch, Isiyee showoonaa Bitaaniyee showoonooch beeti katemoo bulliich shiqqoo tunee shaceꞌi beeti, Yeerina kaacheti asheenaꞌoyich,

1 Yowannisi 5:20

Wotta Yeerichi Bushoo womonaa iberoo tuneti Yeerin no ariibeeti mulloon nooch bi imonon ariibeeto noone. Iberoo tuneti Yeerina tookkii nooch ikkittino beetone; wotta bi Bushoo Yesuus Kiristoosina tookkii nooch ikkittino beetone. Biyoo ibere Nuggishoonaa bulli yemeenee kashoonane.

Yaaꞌoo 2:13

Ne beeto Sheexaanoo taateꞌi beeti xaaꞌooch bi tunoon ariibeeto taane; tunebaani ta toommooch mulloon tooꞌiyoona manjito neene. Sheexaanoo beeti ittoshi katemoochaa taach gibeneeto tuneꞌi taachon miixeti Antiphaasi wuxeehoobee yemeenoobolla, ta toommooch mulloon tooꞌiyoon nookkeyaano neene.

Yaaꞌoo 3:10

Haaꞌiibe iyaꞌa neech ta getteti qaaroon ne quyetoyich, hini showee toommooch beeti asheenaꞌo bullin phireya, showee toommo bulliich woyemmi xuuxee aaboochee tawoo wotta neen quyemmo taane.

Yaaꞌoo 3:8

Ne shuunoon ariibeeto taane; ne hakkoo amoommon giishecho bi tunetaanoona, neech ta dojjiti qaaroon quyeto neene; ta shigoonoo nookkeyaano neene. Ebich koniyoona hicon hakkaani kelloon neech qechito taane.