Yowannisi 17:26 - Kafa Linguistics Project

²⁶ Taanoo ne shunneti shunoona bareenaꞌon boonoshi shunnemmoyich, tawoo boonoshina ta beeyemmoyich neechon boonoshich arichiito taane; battoo arichiyemmo taane” iye.

Yowannisi 17:26 ပူးပေါင်းရင်းမြစ်များ

Shoddo 22:22

Ne shigoon ta maneenaꞌoyich gettemmo taane; iitee daggoochaanoo neen galletemmo taane.

Yowannisi 14:20

Ta, ta Nihoona ta beemoommon, ittoshiyoo taanna ittoshi beemon, tawoo ittoshina ta beemon arooba ariyemmo ittoshine.

Yowannisi 14:23

Yesuusi wochiꞌi biich ishichiye: “Taan shunniibeeto koniyoona bi beegaata, ta getteton ceechemmone; ta Nihoo biin shunnemmone; bi waanoo woyemmo noone; bi waanoo beeyemmo noone.

Yowannisi 15:15

Guuno bi doono tuniiya gabiton ariyaanoone; ebich ebiyee damba ittoshin guuno getaache. Tunetaa ittoshin ‘Ta shunechinaꞌo’ ito taane; ta Nihoo waanee ta waayeto bullinoo ittoshich getteto taane.

Yowannisi 15:4

Taanna tookki ikkottebote; tawoo ittoshina tookki ikkottemmo taane. Woyinee ato bi indo aalloon bi qelloona aafoon aafo hakkoo bi qayoommon, ebiyoommon taanna tookkii ikkotto ittoshi qayigaata, aafoon aafo hakkaachemmo ittoshine.

Yowannisi 15:9

“Nihoo Yeeri taan shunoommon ta wotta ittoshin shunneto taane; ta shunoona beebote.

Yowannisi 17:23

Hini oogee yiiroon ta immeto, ‘Tawoo boonoshina ta tunoona, newoo taanna ne tunoona bulli ikkoo tunebeete’ getoyichiye. Ebina taan wochaa ne deejjoon, taanoo ne shunnetoommon boonoshin ne shunon alemo ariyemmone.

Yowannisi 17:6

“Hini alemee daggoochee taach ne immeti asheenaꞌoyich ne shigoon arichiito taane. Boonoshi neechinaꞌone; newoo taach immehine; boonoshiyoo ne getteti qaaroon ceechitinaꞌone.

Yowannisi 17:8

Ebiyoo taach ne getteto bullin boonoshich ta gettetoyichiye; boonoshiyoo waayetinaꞌone; ne waanee ta womon xiishoona ariitinaꞌone; taan wochaa ne deejjoonoo iberiitinaꞌone.

Yowannisi 6:56

Ta meenon maabeeto, ta damoonoo uchiibeeto taanna beeyemmone; tawoo biinna beeyemmo taane.

Yowannisi 8:50

Tunetaa ta ‘Asho taan oogiibe’ getaache; taan oogiiya qaawiibeeto beetone; aroo taach nallii beetone.

Roomi 8:10

Kiristoosi ittoshi mullooch bi beegaata, ittoshi meeno axaaxee naboona qitito bi tunetaanoona, Yeeri aafoochaa cadiqito ittoshi tunetoyich, Yeerichi Ayaano ittoshich kashoon immitone.

1 Qorontoosi 1:30

Tunebaani Yeeri ittoshin Kiristoos Yesuusina tookkii ikkochitone; ebich Yeeri biin nooch shalligoo, cadiqoo, yaafoonaa biishechona tuniitone.

1 Qorontoosi 12:12

Ashittino ikkoo bi tunetaanoona, meeti quumechone; ashittinee quumo meeto tuneebee ikke ashittinoon bi tunoommon, Kiristoosiyoo wotta ebiyoommone.

Galaati 2:20

Ebich tawoo ebiyee bekk kashechon tunaꞌa beetaache; tunebaani Kiristoosi ta mullooch giyiꞌi beetone. Andoo meenona ta beeti beemo, taan shunnii taacha iꞌi qitoyich bi qelloon beshii immiti, Yeeri Bushoo toommooch mullee tooꞌiyoona ta beemone.

Efesooni 1:6

Ebin gabii bi maaccito, aaxxe bi Bushoo waanaa nooch bi immiti, worganikkiti wojjoyich bi galleteyemmoyichiye.

Efesooni 5:32

Ebi wohi maacee mooyone; tunebaani ebin ta gettaabeeto, Kiristoosichonaa kittinnee guuphochonochi shaahiyoon tuniꞌaaniye.

Qolaasiyaasi 1:27

Boonoshichoo Yeeri ebi maacee mooyo Aageteenaꞌo daggooch am shaahoon worganikkiibeeto gaata bi tunoon arichiyoyich shunniye; ebi maacee mooyo Yeerichi oogee yiiroon danee gibeno tuneti Kiristoosi ittoshi mullee daggooch beemone.

Qolaasiyaasi 2:10

Ittoshiyoo ceeni kashoon ittoshi daneto, taatittino bullinaa iraashittino bullinochi shimbo tuneti Kiristoosinane.

Qolaasiyaasi 3:11

Ebich and Giriikee ashoonaa Ayihudee ashoona geto, dokireetonaa dokireyaanoona geto, shiqqoonaa woheexi yaroona geto, guuchi yaroonaa doonji yaroona geti barittino aalloone; Kiristoosi bulli mooyone; bullinoo tookkiiniye.

2 Tasaloonqi 2:16

Bi qelloona no Doono Yesuus Kiristoosinaa noon shunniti, bi wojjoona bulli yemeenee goggoonaa manje gibenoonon nooch immiti no Nihoo Yeerina ittoshi mulloon goggiibeete; gaawe mooyo bullin ittoshi shuunemmonaa yibbaatemmonoyich ittoshin kupphiibeete.

Hibireena'o 2:12

Ebich ishichiye: “Ne shigoon ta maneenaꞌoyich awaajjemmo taane; iitee daggoochaanoo neen shoddoona galletemmo taane” iye.

1 Yowannisi 3:24

Hini Yeeri gettiti mooyon tunii beetoyich Yeerina tookkii ikkittino beetone; Yeerichoo biinna tookkii ikkittino beetone. Noonna tookkii bi beemon nooch bi immiti bi Ayaanoona ariibeeto noone.