Yowannisi 17:25 - Kafa Linguistics Project

²⁵ “Cadiqe ta Nihoocho, alemo neen ariyaanoone; tunetaa ta neen ariito taane; eboshiyoo taan ne deejjoon ariitinaꞌone.

Yowannisi 17:25 ပူးပေါင်းရင်းမြစ်များ

Isiyaasi 45:21

Getote; ittoshi taggoon yaaꞌote; ikkotteree koceebote. Ebin shiichiꞌi gettito konine? Ebin wonna awaajjito konine? Doono Yeeri ta toone? Tayee bare nuggishoo aalloone; Cadiqoonaa Wodiyechona tuneto, tayee bare nuggishoo aalloone.

Maatiyoosi 11:27

Wotta Yesuusi asheenaꞌoyich, “Ta Nihoo bulli mooyon taach immitone. Nihoo Yeeriyee damba Yeerichi Bushoo taan ariibeeto aalloone; Yeerichi Bushoo tayee besh, wotta Yeerichi Bushoo ta biich bekkiiya ta daaggiti ashoyee beshetaa, Nihoo Yeerin ariibeeto aalloone.

Maatiyoosi 16:16

Simoon Pheexiroosi tiyiꞌi, “Ne Kiristoosi, beeyechi Yeerichi Bushoo neene” iye.

Luqaasi 10:22

Aree hillooch “Ta Nihoo bulli mooyon taach immitone; Nihoo Yeeriyee damba Yeerichi Bushoo taan koni ta gaata ariibeeto aalloone. Yeerichi Bushoo tayee beshetaa, wotta Yeerichi Bushoo ta biich bekkiiya ta daaggiti ashoyee beshetaa, Nihoo Yeeri koni bi gaata biin ariibeeto aalloone” iye.

Yowannisi 1:18

Yeerin bi aafoona beeggito koniyoona aalloone; tunebaani bi Nihoochi sheenooch beeti ikke bi Bushoo kindiꞌi bekkiitone.

Yowannisi 15:21

Taan wochee deejjiton boonoshi ariyoo qajjitoyich, ebi bullin ta naboona ittoshi toommooch shuunemminaꞌone.

Yowannisi 16:27

Ebiyoo taan ittoshi shunnitoyich, Yeer waanee ta womon ittoshi iberiitoyich, Nihoo Yeeri bi qelloona ittoshin bi shunnii beetoyichiye.

Yowannisi 16:3

Ebin ittoshi toommooch boonoshi tuniyemmo, Nihoo Yeerinoo taanoo boonoshi tuushitoyichiye.

Yowannisi 16:30

Bulli mooyon ariibeeto ne tunoon, koniyoona neen echo qaawiyee bi qayonoo and ariito noone; ebich Yeer waanee ne womon iberiito noone” iyeete.

Yowannisi 17:11

Tawoo ne waan hammaabeeto taane; ebiyee gubb, alemooch beetaachemmo taane; tunebaani boonoshi alemooch beeyemminaꞌone. Yaafe ta Nihoocho, eboshi noochoommon boonoshi ikkottemmoyich, taach ne immeti ne shigoona boonoshin quyebe.

Yowannisi 17:18

Alemooch taan ne wochoommon, ebiyoommon tawoo alemooch boonoshin wocheto taane.

Yowannisi 17:21

Ta qollaabeeto, boonoshi bulli ikkottemmoyichiye; taan ne deejjoon alemo iberiyemmoyich, ta Nihoocho, ne taanna ne beemoommon, tawoo neenna ta beemoommon, ebiyoommon wotta boonoshi noonna beebeete.

Yowannisi 17:23

Hini oogee yiiroon ta immeto, ‘Tawoo boonoshina ta tunoona, newoo taanna ne tunoona bulli ikkoo tunebeete’ getoyichiye. Ebina taan wochaa ne deejjoon, taanoo ne shunnetoommon boonoshin ne shunon alemo ariyemmone.

Yowannisi 17:3

Ibere Nuggishoo ne baach tuneti neen boonoshi ariyoo, wotta ne deejjiti Yesuus Kiristoosin boonoshi ariyoo, ebi bulli yemeenee kashoone.

Yowannisi 17:8

Ebiyoo taach ne getteto bullin boonoshich ta gettetoyichiye; boonoshiyoo waayetinaꞌone; ne waanee ta womon xiishoona ariitinaꞌone; taan wochaa ne deejjoonoo iberiitinaꞌone.

Yowannisi 3:17

Yeeri bi Bushoon alemooch bi deejjito, arooch beeti asheenaꞌon bi wodiyemmoyichalli, boonoshi toommooch bi nallemmoyich toonoone.

Yowannisi 6:19

Uuche woyee shiritte kiilo meetiroon markabee boojjetoona yoppeebee boonoshi hammitoyee gubb, Yesuusi baharee toommona shaꞌeebee markabe waan bi katinaa beeggiꞌi keqqoona qitiyeete.

Yowannisi 7:29

Tunetaa ta bi waanee waato taane; biyoo taan wochetone; ebich biin ariibeeto taane” iye.

Yowannisi 8:19

Ebich boonoshi “Ne nihoo aabiichiye?” iꞌi echeheete. Yesuusi wochiꞌi, “Taan woyee ta Nihoon ariyaachote. Taan ittoshi ariito gaata, ta Nihoon wotta ariyesho ittoshine” iye.

Yowannisi 8:55

Biin ariyaano ittoshine; tunetaa ta ariibeeto taane. ‘Biin ariyaano taane’ ta getigaata, ittoshichoommon kootecho tunesho taane; tunebaani biin ariibeeto taane; bi gettitonoo ceechaabeeto taane.

Mishiraachechinaꞌo 17:23

Ishichaa ta gettaabeeto, ittoshi goyinneebeeti xaaꞌeenaꞌon guuddaa beeggaꞌa, ‘Aricheyaani nuggishoo’ getaa kooreeti deejjee xaaꞌoon ta danetoyichiye. Illa and ittoshich ta gettaabeeto, ‘Aricheyaani nuggishoone’ iꞌi ittoshi goyinneebeeto, koni bi tunooniye.

Mishiraachechinaꞌo 26:18

Neen ta daachiibeeto, boonoshi aafoon qechiree manderoochee bekkooch, Sheexaanoyich hajjeyoochee Yeerich hajjeyooch ne wochemmoyichiye. Arooba boonoshi axaaxoyich maaroon danemminaꞌone; wotta ta toommooch mulloon tooꞌiyoona yaafeeti asheenaꞌo deqqemmi wojjooch boonoshi ixoo haddeyemmone’ iye.

Roomi 1:28

Yeerin ariyoon gaacaallo shaahiiꞌi boonoshi gabitoyich, tuneyaani mooyon boonoshi hallemmoyich, Yeeri boonoshin qajjiye; ebich xumme gaboon baach gabiyeete.

Roomi 3:11

shalligiibeeto aalloone; Yeerinoo qaawiibeeto aalloone.

Roomi 3:26

tunebaani and hini yemeenooch bi cadiqittino bekkemmoyich, Yeeri bi qelloona cadiqo bi tunoon, bi mulloon Yesuus Kiristoosi toommooch tooꞌiibeeto bullinoo cadiqiibeeto bi tunoon bekkii beetone.

1 Qorontoosi 1:21

Yeerichi shalligoochee tiyitona, hini alemeexi asheenaꞌo boonoshi shalligoona Yeerin ariyoon boonoshi mawiitoyich, tuushittino shaahiitaa ciicheebeeti, hini no gettaabeeti mishiraachee qaaroona boonoshi mulloon Kiristoosi toommooch tooꞌii beetinaꞌon wodiyoyich, Yeerichi daaggoo tunetone.

1 Qorontoosi 15:34

Ittoshi mulloon kaachibote. Axaaxoon shuuneyaahote. Ittoshi daggooch Yeerin ariyaani ikkikkeenaꞌo beetinaꞌone. Ta ishichaabeeto, ittoshi yeellemmoyichiye.

2 Qorontoosi 4:4

Hini alemoon hajjiibeeti gonde nuggishoo Kiristoosi toommooch mulloon tooꞌiyaaneenaꞌo Yeerichi shaahoo tuneti Kiristoosichi oogee yiiree mishiraachee qaaree bekkoon boonoshi beegaachemmoyich, boonoshi gaboon wolliihe.

2 Tasaloonqi 1:8

Arooba qaaqqee aaxxoona waaree, Yeerin ariyoo qaawaaneenaꞌonaa no Doono Yesuusichi mishiraachee qaaroyich deꞌa getaaneenaꞌonochi toommooch nichoon kichemmone.

Hibireena'o 8:11

Asho koniyoona bi showee ashoon, asho koniyoona bi manoon ‘Doono Yeerin ariibe’ geti dojjaachemmone. Ebiyoo, giishoochee oogooch beddaahaa, bulliyona taan ariyemmo bi tunetoyichiye.

1 Yowannisi 1:9

Tunetaa no axaaxoon Yeerich no aannigaata, biyoo no axaaxoon maaroonaa no gondo bulliichee noon xalliyoonoyich, gibeneetonaa cadiqoonane.

Yaaꞌoo 13:8

Showoonaa shimaayoona halleyaan beetaa guureeti Bagoochi kashee macaafooch boonoshi shigo kooreyaani, showee toommooch beeti asheenaꞌo bulli biich goyinnemminaꞌone.

Yaaꞌoo 16:5

Aacinaꞌon quyeebeeti maraakoo: “Aafoo beeti, andoo beeti Yaafoocho! Eechaꞌa ne nallitoyich cadiqo neene.