Yowannisi 17:22 - Kafa Linguistics Project

²² Nowoo ikkoo no tunoommon boonoshi ikkottemmoyich, taach ne immeti oogee yiiroon tawoo boonoshich immeto taane.

Yowannisi 17:22 ပူးပေါင်းရင်းမြစ်များ

Maariqoosi 6:7

Yesuusi aaraa gutte bi dabbeenaꞌon bi waan ceeggiꞌi gutti gutteree boonoshi hammemmoyich wochehe; yinneenaꞌon ashi toommoochee boonoshi yookkemmoyichoo ukkirittinoon boonoshich immiye.

Yowannisi 1:14

Are Qaaro ashoon tunehe; Yeerichi wojjoonaa iberoona bi toommooch meettiꞌi bekketaa noonna tookkii beehe; bi Nihoyich ikke mixxe Bushoo bi tunetoyich, bi waanee bi deqqiti oogee yiiroon beeggehone.

Yowannisi 1:16

Bi toommooch meettiꞌi bekketi wojjoochee no bulli wojjee toommooch wojjoon deqqeto noone.

Yowannisi 14:20

Ta, ta Nihoona ta beemoommon, ittoshiyoo taanna ittoshi beemon, tawoo ittoshina ta beemon arooba ariyemmo ittoshine.

Yowannisi 17:24

“Ta Nihoocho, alemo halleyaan beehooba, taan ne shunnetoyich, oogee yiiroon taach immehine; hini oogee yiiroon boonoshi beeggemmoyich, ebi taach ne immeti asheenaꞌo wotta taanna tookki ta beetooch boonoshi beeyemmoyich shunnoye.

Mishiraachechinaꞌo 5:41

Ebich mishiraachechinaꞌo Yesuusichi shigoyich hoxeyoyich bedditinaꞌo tuneꞌi boonoshi haddeetoyich emiriibee Ayihudee nallechinaꞌo aafoochee kechiyeete.

Roomi 8:30

Yeeri shiichiꞌi bi maaccitinaꞌon eboshin wotta ceeggiye; bi ceeggitinaꞌon eboshin wotta cadiqiihe; bi cadiqiitinaꞌon eboshin wotta oogiihe.

2 Qorontoosi 3:18

Ebich no bulli kaappeyaani baroona Doonochi oogee yiiroon heeraawoochoommon wacciibeeto noone; hini oogee yiiroo Ayaano tuneti Doono waanee bi waa beetoyich, Doonochi malletoon no shaahemmoyich, oogee yiiroochee beshe oogee yiirooch noon shaddii beetone.

2 Qorontoosi 5:20

Illa Yeeri no waanaa bi shoobbii beetoommon, Kiristoosichon getoyich wocheeti yakkirecho noone. “Yeerina tookki shunebote” iyaꞌa Kiristoosichi yakkirecho tunaꞌa ittoshin qollaabeeto noone.

2 Qorontoosi 6:1

Illa Yeerina tookkii shuuneebeeto tunaꞌa ittoshin no qollaabeeto, ittoshi deqqiti Yeerichi wojjoon duuboon ittoshi tuniyaachemmoyichiye.

Efesooni 2:20

Mishiraachechinaꞌonaa keemechinaꞌona baashiti baashee toommooch hakketo ittoshine; kexon tuuggii neechiibeeti giimbee guummoo Kiristoos Yesuusine.

Qolaasiyaasi 1:24

Andoo ittoshi naboyich ta toommooch shaggiti iritoyich emiriyoye; ebiyoo Kiristoosichi ashittino tuneti kittinnee guuphochi naboyichiye; Kiristoosi xuuxetoommon bi shuunee naboona ta toommooch shaggiibeeti xuuxoon haaꞌiibee bi xuuxoon ceechiibeeto taane.

1 Yowannisi 1:3

Wotta noonna tookki ikkittino ittoshich bi beeyemmoyich, no beeggetonaa no waayetonon ittoshich gettaabeeto noone. No ikkittinoo Nihoo Yeerinaa bi Bushoo Yesuus Kiristoosina tookkiiniye.

1 Yowannisi 3:24

Hini Yeeri gettiti mooyon tunii beetoyich Yeerina tookkii ikkittino beetone; Yeerichoo biinna tookkii ikkittino beetone. Noonna tookkii bi beemon nooch bi immiti bi Ayaanoona ariibeeto noone.

1 Yowannisi 4:17

Kiristoosi beemoommon, no wotta hini alemooch beeto noone. Ebich nallaa gallooba aafee kuppho nooch bi beeyemmoyich, shuno ebina no daggoochaa ceeno tunetone.

Yaaꞌoo 21:14

Are katemeechi uxeroo shuuneeto aaraa gutte xaqqeenaꞌo toommoochiye; ebi aaraa gutte xaqqeenaꞌo toommooch Bagoochi aaraa gutte mishiraachechinaꞌochi shigo kooreetone.