Yowannisi 16:28 - Kafa Linguistics Project

²⁸ Nihoo Yeer waanee kechaꞌa hini alemooch waato taane; wochinnoon hini alemoochee wotteree Nihoo Yeer waan hammemmo taane” iye.

Yowannisi 16:28 ပူးပေါင်းရင်းမြစ်များ

Luqaasi 24:51

boonoshiyee bariꞌi shimaajj hammiye.

Luqaasi 9:51

Yesuusi hini showoochee shimaayooch bi kechemmi aabo katinaa, Yerusaalem hamoyich kuxxii tiyiye.

Yowannisi 13:1

Beshee Baaroyee aaf, Yesuusi hini alemoochee Nihoo Yeer waan bi hammemmi aabo shagon ariihe. Hini alemooch beeti bi dabbeenaꞌon shunniye; ciirooch beddaahaanoo boonoshin shunniye.

Yowannisi 13:3

Yesuusi Nihoo Yeeri bi kishooch bulli mooyon bi imon, Yeer waanee bi womonoo, Yeer waanoo wotteree hammemmo bi tunoon arii beetone.

Yowannisi 14:28

“ ‘Ta hammemmo taane; ittoshi waanoo wotteree woyemmo taane’ iyaꞌa ittoshich ta getteton waayeto ittoshine. Iberoon taan ittoshi shunigaata, Nihoo Yeer waan ta hamona emiresho ittoshine. Ebiyoo Nihoo Yeeri tayee besho bi tunetoyichiye.

Yowannisi 16:10

Cadiqeechon, Nihoo Yeer waan ta hammaa beetoyich, ebiyee gubb, taan beegaachemmo ittoshi tunetoyichiye.

Yowannisi 16:16

Ebichi hillooch Yesuusi “Giisheche aaboyee gubb taan beegaachemmo ittoshine; aree hillooch wotta giisheche aaboyee gubb taan beeggemmo ittoshine” iye.

Yowannisi 16:30

Bulli mooyon ariibeeto ne tunoon, koniyoona neen echo qaawiyee bi qayonoo and ariito noone; ebich Yeer waanee ne womon iberiito noone” iyeete.

Yowannisi 16:5

Tunetaa and taan wocheto waan hammaabeeto taane; ittoshi daggoocheenoo ‘Amoochiye ne hammaabeeto?’ getiree taan echemmo aalloone.

Yowannisi 17:11

Tawoo ne waan hammaabeeto taane; ebiyee gubb, alemooch beetaachemmo taane; tunebaani boonoshi alemooch beeyemminaꞌone. Yaafe ta Nihoocho, eboshi noochoommon boonoshi ikkottemmoyich, taach ne immeti ne shigoona boonoshin quyebe.

Yowannisi 17:13

“Andoo ne waan hammaabeeto taane; ta emiroo ceenoona boonoshich bi beeyemmoyich, alemooch beebee ebin getteto taane.

Yowannisi 17:5

Ta Nihoocho, alemo halleyaan beetaa, neenna tookkaa ta beehooba taan ne oogiyoommon andoo ne beetoochaa taan oogiibe.

Yowannisi 8:14

Yesuusi wochiꞌi boonoshich ishichiye: “Ta, ta qellichon amoonolla ta miixetaa, amoochee ta waato gaata, amooch ta hammemmo gaata ariibeeto taane; ebich ta miixo gibeneetone. Tunetaa ittoshi amoochee ta waato gaata, amooch ta hammemmo gaata ariyaachote.

Yowannisi 8:42

Yesuusiyoo boonoshich ishichiye: “Ta Yeer waaneeniye ta waato. Ebich Yeeri ittoshi Nihoo gaata, taan shunnesho ittoshine. Bi taan wochetenalli, ta, ta aalla waataano taane.