Yowannisi 16:20 - Kafa Linguistics Project

²⁰ Iberoon ittoshich gettoye: Eeppemmo ittoshine; muushenemmo ittoshine; tunebaani alemo oogichi emiremmone. Ittoshi muushenemmo ittoshine; tunebaani ittoshi muusheno emirooch shaddeyemmone.

Yowannisi 16:20 ပူးပေါင်းရင်းမြစ်များ

Iyoobi 20:5

Gonde asheenaꞌochi coodo am bedaano bi tunoon, Yeerich qeyaani ashi emiroo qillifee yexx bedaano bi tunoon, ariyaachine?

Shoddo 30:11

Ne, ta eefon emiree duuttoona shaddihine; ta dookoon shoottaꞌa emiroon taach tajjihine.

Shoddo 30:5

Bi kaareebeeto giisheche aabooniye; tunebaani bi ariqqo kashee yemeeneechone; xum eefo waataa, maadda emiroo tunemmone.

Shoddo 97:11

Cadiqeenaꞌoyich bekko bekkehe; mulli kaameenaꞌoyichoo emiroo tunehe.

Isiyaasi 12:1

Arooba ishichemmo neene: “Doono Yeero, neen galletehoye; taan ne kaaretaanona, and ne kaaroochee wotteto neene; taanoo goggiito neene.

Isiyaasi 61:3

Tsiyoonaa eeppii beetinaꞌoyich, tullee keroon mocee bungee gubbichoon, eeppi keroon emiree zayitoon, ayinii tuummi keroon galletee tahoon, ta immemmoyich taan wochetone; boonoshiyoo bi oogoon boonoshi bekkiyemmoyich, Doono Yeeri bechiti cadiqee mixinaꞌo getteyemminaꞌone.

Isiyaasi 66:5

Doono Yeerichi qaaroon shattii beetinaꞌote, bi qaaroon waayebote: “Ittoshin shixxiibeeti, ta shigoyich ittoshin yookkiibeeti ittoshi maneenaꞌo ‘Ittoshi emiroon no beeggemmoyich, eke Doono Yeeri bi oogoon bekkiibe’ itinaꞌone; tunebaani yeellemminaꞌo boonoshi qelloona boonoshine.

Erimiyaasi 31:25

Ebiyoo nireti kasheen digaayiyemmo, shaacaa maraatetonoo michiyemmo ta tunetoyichiye” iye.

Maatiyoosi 21:38

“Tunetaa quyechinaꞌo ebi bushoon beeggiꞌi boonoshinaa boonoshina ‘Bi woraasho hinine. Ittoshi waataa wuxibone. Hini bi irsitoon deꞌone’ iyeete.

Maatiyoosi 5:4

Tuummii beetinaꞌo diireetinaꞌone; Yeeri boonoshin goggiyemmone.

Maariqoosi 14:72

Bekkech guttinnoon baakkoo kuukkiye. Pheexiroosi “Baakkoo guttaa kuukkaahaa keejje wottoon taan nookkemmo neene” Yesuusi iti qaaroon gabiꞌi tiittee eeppiye.

Maariqoosi 16:10

Areyoo hammaꞌa eeppii muusheneꞌi beeti bi dabbeenaꞌoyich gettahan.

Luqaasi 22:45

Corootoon ciichiꞌi tiyii bi dabbeenaꞌo waan wottee waaꞌi, woddiiꞌi boonoshi ayinitoyich taahiꞌi tokketee beetinaꞌon daneꞌi,

Luqaasi 22:62

Areegaata Pheexiroosi maaxooch kechiꞌi tiittee eeppiye.

Luqaasi 23:27

Dofee asheenaꞌoo Yesuusin dabbii beeheete; eboshi daggooch wotta “Woowo!” iibee shooshee eefeebeeti genneenaꞌoo beetinaꞌone.

Luqaasi 24:17

Yesuusi tiyiꞌi “Gommon hammiibee hini ittoshi yibbaateebeeti mooyo amoone?” iꞌi echehe. Ishichiꞌi bi echemmona, ayinoona boonoshi aafo maggee beetaa, neexeheete.

Luqaasi 24:21

Tunebaani ‘Israꞌeeleenaꞌon biisheree wodiiya wocheetone’ iyaꞌaniye no gibeneto. Wotta ebi mooyo bulli tuneto hanaachi keejje qemoobane.

Luqaasi 6:21

And shaacee beetinaꞌote, diireeto ittoshine; michemmo ittoshine. And eeppii beetinaꞌote, diireeto ittoshine; miiccemmo ittoshine.

Yowannisi 16:33

“Taanna diggoo ittoshich bi tunemmoyich, ebi bullin ittoshich getteto taane. Alemo ittoshin duꞌiyemmone; tunebaani kupphebote; ta alemoon kochaa wochito taane” iye.

Yowannisi 16:6

Tunebaani ebin ittoshich ta gettetoyich, ittoshi maacoona oogichii ayinito ittoshine.

Yowannisi 20:20

Ishin gettiꞌi tiyii bi gutte kishoonaa bi naaboonon boonoshich bekkiihe. Bi dabbeenaꞌoo Doonon beeggiꞌi emiroona wucwucciyeete.

Mishiraachechinaꞌo 5:41

Ebich mishiraachechinaꞌo Yesuusichi shigoyich hoxeyoyich bedditinaꞌo tuneꞌi boonoshi haddeetoyich emiriibee Ayihudee nallechinaꞌo aafoochee kechiyeete.

Roomi 5:11

Tunebaani ebi ikkeeto baach toonoone; and no Doono Yesuus Kiristoosichi gommona no shuneti Yeerina wotta geeciyone.

2 Qorontoosi 6:10

Ayinikkiti mooyo no toommooch bi shaggitaa, bulli aaboon emiriyone; girecho no tunetaa, meetinaꞌon gaannecho tuniihone; amolla nooch aallo bi tunetaa, bulli mooyo noochone.

Galaati 5:22

Tunebaani Yaafe Ayaanee aafo, shuno, emiroo, diggoo, haaꞌiyoo, ariqqo, deꞌittino, gibeneyoo,

1 Tasaloonqi 1:6

Wotta wodde iritoo ittoshi toommooch bi shaggitaanona, Yaafe Ayaano ittoshich immiti emiroona mishiraachee qaaroon iberiiꞌi, noonnaa Doono Yesuus Kiristoosinochi qocoon dabbito ittoshine;

Yaaqobi 1:2

Ta maneenaꞌote! Baribare iritoo ittoshi toommooch bi shagiyooba, Kiristoosi toommooch mulloon tooꞌiyoona ittoshi manjoo haaꞌiyoon immiibeeto bi tunoon ariiree, ebiyoommi iritoon ceeni emiroommon shaahiree ciinote.

Yihudi 1:24

Giinnii dihoochee ittoshin quyebee, bachaallo tuniiree bi oogee yiiree aafooch oogeti emiroona ittoshin neechoon hakkiibeeti,

Yaaꞌoo 11:10

Ebi gutte keemechinaꞌo showee toommooch beeti asheenaꞌon boonoshi xuuxii beetoyich, showee toommooch beeti asheenaꞌo ebi keemechinaꞌo qititoyich, oogeton emiremminaꞌone; gifiroon gedi maabee, boonoshinaa boonoshina ikkoo baroyich emiree wojjoon daachiyemmone.

Yaaꞌoo 18:7

Bi qelloon bi oogiitoommonaa mashaamiti beemon bi beetoommonon xuuxoonaa muushenoonon bi toommooch shakkiibote. Bi mulloona ‘Taatee tunaꞌa qeenooch koteti taane; xuumee toonee taane; ciroona muusheneyaache’ itine.