Yowannisi 15:7 - Kafa Linguistics Project

⁷ Taanna ittoshi beegaata, ta getteti qaaroo ittoshi mullooch bi beegaatoo, ittoshi shunnimmo bullin qollebote; ittoshich ichemmone.

Yowannisi 15:7 ပူးပေါင်းရင်းမြစ်များ

1 Taateenaꞌo 3:5

Gibeꞌoonaa Doono Yeeri Solomoonina xumi gumona danehe. Yeeriyoo “Neech ta immemmoyich ne qaawaabeeto amo gaata, taach gete” iye.

Iyoobi 22:26

Arooba Beshe Hakkechi Yeerina emiremmo neene; bi aafoochoo yeelleyaanoon neexemmo neene.

Iyoobi 23:12

Bi getoochee keyaano taane; bi geto bullin ta mullooch kotiyaꞌa quyeto taane.

Shoddo 119:11

Axaaxoona neen ta xuꞌaachemmoyich, ne qaaroon ta mullooch kotiihoye.

Shoddo 37:4

Doono Yeerina emiribe; biyoo ne mullee qaatoon neech immemmone.

Shaahiyoo 10:24

Gonde ashi toommooch bi shattito shaggemmone; tunebaani cadiqo bi qaatiton danemmone.

Shaahiyoo 4:4

ta nihoo ishichiꞌi taan dojjiye: “Ne mullo ta qaaroon yeshe; ta getoonoo quyebe; kashoona beeyemmo neene.

Isiyaasi 58:8

“Ebin ittoshi tuniigaata, ittoshi bekko haree aaboochoommon kechemmone; ittoshi wodoo kaate shaggemmone; ittoshi cadiqo ittoshi aafooch shiichemmone; Doono Yeerichi oogo ittoshi gubbaa tuneree ittoshin quyemmone.

Erimiyaasi 15:16

Beshe Mawe Nuggishoo Doono Yeero, ne shigoona ceekketo taane; ne qaaro danetone; tawoo maato taane; ne qaaroo taach emiroonaa mulleechi ooge emiroonon tunehe.

Maatiyoosi 7:7

“Yeerin qollebote; ittoshich immemmone. Yeer waanee qaawibote; danemmo ittoshine. Bi kelloonoo qofote; ittoshich qechemmone.

Yowannisi 14:13

Bi Bushoo tawoo, Nihoo Yeerichi oogee yiiroon asheenaꞌoyich ta bekkiyemmoyich, ta shigoona ittoshi qolleebeeto bullin tuniyemmo taane.

Yowannisi 15:16

Ta ittoshin kaaccehoani ittoshi taan kaacaano ittoshine. Nihoo Yeeri ta shigoona ittoshi qolleto bullin ittoshich bi immemmoyich, hamiree beeyemmi aafoon ittoshi aafemmoyich ittoshin ukkiriito taane.

Yowannisi 16:23

Arooba amoonolla taan echeyaachemmo ittoshine. Iberoon ittoshich gettoye: Nihoo Yeeri ta shigoona ittoshi qollemmo bullin ittoshich immemmone.

Yowannisi 8:31

Yesuusiyoo boonoshi mulloon bi toommooch tooꞌiiti Ayihudeenaꞌon “Ta qaaroona ittoshi beegaata, iberoon ta dabboo ittoshine;

Yowannisi 8:37

Abrahamichi yaroo ittoshi tunoon ariibeeto taane; tunebaani ta getteti qaaroon iberiyoo ittoshi qajjitoyich, taan wuxoyich qaawiyote.

Galaati 4:2

Nihoo “Ebiyooba ne qelloon hakkemmo neene” iꞌi bi taajjeti yemeenee wottoon kexon qeejjii beetinaꞌonaa gijje yesheenaꞌonoyee deshoone.

Galaati 5:16

Andoo ishichiyoye: Yaafe Ayaanoona yaabeeree beebote; meechi qaatoonoo ciroona ceechiyaahote.

Yibbaatoo 6:6

Ebi hanaach neech ta gettaabeeti getoon ne mullooch kotiibe.

Qolaasiyaasi 3:16

Kiristoosichi qaaro ceenoona ittoshi mullooch beebe; ariyoo bullina ikkoo ikkoon dojjibee, ittoshinaa ittoshina ciiceebote. Shoddoonaa naadoona, Ayaanee shoddoona galletoonoo ittoshi mulloona Yeerich shoddebote.

1 Yowannisi 2:14

Niheenaꞌote! Ittoshich ta kooraabeeto, shiichoochee tiijjiꞌi beeton ittoshi ariitoyichiye. Gurimaasheenaꞌote! Ittoshich ta kooraabeeto, kuppho ittoshi tunetoyich, Yeerichi qaaroo ittoshi mullooch manjiꞌi bi beetoyich, gondoochi nihoonoo kochii ittoshi wochitoyichiye.

1 Yowannisi 2:27

Tunebaani Kiristoos waanee ittoshi deqqiti huuto ittoshina tookkii beetone. Biyoo bulli mooyon ittoshich bi dojjii beetoyich, bare asho ittoshich dojjoo qaawiyaache. Aroo ittoshich bi dojjiibeeto iberoonalli kootoon toonoone. Illa bi ittoshich dojjitoommon Kiristoosina tookkii ittoshich beeti ikkittinoona manjiree beebote.

1 Yowannisi 3:22

Tuniibote bi ii beeton no shuunaa beetoyich, biin emirikkii beetonoo no tunii beetoyich, no qollaabeeto bullin bi waanee danaabeeto noone.

1 Yowannisi 5:14

Yeeri aafooch no shataani naboo, amee mooyonona bi daaggoona no qollegaata, no qolloon bi waayee beetoyichiye.