Yowannisi 15:25 - Kafa Linguistics Project

²⁵ Ebi tuneto, boonoshi Sheeree Macaafoochaa ‘Naboo aalloon taan shixxiyeete’ getaa kooreeto bi ceennemmoyichiye.

Yowannisi 15:25 ပူးပေါင်းရင်းမြစ်များ

Shoddo 109:3

Ta guudoon guuddiꞌi taan shixona yibbaateheete; naboo aalloon taanna koyeheete.

Shoddo 35:19

Baad cikkii taan shixxii beetinaꞌo ta toommooch emiraayeete; naboo aalloon taan shixxii beetinaꞌo ta toommooch xayishaayeete.

Shoddo 69:4

Naboo aalloon taan shixxii beetinaꞌo, ta qelli eexoyee beshi meetinaꞌone; koote mooyona taan aalliiya ii beeti ta etteenaꞌo meetinaꞌone; ta gaayaani mooyon wochoo taach qaawiihe?

Maatiyoosi 10:8

Biiyetinaꞌon wodiibote; qititinaꞌon tiijjibote; qeddee shaddee biiyechinaꞌon wodiibote; yinnoon asheenaꞌo toommoochee yoohote. Gatiyaalloon Yeer waanee deqqito ittoshine; ebich ittoshiyoo gatiyaalloon asheenaꞌoyich imbote.

Luqaasi 24:44

Boonoshichoo “Ittoshina tookkaa beebee, ‘Muusichi Sheeroonaa keemechinaꞌochi macaafoonooch, Shoddee macaafoochoo kooreeti ta mooyo bulli ceeno echeyaachemmi mooyone’ ta ito ebiniye” iye.

Yowannisi 10:34

Yesuusi ishichiꞌi boonoshich wochiye: “Yeeri ‘ “Ittoshiyoo nuggishoo ittoshine” ito taane’ iꞌi bi gettito ittoshi sheerooch kooreyaanoone?

Yowannisi 13:18

“Ittoshi bullichon toonoone ta gettaabeeto; ta kaacceti asheenaꞌon ariibeeto taane. Tunebaani Yaafe Macaafoochaa ‘Taanna tookkii geecheꞌi maabeeto taan kocha tiyiye’ iibeeti qaaro ceeno qaawiihe.

Yowannisi 19:36

Ebi bi tuneto, “Bi shaawushoochee ikkolla tiisheyaachemmone” getteeti Yaafe Macaafooch kooreeti qaaro ceennemmoyichiye.

Roomi 3:19

Asho bulli noonoo bi wochaachemmoyich, alemo bulli toommooch Yeeri nallemmoyich, Muusichi Sheerooch kooreeto bulli ebi are sheeroyich hajjee beetinaꞌoyich gettiibeeto bi tunoon ariyaabeeto noone.

Roomi 3:24

Yeeriyoo axaaxoochee biisheebeeti Kiristoos Yesuusina, baad cikki bi wojjoona boonoshin cadiqiyemmone.

2 Qorontoosi 11:7

Yeerichi mishiraachee qaaroon shumaayaallo ta getona, ittoshin oogiyoyich ta qelloon ta giishiyoona, axaaxoon shuune beeyehote?

Galaati 2:21

Tawoo Yeerichi wojjoon dufaache; cadiqoo sheeroon ceechii quyoona danemmo bi tunegaata, illa Kiristoosi qitito duuboone” iyoye.

2 Tasaloonqi 3:8

Ittoshi daggoochee ikke ashi toommoocholla shaagoon no tuneyaachemmoyich, xumoonaa areddoonon aajjaa yullaa shuunaabeenalli, koni waaneenona baad cikkii koshon maataano noone.

Yaaꞌoo 21:6

Wotta taach ishichiye: “Illa mooyo bulli ceennitone. Alfoonaa Oomeegoona, Shiichoonaa Tacona taane; shachewetoyich kashee aachi xuuphoochee baad cikki immemmo taane.

Yaaꞌoo 22:17

Yaafe Ayaanoonaa Bagoochi woꞌeena “Wobe!” ii beetinaꞌone. Ishin waayeebeeto bulli “Wobe!” gete. Shacheweto bulli wobe; qaawiibeeto bulliyoo kashoon immiibeeti aacon baad cikki daambe.