Yowannisi 15:24 - Kafa Linguistics Project

²⁴ Asho koniyoona shuuneyaani shuunoon boonoshi daggooch ta shuuneyaan gaata, boonoshich axaaxoo tuneyaacheshone; tunebaani and hini ta shuuneto bullin beeggitinaꞌone; taanoo ta Nihoonoo shixxitinaꞌone.

Yowannisi 15:24 ပူးပေါင်းရင်းမြစ်များ

Shoddo 81:15

Taan shixxii beetinaꞌo taan shati yitteshinaꞌone; bulli yemeenoon naxeyeshinaꞌone.

Keyo 20:5

Aroyichoo goyinne maddeyaahine. Ne Nuggishoo Doono Yeeri ta, qanaatechi Nuggishoo taane; taan shixxii beetinaꞌon, niheenaꞌo shuuneti axaaxee naboyich, keejjinnee shiijjeroonaa awuddinnee shiijjeroonooch beddaahaa boonoshi bushiisheenaꞌon naxaabeeto taane.

Shaahiyoo 8:36

Tunebaani taan mucceto bi qellich gondiihe; taan shixxiibeeto bulli, qitoon shunniye” iyane.

Maatiyoosi 11:5

Aaf doogeenaꞌo ciinnii beetinaꞌone; baata yesheenaꞌo shaꞌee beetinaꞌone; qeddee shaddee biiyoona biiyetinaꞌo wodii beetinaꞌone; ulleenaꞌo waayee beetinaꞌone; qititinaꞌo tiyii beetinaꞌone; girechinaꞌoyichoo Yeerichi mishiraachee qaaro gettee beetone.

Maatiyoosi 21:32

Yowannisi cadiqittinee gommichon bekkiiya ittoshi waan bi waataa, bi yibbaatoon iberiyaano ittoshine; tunetaa gabiyee guudeenaꞌonaa yahechinaꞌona iberiitinaꞌone. Ittoshi ebin beeggiꞌinolla, axaaxee gommoochee wotteꞌi bi yibbaatoon iberiyaano ittoshine” iye.

Maatiyoosi 9:33

Yinnoon bi yookkitoyee gubb noona miimo yibbaatehe. Asheenaꞌo bulli “Ebiyoommi mooyon Israꞌeelee showoochee beeggaa ariyaano noone” iibee worganeheete.

Maariqoosi 2:12

Ashittino qititi uro bekkech tiyii bi shaaꞌoon shaaggiꞌi asheenaꞌo beeggii beetaa, kexoochee kechiye. Ebich asheenaꞌo bulli worganeebee, “Ebiyoommi mooyon beeggaa ariyaano noone” iꞌi Yeerin oogiiheete.

Luqaasi 24:19

Yesuusiyoo “Arochi amoone?” iꞌi echehe. Boonoshiyoo wochiꞌi ishichiyeete: “Yeerinaa asho bullinochi aafooch qaaroonaa shuunoona giidechi keemechi Naazireetechi Yesuusichi mooyone.

Yowannisi 10:32

Yesuusi boonoshich “Ta Nihoo waanee wocheeꞌa wodde deꞌe mooyon ittoshich bekkiito taane; hini ta shuuneti shuunoochee aabichiye taan xaqqoona ittoshi yexxemmo?” iye.

Yowannisi 10:37

Illa ta, ta Nihoo shuuneti shuunoon ta shuuno qayigaata, taan iberiyaayote.

Yowannisi 12:10

Ebich qeeshee ukkireenaꞌo Alazaarin wotta wuxiya echeeheete.

Yowannisi 12:45

Taanoo beeggiibeeto, taan wocheton beeggii beetone.

Yowannisi 14:9

Yesuusi biich ishichiye: “Haano Filipphooso, meeti aaboon neenna tookkaa koteto taane; hanaach beddaahaa taan ariyaachine? Taan beeggito Nihoo Yeerin beeggitone. Aabichaꞌa, ‘Nihoo Yeerin nooch bekkiibe’ inne?

Yowannisi 15:21

Taan wochee deejjiton boonoshi ariyoo qajjitoyich, ebi bullin ta naboona ittoshi toommooch shuunemminaꞌone.

Yowannisi 15:22

Ta waaꞌa boonoshich getaan gaata, boonoshich axaaxoo tuneyaacheshone; tunetaa and boonoshi shuuneti axaaxee naboyich boonoshi wochemmi noonoo aalloone.

Yowannisi 15:23

Taan shixxiibeeto, ta Nihoon wotta shixxii beetone.

Yowannisi 16:9

Bi ittibatemmo axaaxeechon, ta toommooch mulloon tooꞌiyoon boonoshi qajjitoyichiye.

Yowannisi 3:2

Biyoo xumoona Yesuus waan waaꞌi, “Dojjechocho, Yeeri biinna tookkii tunetoyee damba, ne tuniibeeti hini worganikkiti malleteenaꞌon tuniyoon koniyoona hakkaache. Ebich dojjecho tunaꞌa Yeer waanee ne womon ariibeeto noone” iye.

Yowannisi 5:36

“Tunetaa Yowannisi miixetoyee beshoon miixeebeeto taach beetone. Ebi ta tuniyaabeeti, Nihoo Yeeri shuune ta ciichemmoyich bi immiti shuunoo, Nihoo Yeeri taan bi deejjoon taachon miixee beetone.

Yowannisi 6:36

Ta ittoshich gettetoommon [taan] beeggito ittoshine; tunebaani ta toommooch mulloon tooꞌiyaachote.

Yowannisi 7:31

Tunetaa asheenaꞌo daggoochee meetinaꞌo boonoshi mulloon bi toommooch tooꞌiiꞌi, “Kiristoosi waahooba, hini uro bekkiiti malleteenaꞌoyee beshoon bekkiyehe?” iyeete.

Yowannisi 9:32

Yeeri alemoon bi hallitoochee tiijjiꞌi, koniyoona ‘Aaf doogo tuneꞌi shiijjeti ashi aafoon ciichiitone’ getaa waayeyaanoone.

Yowannisi 9:41

Yesuusi wochiꞌi, “Aaf doogo ittoshi tuneto gaata, axaaxoo ittoshich tuneyaacheshone. Tunebaani and ‘Ciinnaabeeto noone’ iyote; ebich axaaxoo ittoshi toommoochee wohaachemmone” iye.

Mishiraachechinaꞌo 10:38

Yeeri Naazireetechi Yesuusin Yaafe Ayaanoona huuttiꞌi giidoon biich immiye; biinna tookkii Yeeri tunetoyich, Yesuusi deꞌoon shuuneebee daabiloosi hajjitinaꞌo bullin wodiibee guuddiye.

Mishiraachechinaꞌo 2:22

“Hini Israꞌeeleenaꞌote, andoo hini mooyon waayebote: Ittoshi qelloona ittoshi arii beetoommon, Naazireetechi Yesuusi koni bi tunoon, Yeeri biinna ittoshi daggooch bi shuuneti gaakkechi shuunoona, worganikkiti mooyonaa malletoona xiisheetone.

Roomi 1:30

oonechinaꞌo, Yeerin shixxii beetinaꞌo, naagechinaꞌo, boonoshi qelloon oogii beetinaꞌo, geecechinaꞌo, moochi qaawechinaꞌo, boonoshi niheenaꞌonaa indeenaꞌonoyich deꞌa getaaneenaꞌo,

Yibbaatoo 5:9

Aroyichoo goyinne maddeyaahine. Ne Nuggishoo Doono Yeeri ta, qanaatechi Nuggishoo taane; taan shixxii beetinaꞌon keejjinnee shiijjeroonaa awuddinnee shiijjeroonooch beddaahaa, niheenaꞌo shuuneti axaaxee naboyich naxemmo taane.

2 Ximootiyoosi 3:4

ashoon beshii immechinaꞌo, afaafinechinaꞌo, geecechinaꞌo, Yeeriyee beshiiꞌi boonoshi qaatee ceechoon shunnii beetinaꞌo tunemminaꞌone.

Yaaqobi 4:4

Yeerich gibeneyaaneenaꞌote! Hini alemoon shuno Yeerin shixo bi tunoon ariyaachote? Illa alemoon shuno Yeerina shixecho tunoone.