Yowannisi 15:21 - Kafa Linguistics Project

²¹ Taan wochee deejjiton boonoshi ariyoo qajjitoyich, ebi bullin ta naboona ittoshi toommooch shuunemminaꞌone.

Yowannisi 15:21 ပူးပေါင်းရင်းမြစ်များ

Shoddo 69:7

Ne naboyich naagoon haaꞌiito taane; yeello ta aafoon kaappitone.

Isiyaasi 66:5

Doono Yeerichi qaaroon shattii beetinaꞌote, bi qaaroon waayebote: “Ittoshin shixxiibeeti, ta shigoyich ittoshin yookkiibeeti ittoshi maneenaꞌo ‘Ittoshi emiroon no beeggemmoyich, eke Doono Yeeri bi oogoon bekkiibe’ itinaꞌone; tunebaani yeellemminaꞌo boonoshi qelloona boonoshine.

Maatiyoosi 10:18

Ta naboyich iraasheenaꞌonaa taateenaꞌonochi aafooch ittoshin neechemminaꞌone; ebi bi tunemmo boonoshinaa Aageteenaꞌonoyich miixoo ittoshi tunemmoyichiye.

Maatiyoosi 10:22

Asheenaꞌo bulli ta naboyich ittoshin shixxemminaꞌone; tunetaa ciirooch beddaahaa manjiꞌi kupphemmo wodemmone.

Maatiyoosi 10:39

Bi kasheen wodiyoyich qaawiibeeto muccemmone; tunebaani bi kasheen taacha iꞌi mucceebeeto, danemmone” iye.

Maatiyoosi 24:9

“Arooba ittoshin xuuxiyemminaꞌoyich beshiiree immemminaꞌone; wuxemminaꞌone; ta naboyich aageteenaꞌo bulli ittoshin shixxemminaꞌone.

Maatiyoosi 5:11

“Ta naboyich ittoshin boonoshi naageteenoo, boonoshi duꞌiiteenoo, gonde mooyon ittoshi toommooch koottiꞌi boonoshi yibbaateteenoo diireeto ittoshine.

Maariqoosi 13:13

Asheenaꞌo bulli ta naboyich ittoshin shixxemminaꞌone; tunetaa ciirooch beddaahaa manjiꞌi kupphemmo wodemmone” iye.

Luqaasi 21:12

“Tunebaani ebi bulliyee shiichiree, ta naboyich ittoshin yechemminaꞌone; duuꞌiyemminaꞌone; Ayihudeenaꞌo kiceebeeti kechi nallechinaꞌoyich ittoshin beshiiree immemminaꞌone; boonoshiyoo ittoshin cuchiyemminaꞌone; taateenaꞌonaa iraasheenaꞌonochi aafoochoo ittoshin neechemminaꞌone.

Luqaasi 21:17

Asheenaꞌo bulli ta naboyich ittoshin shixxemminaꞌone.

Luqaasi 6:22

Asheenaꞌo Ashi Bushoo naboyich ittoshin shixxiteenoo, boonoshi shiqqiiteenoo, boonoshi naaggiteenoo, ittoshi shigoon tiijjoo ciigeꞌi boonoshi sheeneteenoo, diireeto ittoshine.

Yowannisi 15:24

Asho koniyoona shuuneyaani shuunoon boonoshi daggooch ta shuuneyaan gaata, boonoshich axaaxoo tuneyaacheshone; tunebaani and hini ta shuuneto bullin beeggitinaꞌone; taanoo ta Nihoonoo shixxitinaꞌone.

Yowannisi 16:3

Ebin ittoshi toommooch boonoshi tuniyemmo, Nihoo Yeerinoo taanoo boonoshi tuushitoyichiye.

Yowannisi 17:25

“Cadiqe ta Nihoocho, alemo neen ariyaanoone; tunetaa ta neen ariito taane; eboshiyoo taan ne deejjoon ariitinaꞌone.

Yowannisi 8:19

Ebich boonoshi “Ne nihoo aabiichiye?” iꞌi echeheete. Yesuusi wochiꞌi, “Taan woyee ta Nihoon ariyaachote. Taan ittoshi ariito gaata, ta Nihoon wotta ariyesho ittoshine” iye.

Yowannisi 8:54

Yesuusi ishichiꞌi boonoshich wochiye: “Ta, ta qelloon ta oogiigaata ta oogo duuboone. Taan oogiibeeto, ittoshi ‘No Nuggishoone’ ii beeti ta Nihoone.

Yowannisi 8:55

Biin ariyaano ittoshine; tunetaa ta ariibeeto taane. ‘Biin ariyaano taane’ ta getigaata, ittoshichoommon kootecho tunesho taane; tunebaani biin ariibeeto taane; bi gettitonoo ceechaabeeto taane.

Mishiraachechinaꞌo 17:23

Ishichaa ta gettaabeeto, ittoshi goyinneebeeti xaaꞌeenaꞌon guuddaa beeggaꞌa, ‘Aricheyaani nuggishoo’ getaa kooreeti deejjee xaaꞌoon ta danetoyichiye. Illa and ittoshich ta gettaabeeto, ‘Aricheyaani nuggishoone’ iꞌi ittoshi goyinneebeeto, koni bi tunooniye.

Mishiraachechinaꞌo 26:9

“Ta, ta qelloona ‘Asheenaꞌo Naazireetechi Yesuusichi shigoon boonoshi ceegaachemmoyich, taach bi hakkeemmi wottoon qiiccemmo taane’ iyaꞌa gabaa beehoye.

Mishiraachechinaꞌo 3:17

“Andoo ta maneenaꞌote! Ebin ittoshi tuniito ittoshi ukkireenaꞌochoommon tuushoona bi tunoon ariibeeto taane.

Mishiraachechinaꞌo 4:17

Tunetaa batt waayeyaani asheenaꞌo waayeyaachemmoyich, ebiyee damba konichona hini shigoon tiijjiree boonoshi yibbaateyaachemmoyich, miicheree bayone” iꞌi echeeheete.

Mishiraachechinaꞌo 5:41

Ebich mishiraachechinaꞌo Yesuusichi shigoyich hoxeyoyich bedditinaꞌo tuneꞌi boonoshi haddeetoyich emiriibee Ayihudee nallechinaꞌo aafoochee kechiyeete.

Mishiraachechinaꞌo 9:14

wotta ne shigoon ceeggii beetinaꞌo bullin bi cuchemmoyich, qeeshee ukkireenaꞌo biin ukkiriiꞌi hiniich deejjitinaꞌone” iye.

Mishiraachechinaꞌo 9:16

taachon miixeya ambiche xuuxoon bi beeggemmo gaata ta biich bekkiyemmo taane” iye.

Roomi 1:28

Yeerin ariyoon gaacaallo shaahiiꞌi boonoshi gabitoyich, tuneyaani mooyon boonoshi hallemmoyich, Yeeri boonoshin qajjiye; ebich xumme gaboon baach gabiyeete.

1 Qorontoosi 15:34

Ittoshi mulloon kaachibote. Axaaxoon shuuneyaahote. Ittoshi daggooch Yeerin ariyaani ikkikkeenaꞌo beetinaꞌone. Ta ishichaabeeto, ittoshi yeellemmoyichiye.

1 Qorontoosi 2:8

Hini showee iraasheenaꞌo daggoochee ikkolla ebi shalligoon ariito aalloone; boonoshi ariito gaata, oogee yiiree Doono Yesuusin yoodaacheshinaꞌone.

2 Tasaloonqi 1:8

Arooba qaaqqee aaxxoona waaree, Yeerin ariyoo qaawaaneenaꞌonaa no Doono Yesuusichi mishiraachee qaaroyich deꞌa getaaneenaꞌonochi toommooch nichoon kichemmone.

1 Yowannisi 3:1

“Yeerichi bushiishoo” getaa no ceekkemmoyich, Nihoo Yeeri aabichiꞌi noon bi shunnito gaata beegote! Iberoon Yeerichi bushiishoo noone. Ebich hini alemeexi asheenaꞌo Yeerin ariyoon boonoshi qajjitoyich, noon ariyaacheete.

3 Yowannisi 1:7

Ebiyoo, aageteenaꞌo waanee amoonolla deꞌaanoon, Kiristoosi shigoyich boonoshi kechitoyichiye.

Yaaꞌoo 2:3

Haaꞌiito neene; ta naboyicha getona duꞌeto neene; ebi bullina taahaano neene.