Yowannisi 15:20 - Kafa Linguistics Project

²⁰ ‘Guuno bi doonoyee beshaanoone’ iyaꞌa ittoshich ta getteton batteyaahote. Taan boonoshi duꞌiigaata, ittoshin wotta duꞌiyemminaꞌone. Ta getteti qaaroon boonoshi ceechigaata, ittoshi gettemmi qaaroon wotta ceechemminaꞌone.

Yowannisi 15:20 ပူးပေါင်းရင်းမြစ်များ

Hiziqeeli 3:7

Tunebaani Israꞌeelee macceenaꞌo getaa giyaaneenaꞌonaa babbereenaꞌona boonoshi tunetoyich ta getoon waayoyich daaggaaneenaꞌone; neechonoo waayeyaachemminaꞌone.

Maatiyoosi 10:24

“Dabbito biin dabbiitoyee, guuno bi doonoyee beshaanoone.

Maariqoosi 10:39

Boonoshi wochiꞌi, “Eeha, hakkemmo noone” iyeete. Yesuusi wotta “Ta uchemmi xoofoochee uchemmo ittoshine; ta afaalleyemmi afaalleyoon afaalleyemmo ittoshine.

Luqaasi 2:34

Simooniyoo boonoshin diiriye. Gaggeroochi indee Maariyamichoo ishichiye: “Hini bushoo meetinaꞌochi maaceexi mooyon bi gaxxemmoyich, Israꞌeelee showeexi meetinaꞌon Yeeri aafoochee wokkiyoonaa katichoonoyich, asheenaꞌo biin boonoshi coonemmi malletoo bi tunemmoyich, Yeeri biin kaaccitone; ne kasheyoo wotta goraadoona kocheyemmine” iye.

Luqaasi 6:40

Doyiibeeto biin dojjii beetoyee beshaanoone; tunebaani bullin ariiꞌi bi ciichi gaata, biin dojjitona tookki tatemmone.

Yowannisi 10:31

Arooba Ayihudeenaꞌo biin yexiree wuxiya wochinnoon xaqqoon tiijjiyeete.

Yowannisi 11:57

Aroyee aaf qeeshee ukkireenaꞌo, Fariseenaꞌoo biin yecha qaawiꞌi, “Yesuusi beeti xaaꞌoon ariibeeti asho bi beegaata, waaree nooch gete” itinaꞌone.

Yowannisi 13:16

Iberoon ittoshich gettoye: Guuno bi doonoyee beshaanoone; wocheetoo biin wochetoyee beshaanoone.

Yowannisi 5:16

Ebich shambetooba eboshin bi shuunetoyich, Ayihudee ukkireenaꞌo Yesuusin duꞌii beeheete.

Yowannisi 7:32

Asheenaꞌo ebi mooyon tiijjiꞌi Yesuusichon guruuxeebee boonoshi yibbaatee beetaa, Fariseenaꞌo waayeheete. Ebich qeeshee ukkireenaꞌo, Fariseenaꞌoo biin yechiya yaafee kechi kellechinaꞌon wocheheete.

Yowannisi 8:51

Iberoon ittoshich gettoye: Ta gettaa beeton ceechiibeeto koniyoona bi beegaata, cir qitaachemmone” iye.

Yowannisi 8:52

Ayihudeenaꞌo “And ne toommooch yinno beemon xiishaa ariito noone. Abrahami qititone; wotta keemechinaꞌoo qititinaꞌone. Tunetaa ne ‘Ta gettaa beeton ceechiibeeto koniyoona bi beegaata, cir qitaachemmone’ ii beetine.

Yowannisi 8:59

Ebich biin xaqqoona yexiree wuxiya iꞌi xaqqoon tiijjiyeete. Tunetaa Yesuusi boonoshich tuusheehe; yaafee kexoocheenoo kechiꞌi hammiye.

1 Qorontoosi 4:12

No hajjee kishoona shuunaabee maraataabeeto noone; ufenoo diiraabeeto noone; duꞌiitenoo haaꞌiibeeto noone;

2 Qorontoosi 4:9

Duꞌehone; tunebaani Yeeri noon dufaanoone. Yexaa dihiyone; tunebaani qitaachone.

1 Tasaloonqi 2:15

Ebi are Ayihudeenaꞌo Doono Yesuusin, keemechinaꞌonoo wuxitinaꞌone; noonoo duꞌiitinaꞌone; Yeerinoo emirikkiton shuuneyaaneenaꞌone; wotta asho bullin shixxii beetinaꞌone.

2 Ximootiyoosi 3:12

Iberoon Kiristoos Yesuusina tuneꞌi Yeerin oogiibeeti beemon beeya qaawii beetinaꞌo bulli duꞌemminaꞌone.

1 Saameeli 8:7

Doono Yeeriyoo Saameelich ishichiye: “Boonoshi toommooch ta taateyaachemmoyich boonoshi qajjito taanani, neen toonoone. Ebich ebi asheenaꞌo neech gettiibeeti mooyo bullin elle waayebe.