Yowannisi 15:16 - Kafa Linguistics Project

¹⁶ Ta ittoshin kaaccehoani ittoshi taan kaacaano ittoshine. Nihoo Yeeri ta shigoona ittoshi qolleto bullin ittoshich bi immemmoyich, hamiree beeyemmi aafoon ittoshi aafemmoyich ittoshin ukkiriito taane.

Yowannisi 15:16 ပူးပေါင်းရင်းမြစ်များ

Halloo 18:18

Abrahami shiijjeroo iberoon arichetonaa giidechi aagetoona tunemmone; showee toommeexi aageteenaꞌo bulliyoo biinna diireyemminaꞌone.

Shoddo 145:4

Ikke shiijjeroo ne shuunoon bare shiijjeroyich gettemmone; giidechi ne shuunoon awaajjemmone.

Shoddo 71:18

Yeero, ne hakkoonaa ne giidoonon, woyemmi shiijjeroyich ta awaajjimmi wottoon, geeneꞌa ta bukketaanona taan duppaahine.

Shaahiyoo 11:30

Cadiqe ashi shuunee aafo kashoon daniihe; asheenaꞌon kiciibeeto ariyechone.

Isiyaasi 27:6

Woyemmi yemeenooch, Yaaqobi mixochoommon cammon awuremmone; Israꞌeeli bungiree aafemmone; bi aafoo showoo bulliich ceennemmone.

Mikiyaasi 5:7

Curo tuneꞌi echeti Israꞌeeleenaꞌo meeti aageteenaꞌo daggooch, dicciibeeti mocee toommooch Doono Yeer waanee kindiibeeti doshoommon (caagibanoommon), kucheebeeti amiyoommon tunemminaꞌone. Boonoshiyoo boonoshi gibenemmo Yeerinalli ashoon toonoone.

Maatiyoosi 21:22

Yeeri toommooch ittoshi mulloon tooꞌiyoona biin ittoshi qollemmo bullin danemmo ittoshine” iye.

Maatiyoosi 7:7

“Yeerin qollebote; ittoshich immemmone. Yeer waanee qaawibote; danemmo ittoshine. Bi kelloonoo qofote; ittoshich qechemmone.

Luqaasi 6:13

Showoo harimmona, biin dabbii beetinaꞌon bi waan ceeggiye; boonoshi daggoochee aaraa gutteenaꞌon kaacciye; boonoshinoo “Mishiraachechinaꞌo” iꞌi shigiihe.

Yowannisi 13:18

“Ittoshi bullichon toonoone ta gettaabeeto; ta kaacceti asheenaꞌon ariibeeto taane. Tunebaani Yaafe Macaafoochaa ‘Taanna tookkii geecheꞌi maabeeto taan kocha tiyiye’ iibeeti qaaro ceeno qaawiihe.

Yowannisi 15:19

Hini alemeexo ittoshi tuneto gaata, biicho tuneton shunneshone; tunebaani alemee daggoochee ittoshin kaacceto taane; ebich bi magecho toono ittoshine; ebichi naboonane alemo ittoshin bi shixxiibeeto.

Yowannisi 15:5

“Woyinee qombee indoo taane; ittoshiyoo ato ittoshine. Ta aalloon amoonolla halloon hakkaachemmo ittoshine. Ebich taanna beemmo, tawoo biinna beemmo, aroo wodde aafoon aafemmone.

Yowannisi 6:70

Yesuusi boonoshich “Ta, aaraa guttoo ittoshin kaacaachote? Tunetaa ittoshi daggeexi ikkoo daabiloosine” iꞌi wochiye.

Mishiraachechinaꞌo 1:24

ishichiꞌi corootiyeete: “Bullichi mulloon ariibeeti no Doonocho, Yihudi bi shuunoon deqqa hammiibee, duppii bi hammiti xaaꞌooch mishiraachechinaꞌona tookki bi shuunemmoyich ne kaacceton hini gutteenaꞌo daggoochee aabi gaata nooch bekkiibe” iyeete.

Mishiraachechinaꞌo 1:8

Tunebaani Yaafe Ayaano ittoshi toommooch bi kindiyooba, giidoon danemmo ittoshine. Arooba Yerusaalem, Yihudee showoo bulliich, Shamaaree showooch, showee tuggo bulliichoo ta mooyon miixemmo ittoshine” iye.

Mishiraachechinaꞌo 10:41

Bi bekkiito, boonoshi beeggiton boonoshi miixemmoyich shiichiꞌi bi kaaccitinaꞌoyichalli, asheenaꞌo bullich toonoone. Ebi shiichiꞌi bi kaacciti miixoo tuneti no, Yesuusi qitoochee bi tiyitoyee gubb, biinna tookkaa maa ucheto noone.

Mishiraachechinaꞌo 22:14

“Biyoo ishichiye: ‘No qaabbechinaꞌochi Nuggishoo bi daaggoon ne ariyemmoyich, Cadiqoonoo beegiree are Cadiqoochi noonoochee kechiibeeti qaaroon ne waayemmoyich, shiichiꞌi neen kaaccitone.

Mishiraachechinaꞌo 9:15

Tunetaa Doono Yesuusi wochiꞌi, “Hini uro meeti Aageteenaꞌoyich, taateenaꞌoyich, Israꞌeeleenaꞌoyichoo ta shigoon bi arichiyemmoyich taach ta kaacceti qiicoone. Ebich bi waan hambe;

Roomi 1:13

Ta maneenaꞌote! Bare Aageteenaꞌo daggooch tunetoommon, ittoshi daggooch beeti asheenaꞌo wotta ta gommona Kiristoosin boonoshi danemmoyich, wodde wottoon ittoshi waan woya ta gaboon, tunebaani and beddaahaa womoyich hakkee ta qayon ittoshi ariyemmoyich shunnoye.

Roomi 1:5

Aageteenaꞌo bulli daggoochee boonoshi mulloon Kiristoosi toommooch tooꞌiiree biich deꞌa gettemminaꞌo danemmoyich, Yeeri Kiristoos waanaa mishiraachecho tuneree Kiristoosicha getiree ta shuunemmoyich, wojjoon taach immiye.

Roomi 15:4

Yaafe Macaafoochee no danaabeeti haaꞌiyoonaa goggoona gibeno nooch bi beeyemmoyich, shiichiꞌi Yaafe Macaafooch kooreeto bulli nooch dojjiya kooreetone.

Roomi 9:21

Woyee nuuqqee hachecho ikke nuuphoochee ikke qiicoon oogee qiico, wotta ikke qiicoon qalle qiicoon tuniiꞌi shuunoyich nuuqqee toommooch hakkoo biich aalle?

1 Qorontoosi 10:11

Boonoshi toommooch tuneti mooyo bulli nooch malletoo tunetone; ebiyoo hini ciireexi yemeenooch beeti noon cuuꞌiyane bi kooreeto.

Galaati 1:15

Tunebaani ta indee maacooch ta beetaa taan biich bariiꞌi bi wojjoona taan ceeggito Yeerine.

Efesooni 2:10

Yeeri halliti halloo noone; Kiristoos Yesuusina and noon bi hallito, shiichiꞌi bi qanniiti gaawe shuunoon shuunebee no beeyemmoyichiye.

Qolaasiyaasi 1:23

Ebi bi tunemmo, Kiristoosi toommooch mullee tooꞌiyoona manjiꞌi ittoshi waayeti mishiraachee qaaree gibenoochee shokaanoon ittoshi beegaatane. Are mishiraachoo shimaayoyee desh beeti halleetinaꞌo bullich getteetone; ta Phawuloosiyoo ebi mishiraachee qaaree maddechon tunehoye.

Qolaasiyaasi 1:6

Ebi mishiraachoo ittoshi waan shagaa, Yeerichi wojjee iberoon waayeꞌi gaawichii ittoshi ariiti aaboochee tiijjiꞌi ittoshi daggooch bi tuniitoommon, wotta ebiyoommon alemo bulliich aafoon aafee beetone; gaminniinoo beetone.

1 Ximootiyoosi 2:7

Ebi mooyo asho bullich bi getteyemmoyich, ceegee bechechonaa mishiraachechona, Aageteenaꞌoyichoo Kiristoos Yesuusi toommooch mullee tooꞌiyoonaa iberoonon xiishiibeeti dojjechoo ta tunemmoyich, Kiristoos Yesuusi taan kaaccii neechiye. Ebi ta gettaabeeto, iberoani kooto toonoone.

2 Ximootiyoosi 1:11

Ebichoo ceegee bechecho, mishiraachechonaa Yeerichi qaaree dojjechona ta tunemmoyich Yeeri taan kaaccitone.

2 Ximootiyoosi 2:2

Meeti miixeenaꞌo aafoochaa ta getaa ne waayeti mooyo bullin, bareenaꞌoyich dojjoon hakkemmi gibeneeti asheenaꞌoyich wotta guudiibe.

Titoosi 1:5

Qerixeesee showooch neen ta echiiti naboo, neech ta gettetoommon echeti shuunoon ne ceechemmonaa katemoo bulliich beeti kittinnee guuphoyich geeneenaꞌon kaaciree shuunooch ne neechemmonoyichiye.

Hibireena'o 11:4

Abeeli mulloon tooꞌiyoona Qayeelichoyee beshe deejjoon Yeerich giddiihe; Yeeri Abeeli giddiiti ebi deejjoona emirito bi tunoon bekkiiꞌi, Abeeli cadiqo tunoon miixehe; Abeeli bi qititaanona, mulloon bi tooꞌiyoona hanaach beddaahaa nooch miixee beetone.

Yaaqobi 3:18

Ashoonaa ashoonon shunii beetinaꞌo diggoon halliya shookketi yaroochee boonoshi maciibeeto cadiqee aafooniye.

1 Pheexiroosi 3:15

Tunebaani ittoshi mulloona Kiristoosi Doono bi tunoon shalligibee biich goyinnebote. “Gubbich ittoshich beeti gibeno amoone?” iꞌi ittoshin echemminaꞌochi echoon ittoshi wochemmoyich, bulli aaboon qanniton tunebote.

1 Yowannisi 4:10

Shuno getoo ebine: No Yeerin no shunnetoyich tuneyaanoon, Yeeri bi qelloona noon shunniꞌi, no axaaxoon bi maaremmi deejjoo bi tunemmoyich, bi Bushoon bi deejjoone.

1 Yowannisi 4:19

Yeeri shiichii noon bi shunnitoyich, no biin shunnaabeeto noone; noonnaa noonnoo shunaabeeto noone.