Yowannisi 15:15 - Kafa Linguistics Project

¹⁵ Guuno bi doono tuniiya gabiton ariyaanoone; ebich ebiyee damba ittoshin guuno getaache. Tunetaa ittoshin ‘Ta shunechinaꞌo’ ito taane; ta Nihoo waanee ta waayeto bullinoo ittoshich getteto taane.

Yowannisi 15:15 ပူးပေါင်းရင်းမြစ်များ

Shoddo 25:14

Doono Yeeri biin shattii beetinaꞌoyich maaci bi mooyon aachaache; bi wogoon boonoshi ariyemmoyich tuniihe.

Shaahiyoo 18:24

Nuuchoon meechii beeti asho aallemmone; tunebaani manoyee beshe katini shunecho beetone.

Amootsi 3:7

Iberoochaa Nuggishoo Doono Yeeri bi maacee mooyon, bi guuninaꞌo tuneti keemechinaꞌoyich getaanoon amoonolla tuniyaache.

Maatiyoosi 13:11

Yesuusi wochiꞌi ishichiye: “Yeeri shimaajji taatittinee maacee mooyon ittoshich arichiitone; tunetaa bareenaꞌoyich arichiyaanoone.

Luqaasi 10:23

Ebichi hillooch Yesuusi bi dabbeenaꞌo waan wotteꞌi boonoshi ikkeetoyich “Ittoshi beeggii beeton, beeggii beetinaꞌo diireetinaꞌone.

Yowannisi 12:26

Taach maddoon qaawiibeeto, taan dabbibe; ta beetooch hini are ta maddecho wotta beeyemmone; taach maddee beetoyich Nihoo Yeeri oogoon immemmone” iye.

Yowannisi 13:16

Iberoon ittoshich gettoye: Guuno bi doonoyee beshaanoone; wocheetoo biin wochetoyee beshaanoone.

Yowannisi 15:20

‘Guuno bi doonoyee beshaanoone’ iyaꞌa ittoshich ta getteton batteyaahote. Taan boonoshi duꞌiigaata, ittoshin wotta duꞌiyemminaꞌone. Ta getteti qaaroon boonoshi ceechigaata, ittoshi gettemmi qaaroon wotta ceechemminaꞌone.

Yowannisi 16:12

“Batt ittoshich ta gettemmi wodde mooyo beetone; tunebaani and ittoshich ta getigaata, ittoshich maggemmone.

Yowannisi 17:26

Taanoo ne shunneti shunoona bareenaꞌon boonoshi shunnemmoyich, tawoo boonoshina ta beeyemmoyich neechon boonoshich arichiito taane; battoo arichiyemmo taane” iye.

Yowannisi 20:17

Yesuusiyoo “Taan yechaahine; batt Nihoo Yeer waan keyaan beeto taane. Tunebaani hamiree ta maneenaꞌoyich ‘ “Ta, ta Nihoonaa ittoshi Nihoona waan, ta Nuggishoonaa ittoshi Nuggishoona waan kechemmo taane” itone’ gete” iye.

Yowannisi 4:19

Ure “Ta doonocho, keemecho ne tuno taach bekkeebeete.

Yowannisi 8:26

Ittoshich ta gettemmo, ittoshi toommoochoo ta nallemmi wodde mooyo beetone; tunetaa taan deejjito ibere moochechone; tawoo bi waanee ta waayeton alemoyich gettoye” iye.

Mishiraachechinaꞌo 20:27

Ebiyoo Yeerichi gaboochee amoonolla echiyaanoon bullin ittoshich ta gettetoyichiye.

Roomi 7:15

Amoon ta tuniyaabeeto gaata taach giyaanoone; ta shixxaabeeti mooyoniye ta tuniyaabeeto; tunebaani ta shunnaabeeti mooyon tuniyaano taane.

1 Qorontoosi 2:16

Yaafe Macaafooch bi kooreetoommon, “Doono Yeerichi gaboon ariito konine? Biinoo boyemmo konine?” Tunebaani Kiristoosichi gaboo nooch beetone.

Galaati 4:6

Ittoshiyoo Yeerichi bushiishoo ittoshi tunetoyich, “Taabbo, ta Nihoocho!” getiree ittoshi ceeggemmi bi Bushoochi Ayaanoon ittoshi mullooch deejjitone.

Efesooni 1:9

bi gabiton Kiristoos waanaa tuniiya bi shunnitoommon tuniihe; ebiyee aafoo asho ariyaani bi daaggoon nooch arichiitone.

Efesooni 3:5

Ebiyoo wonnee yemeenooch bare shiijjereenaꞌo waan ashi bushiishoyich aricheyaanoone; tunebaani and yaafeeti bi mishiraachechinaꞌonaa keemechinaꞌonoyich bi Ayaanoona gaxxitone.

Qolaasiyaasi 1:26

Hini qaaro wonnee yemeenoochee tiijjiꞌi shiijjereenaꞌo bullich aacheeti maacee mooyone; tunebaani and ebi are maacee mooyo yaafeenaꞌoyich gaxxeetone.

Filimooni 1:16

Illa ebiyee damba neenna tookki bi beeyemmo guunoommon tuneyaanoon, guunoyee beshiti shucheti manoommoniye; taach shucheti manoone; neechoo wotta meenona tunebe Doonona beshoon shucheti manoone.

Yaaqobi 1:1

Yeerinaa Doono Yesuus Kiristoosinochi guuno tuneti Yaaqobi waanee, Showee toommooch shaceꞌi beeti, aaraa gutte yoodeenaꞌoyich: Diggoo ittoshich tunebe.

Yaaqobi 2:23

Yaafe Macaafo “Abrahami mulloon Yeeri toommooch tooꞌiihe; ebi mullee tooꞌiyoo Yeeri aafoochaa biin cadiqiihe” bi ito ceennitone; biyoo Yeerichi shunecho getteetone.

1 Pheexiroosi 1:11

Boonoshich beeti Kiristoosichi Ayaano, Kiristoosichi xuuxeechonaa are xuuxoyee gubb bi danemmi oogee yiireechonon shiichiꞌi miixeebee, ebi mooyo bi tunemmo amee yemeenooch gaata, aabichiree bi woyemmo gaata bi bekkiiton kichii kindiiꞌi ariyoyich qaawii beeheete.

2 Pheexiroosi 1:1

Yesuus Kiristoosichi guunonaa mishiraachechona tuneti Simoon Pheexiroosi waanee, No Nuggishoonaa noon Wodiyechona tuneti Yesuus Kiristoosi cadiqo bi tunetoyich, Kiristoosi toommooch nooch beeti, aaxxoo tuneti mullee tooꞌiyoon no danetoommon danetinaꞌoyich:

Yihudi 1:1

Yesuus Kiristoosichi guuno, Yaaqobichi manoo Yihudi waanee, Nihoo Yeeri shunnitinaꞌonaa ceeggitinaꞌonoyich, Yesuus Kiristoosina quyeebeeti kittinneenaꞌo bullich:

Yaaꞌoo 1:1

Yesuus Kiristoosi katinoon tunemmi mooyon Yeerichi maddechinaꞌoyich bi bekkiyemmoyich Yeeri biich bi immiti yaaꞌoo hinine. Yesuusiyoo bi maraakoon wocheꞌi, bi maddechi Yowannisich bekkiihe.