Yowannisi 15:11 - Kafa Linguistics Project

¹¹ Ta emiraabeeti emiroona ittoshi emiremmoyich, ittoshi emiroo bi ceennemmoyich, ebi bullin ittoshich getteto taane.

Yowannisi 15:11 ပူးပေါင်းရင်းမြစ်များ

Isiyaasi 53:11

Cadiqe ta guuno, bi kashe xuuxetoyee gubb, kasheechi bekkoon beegiree emiremmone; bi ariyoona meetinaꞌon cadiqiyemmone; boonoshi xuꞌoonoo shaaggemmone.

Isiyaasi 62:4

Illa ebiyee bekk Duppeti getaa ceekkeyaachemmi neene; ne showoo Shokkaachoo Echeto getteyaachemmone; tunebaani Ta Emiroo Arooch Beeti getteyemmi neene; ne showee kenechi tunemmine; Doono Yeeri neenna bi emiritoyich, ne showeyoo Kenechi getteyemmine.

Erimiyaasi 32:41

Boonoshich gaawe mooyon tuniyoona emiremmo taane; ta ceeni mulloona, ta ceeni kashoona iberoochaa hini xaaꞌooch boonoshin bechemmo taane.

Erimiyaasi 33:9

Yerusaalemi, biich ta tuniyemmi gaawe mooyo bullin waayemmi, showee toommeexi aageteenaꞌo bulli aafooch, taach oogee yiiroon, galletoonaa oogoonon tunemmine; ebi are aageteenaꞌo biich ta qanniiti gaawe mooyo bullinaa diggoo bullinochi naboona shattemminaꞌone, qeweshoo gettemminaꞌone” iye.

Sofoniyaasi 3:17

Ittoshi Nuggishoo Doono Yeeri ittoshina tookkii beetone; bi immiibeeti giidoona wudoon danemmo ittoshine. Biyoo ittoshina oogichi emiremmone; bi shunoona ittoshi kashoon andiriyemmone. Asheenaꞌo baaroon baariibee emiroommon, ittoshina oogichi emiriree shoddemmone” getteyemmone. Doono Yeeri ishichiye: “Ittoshi duꞌoon ittoshi waanee wokkiyemmo taane; ebiyee damba ittoshin yeelliyemmi mooyo beetaachemmone.

Luqaasi 15:23

Awujjiti gubbenoonoo deebiree bashibote; mamone; nooch emiroo tunebe.

Luqaasi 15:32

Tunebaani “Qititone, aalletone” iyaꞌa ta gabiti hini ne manoo kashoona wotteꞌi danetone; ebich gifiree maayoon gediree emiraanoon aabichiree qajjehone?’ iꞌi gettiye” iye.

Luqaasi 15:5

Bi danegaata, emiribee bi gogooch shaagiree deebemmone;

Luqaasi 15:9

Bi danegaata, bi shunechinaꞌonaa bi giyeenaꞌonon ikkooch ceegiree, ‘Aalleti ta shilinkoon daneti taane; ebich taanna tookki emiribote’ gettemmine.

Yowannisi 16:24

Hanaach beddaahaa ta shigoona amoonolla qolleyaano ittoshine; ittoshi emiroo bi ceennemmoyich qollebote. Ittoshi qollemmon danemmo ittoshine” iye.

Yowannisi 16:33

“Taanna diggoo ittoshich bi tunemmoyich, ebi bullin ittoshich getteto taane. Alemo ittoshin duꞌiyemmone; tunebaani kupphebote; ta alemoon kochaa wochito taane” iye.

Yowannisi 17:13

“Andoo ne waan hammaabeeto taane; ta emiroo ceenoona boonoshich bi beeyemmoyich, alemooch beebee ebin getteto taane.

Yowannisi 3:29

Woꞌee bi kenoochine; neexeꞌi waayeebeeti miyaatoo woꞌee kenoochi qaaroona oogichii emirii beetone. Illa ebina ta emiroo ceennitone.

Roomi 15:13

Gibenee Nuggishoo Yaafe Ayaanee giidoona ittoshich gibeno woddemmoyich ittoshi mulloon bi toommooch ittoshi tooꞌitoyich emiroonaa diggoonon ceechiree ittoshich imbe.

2 Qorontoosi 1:24

Yeeri toommooch mullee tooꞌiyoona manjii ittoshi neexoon ariito noone; ebich ittoshina tookkaa no shuunaabeeto ittoshi emiremmoyich qaawaꞌaanalli, ittoshi mullee tooꞌiyee toommooch doonjittinoon qaawaꞌa toonoone.

Efesooni 5:18

Yaafe Ayaano ittoshi kashooch ceenalli, woyinee uyoona masheyaahote; masho bechiibeeto cooneyoochiye.

Filipphisiyoosi 1:25

Ebinoo iberiiꞌa meenona ta beeyemmonaa ittoshi bullina tookki ta yagemmonon ariibeeto taane. Arooba Kiristoosi toommooch mulloon tooꞌiyoona diccemmo ittoshine; emirishoo gettemmo ittoshine.

1 Tasaloonqi 5:16

Bulli aaboon emiribote;

1 Pheexiroosi 1:8

Biin aafoona beegaano ittoshi tunetaanoona, shunniibeeto ittoshine; and biin beegaano ittoshi tunetaanoona, ittoshi mulloon bi toommooch tooꞌiito ittoshine. Ebich qaaroona ebine getaa getteyoo hakkeyaani, oogichii worganikkiti emiroon emiriibeeto ittoshine.

1 Yowannisi 1:4

Ebin no kooraabeeto, no emiroo ceeni emiroo bi tunemmoyichiye.

2 Yowannisi 1:12

Ittoshich kooriya ta qaawiti meeti mooyo beetone; tunebaani woraqatee toommooch qalemoona kooroon qaawaache. Oogichi no emiremmoyich, ittoshi waan waaree aafoona ciineeree no yibbaatemmoyich gibenaabeeto taane.