Yowannisi 15:1 - Kafa Linguistics Project

¹ “Ibere woyinee qombee indoo taane; gochiꞌi bechitoo ta Nihoone.

Yowannisi 15:1 ပူးပေါင်းရင်းမြစ်များ

Solomooni 7:12

Maaddiyee woyinee budooch hambone; woyino bungii aapphito gaata, romaano bungito gaata, beegone; aroochaa taan neech beshii immemmi taane.

Isiyaasi 4:2

Arooba Doono Yeerichi michi qaakko mallet gaawoonaa oogechona tunemmone; showoochee daneebeeti aafo, muriccii woditi Israꞌeeleenaꞌoyich geecoonaa oogoonon tunemmone.

Isiyaasi 60:21

Ne asheenaꞌo bulli cadiqeenaꞌo tunemminaꞌone; showoon bulli yemeenooch woraashemminaꞌone; boonoshiyoo, ta oogo bekkemmoyich ta shuuneti ta kishee shuuneenaꞌo, ta bechiti becheenaꞌone.

Isiyaasi 61:3

Tsiyoonaa eeppii beetinaꞌoyich, tullee keroon mocee bungee gubbichoon, eeppi keroon emiree zayitoon, ayinii tuummi keroon galletee tahoon, ta immemmoyich taan wochetone; boonoshiyoo bi oogoon boonoshi bekkiyemmoyich, Doono Yeeri bechiti cadiqee mixinaꞌo getteyemminaꞌone.

Erimiyaasi 12:10

Meeti qiddeenaꞌo ta woyinee goyoon aalliitinaꞌone; ta iristoon neexxitinaꞌone; gaawe ta maayi budon shuuꞌi showoon tuniitinaꞌone.

Erimiyaasi 2:21

Ta neen, kaacheti woyine, ibere xalle yaree tuniiꞌa bechiyoye; aabichii duubaꞌa kubbi woyinoon tunenne?

Hiziqeeli 19:10

“Ne indee aachi gashooch becheeti woyinoommine; aachi woddoochee tiyitona aafeebeeti wottoo wodde atechi woyinee qombeyoommine.

Hosee'i 10:1

Israꞌeeleenaꞌo wodde aafoon aafeti, bi aafo shushiti woyinee qomboomminaꞌone. Woddii boonoshi aafemmi haddoona meeti deejjee gudeenaꞌon shuuneheete. Boonoshi showoo gaanneti haddoona goyinnee xaqqee giimbeenaꞌon macecikkiꞌi shuuneheete.

Zakaariyaasi 3:8

“ ‘Qeeshee guudo Yaaso, ebin waayebe; ebi neenna tookkii maddeebeeti, gubb woyemmi deꞌe mooyoyich malletoo tuneti asheenaꞌoo ebin waayebeete: Ebiyoche, Ato getteeti ta guunon deejjemmo taane.

Maatiyoosi 15:13

Tunetaa bi wochiꞌi, “Shimaajji ta Nihoo Yeeri bechaano bulli waaxemmone.

Maatiyoosi 20:1

Wotta Yesuusi ishichiye: “Shimaajji taatittine ebiyoommine: Ikke woyinee doono bi woyinee goyee daggooch gijjoo qocee shuunemmi shuunechinaꞌon qaawooch maaddiꞌi kechiye.

Maatiyoosi 21:33

Wotta Yesuusi ishichiye: “Bare shaahiyoon waayebote: Bi showooch woyinoon bechiti ikke uro beehe. Bi guudoon xaqqoona uxerehe; wotta woyinee hiicci oppoon iijjiye; dilaaloon shuunehe. Aree hillooch uchi shiimemmi quyechinaꞌoyich quyiichii, bare showooch hammiye.

Maariqoosi 12:1

Daakkiꞌi Yesuusi shaahiyoona ishichiꞌi getooch giyiye: “Ikke uro woyinee aafoon aafeebeeti meeti woyinoon bechiye; bi guudoon xaqqoona uxerehe; woyinee hiicci oppoon iijjiye; dilaaloon shuunehe. Aroochee shiimemmi quyechinaꞌoyich quyiichii bare showooch hammiye.

Luqaasi 13:6

Yesuusi ebi shaahiyoon ishichiꞌi gettiye: “Ikke uroyich bi bechiti meeti woyinee goyee daggooch becheeti ikke balaasee mixi beehan. ‘Are balaaseech aafo beeyemmone’ ii hammiꞌi amoonolla muccehe.

Yowannisi 1:17

Yeerichi sheeroo Muus waanaa nooch ichehe; tunebaani wojjoonaa iberoona Yesuus Kiristoos waanaa nooch ichehe.

Yowannisi 1:9

Are bekko alemooch waabee, asho bullich bekkiibeeti ibere bekkoone.

Yowannisi 15:2

Ta toommooch beechii aafeyaani ato bullin kuxi wokkiyemmone; aafoon aafeebeeto bullinoo woddiiree bi aafemmoyich qephemmone.

Yowannisi 6:32

Yesuusiyoo “Iberoon ittoshich gettoye: Shimaayoochee ittoshich koshon immito, Muusi toonoone; tunebaani shimaayoochee ibere koshon ittoshich immiibeeto Yeeri ta Nihoone.

Roomi 11:17

Tunebaani becheeti zayitee mixoochee ikkikke ateenaꞌo boonoshi xooꞌetaa, kubbeexi zayitee michi atoochee tuneti ne, becheeti zayitee michi ateenaꞌo daggooch giyaa xaaqqeeꞌa boonoshina tookkaa michi xepphoochee kechiibeeti mooyo bulliichee qoodeyecho tuneto neene.

1 Qorontoosi 3:9

Ebich Yeerina tookkaa shuunaabeeti bi wochee bushiishoo noone; ittoshiyoo Yeeri gochiibeeti goyee budo ittoshine; ebiyoommon wotta Yeeri haggiibeeti kexo ittoshine.

1 Yowannisi 2:8

Tunebaani andire mooyon ittoshich kooraabeeto taane; ebi are mooyo Kiristoosi shuuneti mooyonaa ittoshi shuuneebeeti mooyona iberoo bi tuno bekketone. Bi bekkeebeetoo, manderoo beshee beetonaa ibere bekko harii bekkee bi beetonoyichiye.