Yowannisi 14:28 - Kafa Linguistics Project

²⁸ “ ‘Ta hammemmo taane; ittoshi waanoo wotteree woyemmo taane’ iyaꞌa ittoshich ta getteton waayeto ittoshine. Iberoon taan ittoshi shunigaata, Nihoo Yeer waan ta hamona emiresho ittoshine. Ebiyoo Nihoo Yeeri tayee besho bi tunetoyichiye.

Yowannisi 14:28 ပူးပေါင်းရင်းမြစ်များ

Shoddo 68:18

Damba ne keyiyooba, neenna tookkii kecoon daammehine; hukkechinaꞌo waaneenolla echiyaanoon asheenaꞌo waanee wojjoon deqqehine; Nuggishoo Doono Yeeri ne, arooch beeyemmo neene.

Shoddo 68:9

Yeero, amiyo gaawichiree bi dihemmoyich tuniihine; shuuqqiti ne showoon shuxiihine.

Isiyaasi 42:1

Doono Yeeri ishichiye: “Deggaa ta yecheti, ta kaacceti, biinna ta emiriti, ta guuno hinine; ta Ayaanoon bi toommooch kotiito taane; biyoo aageteenaꞌoyich dayinnetoon kindiyemmone.

Isiyaasi 53:11

Cadiqe ta guuno, bi kashe xuuxetoyee gubb, kasheechi bekkoon beegiree emiremmone; bi ariyoona meetinaꞌon cadiqiyemmone; boonoshi xuꞌoonoo shaaggemmone.

Maatiyoosi 12:18

“ ‘Ebiyoche, taach bi wocheyemmoyich ta kaacceti ta naayo, ta shunnaabeeto, taanoo emirikkito hinine. Ta Ayaanoon bi toommooch kotiyemmo taane; biyoo dayinnetoon Aageteenaꞌoyich gettemmone.

Yowannisi 10:38

Tunetaa ta shuunegaata, taanolla ittoshi iberiyoo qayigaata, Nihoo Yeeri taanna tookkii bi tunoon, tawoo Nihoo Yeerina tookkii ta tunoon xiishiree ittoshi ariyemmoyich, ta shuunoon iberiibote” iye.

Yowannisi 13:16

Iberoon ittoshich gettoye: Guuno bi doonoyee beshaanoone; wocheetoo biin wochetoyee beshaanoone.

Yowannisi 14:12

Iberoon ittoshich gettoye: Bi mulloon ta toommooch tooꞌiimmo ta shuunaabeeti shuunoon aroo wotta shuunemmone; ta, Nihoo Yeer waan hammaa ta beetoyich ebiyee beshe shuunoonolla shuunemmone.

Yowannisi 14:18

Nihaalli bushiishoommon ittoshin dufaachemmo taane; ittoshi waan woyemmo taane.

Yowannisi 16:7

Tunetaa iberoon ittoshich gettoye: Ta hamo qayigaata, Kupphiyecho ittoshi waan waataachemmone; ebich ta hamo ittoshich gaawiye. Ta hamigaata, biin ittoshich deejjemmo taane.

Yowannisi 20:17

Yesuusiyoo “Taan yechaahine; batt Nihoo Yeer waan keyaan beeto taane. Tunebaani hamiree ta maneenaꞌoyich ‘ “Ta, ta Nihoonaa ittoshi Nihoona waan, ta Nuggishoonaa ittoshi Nuggishoona waan kechemmo taane” itone’ gete” iye.

Yowannisi 20:21

Yesuusi wochinnoon “Diggoo ittoshich tunebe. Nihoo Yeeri taan bi wochetoommon ta wotta ittoshin wochaabeeto taane” iye.

Yowannisi 5:18

Ayihudee ukkireenaꞌo shambetoon bi shaaddetoyich baach tuneyaanoon, bi qelloon Yeerina tachiꞌi, “Yeeri ta Nihoone” bi itoyich, biin beshoon wuxiya qaawiyeete.

Yowannisi 7:33

Yesuusiyoo “Batt giisheche aaboon ittoshina tookki kotemmo taane; aroochee taan wocheto waan hammemmo taane.

1 Qorontoosi 11:3

Anaamo bullichi shimbo Kiristoosi, maachechi shimbo anaamo, Kiristoosichi shimbo Yeeri tunoon ittoshi ariyemmoyich shunnoye.

1 Pheexiroosi 1:8

Biin aafoona beegaano ittoshi tunetaanoona, shunniibeeto ittoshine; and biin beegaano ittoshi tunetaanoona, ittoshi mulloon bi toommooch tooꞌiito ittoshine. Ebich qaaroona ebine getaa getteyoo hakkeyaani, oogichii worganikkiti emiroon emiriibeeto ittoshine.

Yaaꞌoo 1:11

Taachoo ishichiye: “Ne beeggaa beeton macaafooch kooriree Efesooni, Semirineesi, Phergaamooni, Tiyaxirooni, Sarideesi, Filaadelifinaa Lodooqinooch beeti shabaatte kittinnee guuphinaꞌoyich woche daachiibe” iye.