Yowannisi 14:26 - Kafa Linguistics Project

²⁶ Tunebaani Nihoo Yeeri ta shigoona bi deejjemmi Yaafe Ayaano tuneti Kupphiyecho, aroo bulli mooyon ittoshich dojjemmone; ittoshich ta getteto bullin ittoshich shalligichemmone.

Yowannisi 14:26 ပူးပေါင်းရင်းမြစ်များ

Shoddo 51:11

Ne aafoochee taan wokkiyaahine; ne Yaafe Ayaanoon ta waanee daammaahine.

Isiyaasi 54:13

Ne bushiisheenaꞌo Doono Yeer waanee doyitinaꞌon tunemminaꞌone; ne bushiisheenaꞌochi diggoo woddemmone.

Isiyaasi 63:10

Tunebaani boonoshi bi toommooch hukkoon shuuneꞌi bi Yaafe Ayaanoon ayinikkiyeete; ebich wotteꞌi boonoshich ettoon tunehe; bi qelloona bi, boonoshin kochiye.

Maatiyoosi 1:18

Yesuus Kiristoosi shiijjo ebine: Bi indee Maariyami Yooseefich maakkeechaa shaakkeyaan beebee, Yaafe Ayaanoona yeqqefehan; bi yeqqefoo arichehe.

Maatiyoosi 1:20

Yooseefi ebin gabii bi beetaa, Doonochi maraakoo gumona daneꞌi biich ishichiye: “Daawitichi bushoo Yooseefo, shaagga ne maakkiiti Maariyami yeqqefeto, Yaafe Ayaanoonane. Ebich shattaahine, shaage.

Maatiyoosi 28:19

Illa tiyiree hambote; aageteenaꞌo bulliich beetinaꞌon Nihoo Yeeri, Bushoo Yeerinaa Yaafe Ayaanoonochi shigoona aacona afaalloonaa tuniibote iyaꞌa ittoshich ta getteto bullin boonoshich dojjoona ta dabbeenaꞌon tuniibote. Illa yemeenee ciirooch beddaahaa bulli aaboon ta ittoshina tookkaa beeto taane” iye.

Maatiyoosi 3:11

“Tawoo axaaxee gommoochee Yeerichi gommooch ittoshi wottoon bekkiyoyich, ittoshin aacona afaalliibeeto taane; tunebaani bi caammoonolla shaagoyich ta bedaano ta hillooch waabeeto, tayee beshe kupphoone; aroo Yaafe Ayaanoonaa qaaqqoona ittoshin afaallemmone.

Maariqoosi 12:36

Daawiti bi qelloona Yaafe Ayaano biich shalligichaa, ‘Doono Yeeriyoo ta Doonon, “Ne etteenaꞌon ne baatee dechiich ta dichimmi wottoon ta qannooch kotebe” itone’ iye.

Maariqoosi 13:11

Wotta asheenaꞌo ittoshin beshii imiyooba, ‘Ama gettehone?’ getiree shiichi iriteyaahote. Tunebaani areegaata Yeeri ittoshich immimmi mooyon getote. Gettemmo Yaafe Ayaanoani ittoshi toonoone.

Luqaasi 1:15

Biyoo Doonochi aafooch oogemmone; wotta woyinee uyoonaa mashiibeeti bare uyo bullinon uyaachemmone; shiijjeyaanoon bi indee maacooch beebee, Yaafe Ayaanoona ceennemmone.

Luqaasi 1:35

Wotta hini are maraakoo wochiꞌi ishichiye: “Yaafe Ayaano ne toommooch woyemmone; Beshoo Yeerichi giidoo ne toommooch yiiremmone; ebich wotta ne shiyemmi bushoo yaafoo getteyemmone; ‘Yeerichi Bushoo’ getteyemmone.

Luqaasi 1:41

Elsabeexiyoo Maariyamichi diggiyee qaaroon bi waayemmona, yeqqefoo bi maacoochaa tuguceeꞌi capphiye. Bekkech Elsabeexi Yaafe Ayaanoona ceennaꞌa,

Luqaasi 1:67

Arooba bushoochi nihoo Zakaariyaasiyoo Yaafe Ayaanoona ceenniꞌi ishichii keemoon keemmiye:

Luqaasi 11:13

Gondo ittoshi tunetaanoona, ittoshi bushiisheenaꞌoyich deꞌe mooyon imon ariibeeto ittoshine. Illa shimaayooch beeti ittoshi Nihoo Yeeri biin qollee beetinaꞌoyich Yaafe Ayaanoon am shaahoon beshaa beshiiree immehe!” iye.

Luqaasi 2:25

Arooba are Yerusaalem Simooni getteebeeti ikke uro beehe; aroo Yeeri Israꞌeeleenaꞌon bi goggiyemmi aaboon quyee beehe; biyoo cadiqo tuneꞌi Yeerich qeyiibeeti uroone; wotta Yaafe Ayaanechone.

Luqaasi 24:49

Illa ebiyoche, ta Nihoo Yeeri gibenikkiti gibenoon ta ittoshich deejjemmo taane; ebich damba Yeer waanee giidoo ittoshi toommooch bi kindimmi wottoon Yerusaalem quyebote” iye.

Yowannisi 1:33

Tawoo koni bi gaata arooba ariyaan beeto taane; tunebaani aacona ta afaallemmoyich shiichiꞌi taan deejjiti aroo ‘Ayaano kindiree bi toommooch bi kotetaa ne beeggemmo, Yaafe Ayaanoona afaallemmo aroone’ iꞌi taach gettiye.

Yowannisi 12:16

Yesuusichi dabbeenaꞌo arooba ebin shalligaaneenaꞌone; tunebaani kooreeti bi mooyonaa biich boonoshi tuniitonon boonoshi shalligito Yesuusi oogoona shimaayooch bi kechitoyee gubbiye.

Yowannisi 14:16

Tawoo Nihoo Yeerin qollemmo taane; bulli yemeenoon ittoshina tookki bi beeyemmoyich, bare Kupphiyechon ittoshich deejjemmone.

Yowannisi 14:25

“Ittoshina tookkaa beebee, ittoshich ishin getteto taane.

Yowannisi 15:26

“Nihoo Yeer waanee ittoshich ta deejjemmi Kupphiyecho, iberoon bekkiibeeti Ayaano, Nihoo Yeer waanee kechiꞌi bi waahooba, aroo taachon miixemmone.

Yowannisi 16:7

Tunetaa iberoon ittoshich gettoye: Ta hamo qayigaata, Kupphiyecho ittoshi waan waataachemmone; ebich ta hamo ittoshich gaawiye. Ta hamigaata, biin ittoshich deejjemmo taane.

Yowannisi 2:22

Ebich qitoochee bi tiyitoyee gubb, bi dabbeenaꞌo ebi bi gettiton shalligiyeete; Yaafe Macaafoochoo kooreetonaa Yesuusi gettiti qaaroonon iberiiheete.

Yowannisi 20:22

Ishin bi gettitoyee gubb boonoshi toommooch kachiichii, ishichiye: “Yaafe Ayaanoon deꞌote;

Yowannisi 6:45

‘Boonoshi bulli Yeer waanee ariitinaꞌo tunemminaꞌone’ getaa keemechinaꞌochi macaafooch kooreetone. Illa Nihoo Yeer waanee waayeꞌi ariibeeto bulli ta waan woyemmone.

Yowannisi 7:39

Ishin bi gettito, boonoshi mulloon bi toommooch tooꞌiitinaꞌo boonoshi danemmi Yaafe Ayaaneechoniye; Yaafe Ayaano batt kindaan beetone; ebiyoo Yesuusi oogoyich batt shimaajj keyaan beeto bi tunetoyichiye.

Mishiraachechinaꞌo 1:4

Wotta boonoshina tookkii beebee boonoshich ishichiye: “Yerusaalemee bara kechaahote. Tunebaani ta waanee ittoshi waayeti ta Nihoo gibenikkiti gibenoon quyebote.

Mishiraachechinaꞌo 1:8

Tunebaani Yaafe Ayaano ittoshi toommooch bi kindiyooba, giidoon danemmo ittoshine. Arooba Yerusaalem, Yihudee showoo bulliich, Shamaaree showooch, showee tuggo bulliichoo ta mooyon miixemmo ittoshine” iye.

Mishiraachechinaꞌo 11:16

Arooba Doono Yesuusi gettiti qaaro ta mullooch tipphimiye; aroo ‘Yowannisi aacona asheenaꞌon afaallitone; tunebaani ittoshi Yaafe Ayaanoona afaalleyemmo ittoshine’ iꞌi bi gettitone.

Mishiraachechinaꞌo 13:2

Eboshi coomiꞌi Doonoch goyinnee boonoshi beetaa, Yaafe Ayaano “Barnabaasinaa Sawulinon ta ceeggeti shuunoyich bariibote” iye.

Mishiraachechinaꞌo 13:4

Ebich Barnabaasinaa Sawulina Yaafe Ayaanoona wocheeꞌi baharee gashooch beeti Seleeqi katemooch hammiyeete. Aroochee markaboona Qoophiroos hammiyeete.

Mishiraachechinaꞌo 15:28

Ebi ittoshich qaawiibeeti mooyinaꞌoyee damba bare magge mooyon ittoshi toommooch no minjaachemmoyich, Yaafe Ayaanoonaa noonna gabito noone.

Mishiraachechinaꞌo 15:8

Arooba ashi mulloon ariibeeti Nuggishoo, nooch Yaafe Ayaanoon bi imoommon, boonoshich wotta Yaafe Ayaanoon bi imona boonoshin bi hoxee qayon miixehe.

Mishiraachechinaꞌo 16:6

Aroochee Phawuloosinaa biinna tookkii beetinaꞌona Isiyee showooch Yeerichi qaaroon boonoshi getaachemmoyich, Yaafe Ayaano boonoshin bi bajjitoyich, qajjiꞌi Firigee showoonaa Galaatee showoona besheheete.

Mishiraachechinaꞌo 2:33

Andoo Yeerichi qanne badd oogoona koteꞌi bi Nihoo Yeeri gibenikkiti Yaafe Ayaanoon bi waanee deqqiꞌi, hini and ittoshi beeggii beetonaa waayee beetonon ukkiye.

Mishiraachechinaꞌo 2:4

Boonoshi bulli Yaafe Ayaanoona ceenniyeete; bekkech Yaafe Ayaano boonoshich hakkoon imaa boonoshi ariyaani noonoona yibbaateheete.

Mishiraachechinaꞌo 20:28

Yaafe Ayaano yaabii qeejjechi geeno tuniiꞌi ittoshin ukkiriitone; illa ittoshi qellich, wotta qiddoo bi bagoon bi quyoommon Yeerichi asheenaꞌon shiimeꞌi quyoyich, ittoshi qelloon ariibote! Bi hajjee damoona bi biisheti Yeerichi kittinnee guuphon quyebote.

Mishiraachechinaꞌo 20:35

‘Deqqii beetoyee immiibeeto diireetone’ iꞌi Doono Yesuusi bi qelloona gettiton shalligaabee, caajjoona maraataa shuunaabee giidaalleenaꞌon dego tun bedo bi tunoon bulli mooyona ittoshich bekkiito taane” iye.

Mishiraachechinaꞌo 28:25

Boonoshinaa boonoshinoo ikkotteyaanoon hamma tiyiyeete. Areegaata Phawuloosi ishichiye: “Yaafe Ayaano keemechi Isiyaasichi noonoona ittoshi qaabbechinaꞌoyich ishichiꞌi bi gettito iberetone:

Mishiraachechinaꞌo 5:3

Tunetaa Pheexiroosi ishichiye: “Hanaano, Yaafe Ayaanoyich kootiree showoon ne kemmeti gijjoochee ne qellich ne echiyemmoyich Sheexaanoon ne mullooch aakka giijjinne?

Mishiraachechinaꞌo 7:51

“Illa hini ittoshi mullo muumeti, ittoshi waamoo ulleti babbereenaꞌote! Ittoshi qaabbechinaꞌochoommon ittoshiyoo wotta bulli aaboon Yaafe Ayaanoyich deꞌa getaano ittoshine.

Mishiraachechinaꞌo 7:55

Tunebaani Isxifanoosi Yaafe Ayaanoona ceenniꞌi shimaayooch manjii ciinniꞌi, Yeerichi oogee yiiroonaa Yesuusi Yeerichi qanne badd neexeꞌi bi beemonon beeggiye.

Roomi 14:17

Ebiyoo Yeerichi taatittino cadiqoonaa diggoona, Yaafe Ayaanoochee tuneti emiroonalli, maayoonaa uyoonochi mooyo tuno bi qajjitoyichiye.

Roomi 15:13

Gibenee Nuggishoo Yaafe Ayaanee giidoona ittoshich gibeno woddemmoyich ittoshi mulloon bi toommooch ittoshi tooꞌitoyich emiroonaa diggoonon ceechiree ittoshich imbe.

Roomi 15:16

Yeeri ebi wojjoon taach bi immito Aageteenaꞌoyich Kiristoos Yesuusichi maddecho ta tunemmoyichiye. Aageteenaꞌo Yaafe Ayaanoona yaafeeree Yeerina shucheti deejjoommon boonoshi tunemmoyich, Yeer waanee taach icheti mishiraachee qaaroon gettaabee qeeshoochoommon maddaabeeto taane.

Roomi 5:5

Nooch icheti Yaafe Ayaanoona Yeeri bi shunoon no mullooch bi ceechitoyich hini gibeno noon yeelliyaache.

1 Qorontoosi 12:3

Ebin ariibote: Koniyoona Yeerichi Yaafe Ayaanoona yaabeebee, “Yesuusi uppeto tunebe” getaache; ebiyoommon wotta Yeerichi Yaafe Ayaanoona yaabeyaanoon, “Yesuusi Doonone” geton hakkemmo koniyoona aalloone.

1 Qorontoosi 6:19

Woyee ittoshi ashittino Yeeri ittoshich bi immiti Yaafe Ayaano beeti yaafee kexo bi tunoon ariyaachote? Yeeri aaxxe gatiyoona ittoshin kemetone; ebich ittoshi ashittino ittoshi hajjoo toonoone. Illa ittoshi ashittinoona Yeerin oogiibote.

2 Qorontoosi 13:14

Doono Yesuus Kiristoosichi wojjoo, Yeerichi shuno, Yaafe Ayaanee ikkittinoo ittoshi bullina tookki tunebe.

2 Qorontoosi 6:6

Xallittinoona, ariyoona, haaꞌiyoona, deꞌittinoona, nooch beeti Yaafe Ayaanoona mulloochee tiyiti shunoona,

Efesooni 1:13

Ittoshiyoo wotta iberee qaaroon, ebiyoo ittoshi woditi mishiraachee qaaroon, waayeꞌi ittoshi mulloon Kiristoosi toommooch ittoshi tooꞌiitaa, Yeeri bi gibenikkiti Yaafe Ayaanoona biicho ittoshi tunee xiishee maatemoon ittoshi toommooch geddiye.

Efesooni 1:17

Oogee yiirecho tuneti Nihoo, biyoo no Doono Yesuus Kiristoosichi Nuggishoo biin ariyoona shalligechon ittoshin tuniyemmi, biin ittoshich bekkiyemmi Yaafe Ayaanoon ittoshich bi immemmoyich qollaabeeto taane.

Efesooni 4:30

Yeeri ittoshin biishemmi aabo woyemmo tunoon xiishiibeeti yechiyoo, ebiyoo ittoshi toommooch malletoon tuniiꞌi Yeeri gedditi bi Yaafe Ayaanoon ayinikkiyaahote.

1 Tasaloonqi 4:8

Illa ebi no dojjiti mooyon shixxiibeeti asho, bi shixxiibeeto, ittoshich bi Yaafe Ayaanoon immiibeeti Yeerinalli, ashoon toonoone.

2 Ximootiyoosi 1:14

No mullooch beeti Yaafe Ayaanee giidoona neech icheti gaawe aderoon quyebe.

Titoosi 3:5

noon bi wodiito bi maaree beshoonalli, no shuuneti cadiqee shuunoona toonoone; noon bi wodiito guttinnee shiijjoon no daneti machoonaa Yaafe Ayaanee andiriyoonane.

Hibireena'o 10:15

Yaafe Ayaano wotta ebichon nooch miixee beetone; shiichiꞌi ishichitone:

Hibireena'o 2:4

Yeeriyoo wotta worganikkiti malletoonaa gaakkechi shuunoonon, baribare gaakkechi mooyonoo bi shuunoona, bi qelloona bi daaggitoommon, Yaafe Ayaanee wojjoonoo qoodoona boonoshina tookkii miixetone.

Hibireena'o 3:7

Ebich Yaafe Ayaano gettii beetoommon, “Hanaach Yeerichi qaaroon ittoshi waayegaata,

Hibireena'o 9:8

Aafi duukkaanoo batt xogeeꞌi beetaa, shimaajj beeti Yaafe Xaaꞌeexi Yaafooch giijjiibeeti gommo batt qecheyaano bi tunoon Yaafe Ayaano ebiyoommona bekkii beetone.

1 Pheexiroosi 1:12

Are keemechinaꞌo boonoshi gettiti wochoona boonoshi maddeto, ittoshichalli, boonoshich tunee qayo boonoshich bekkehe; wotta shimaayoochee wochetaa waati Yaafe Ayaanee giidoona mishiraachee qaaroon ittoshich miixeti asheenaꞌo and are wochoon ittoshich gettitinaꞌone. Maraakeenaꞌolla ebi mooyon maqqiꞌi ariyoyich qaatii beetinaꞌone.

1 Yowannisi 2:20

Tunetaa ittoshi Yaafoo waanee huutoon deqqito ittoshine; ebich ittoshi bulli iberoon ariibeeto ittoshine.

1 Yowannisi 2:27

Tunebaani Kiristoos waanee ittoshi deqqiti huuto ittoshina tookkii beetone. Biyoo bulli mooyon ittoshich bi dojjii beetoyich, bare asho ittoshich dojjoo qaawiyaache. Aroo ittoshich bi dojjiibeeto iberoonalli kootoon toonoone. Illa bi ittoshich dojjitoommon Kiristoosina tookkii ittoshich beeti ikkittinoona manjiree beebote.

1 Yowannisi 5:7

Miixee beetinaꞌo keeminaꞌone;

Yihudi 1:20

Tunebaani ta shunechinaꞌote! Ittoshiyoo bulliyee beshoon yaafeeti gommona Yeeri toommooch mullee tooꞌiyoona dico ittoshich bi daakkeyemmoyich, ittoshinaa ittoshina gaacheyoona kupphebote; Yaafe Ayaanoona yaabeeree corootibote.

Yaaꞌoo 2:11

“Yaafe Ayaano kittinnee guuphinaꞌoyich gettii beeton waayeebeeti waajjecho waayebe. Gondoochi giidoon kochii wochito guttinnee qitoon qitaachemmone.