Yowannisi 14:23 - Kafa Linguistics Project

²³ Yesuusi wochiꞌi biich ishichiye: “Taan shunniibeeto koniyoona bi beegaata, ta getteton ceechemmone; ta Nihoo biin shunnemmone; bi waanoo woyemmo noone; bi waanoo beeyemmo noone.

Yowannisi 14:23 ပူးပေါင်းရင်းမြစ်များ

Halloo 1:26

Aroyee gubb Yeeri “Ashoon no malletoona, noon shaahoonoo tunii hallibone; bahareexi haasheenaꞌon, shimaayoona yoobbiibeeti yoobbereenaꞌon, gijjeenaꞌonaa cooxinaꞌonon, showee toommona yuummiibeeti yuummere halleenaꞌo bullinoo hajjibeete” iye.

Halloo 11:7

Wobote; kindibone. Boonoshinaa boonoshina ikkoo gettiibeeto baroyich bi giyaachemmoyich, boonoshi noonoon aroochaa baccibone” iye.

Shoddo 90:1

Doono Yeero, shiijjeroochee shiijjerooch beddaahaa, ne nooch deebo neene.

Shoddo 91:1

Beshoo Yeeri shoobooch beeto, Beshe Hakkechi Nuggishoochi yiirooch qeyiibeeto,

Isiyaasi 57:15

Beshoo, beshaa beshe oogoo, bulli yemeenoon beeyecho, bi shigo Yaafoo tuneto ishichii beetone: “Damba wohonaa yaafoona tuneti xaaꞌooch beehoye; tunebaani wotta boonoshi qelloon giishiitinaꞌonaa boonoshi mullo tiishetinaꞌona tookkaa beehoye. Ebiyoo boonoshi qelloon giishiitinaꞌon, boonoshi mullo tiishetinaꞌonoo kupphiyoyichiye.

Yowannisi 10:30

Taannaa Nihoo Yeerina ikkoo noone” iye.

Yowannisi 14:15

“Taan shunniibeeto ittoshi tunegaata, ‘Tuniibote’ iyaꞌa ta getteton ceechemmo ittoshine.

Yowannisi 14:17

Biyoo iberoon bekkiibeeti Ayaanoone; alemo biin beegaanoonaa ariyaanoona bi tunetoyich, bi mullooch qeejjiꞌi biich hajjeyoon hakkaache; tunebaani ittoshi waan beeyemmone; ittoshi mulloochoo qeyemmone; ebich biin ariibeeto ittoshine.

Yowannisi 14:21

‘Tuniibe’ iyaꞌa ta getteton deꞌa iꞌi tuniibeeto, taan shunniibeeto aroone; taan shunnii beeton ta Nihoo shunnemmone; tawoo shunnemmo taane; biichoo bekkemmo taane” iye.

Yowannisi 14:24

Taan shunaano ta qaaroon ceechaachemmone. Hini ittoshi waayeebeeti qaaro taan wocheti Nihoo Yeerichoani, taacho toonoone.

Yowannisi 15:10

Ta Nihoo ‘Tuniibe’ iꞌi bi gettiton ta ceechoommon, bi shunoonoo ta beemoommon, ‘Tuniibote’ iyaꞌa ta getteton ittoshi ceechigaata, ta shunoona beeyemmo ittoshine.

Yowannisi 16:27

Ebiyoo taan ittoshi shunnitoyich, Yeer waanee ta womon ittoshi iberiitoyich, Nihoo Yeeri bi qelloona ittoshin bi shunnii beetoyichiye.

Yowannisi 6:56

Ta meenon maabeeto, ta damoonoo uchiibeeto taanna beeyemmone; tawoo biinna beeyemmo taane.

Yowannisi 8:51

Iberoon ittoshich gettoye: Ta gettaa beeton ceechiibeeto koniyoona bi beegaata, cir qitaachemmone” iye.

Yowannisi 8:52

Ayihudeenaꞌo “And ne toommooch yinno beemon xiishaa ariito noone. Abrahami qititone; wotta keemechinaꞌoo qititinaꞌone. Tunetaa ne ‘Ta gettaa beeton ceechiibeeto koniyoona bi beegaata, cir qitaachemmone’ ii beetine.

2 Qorontoosi 6:16

Yeerichi yaafee kexonaa shahalloonoyich amee danittino beete? No, beeyechi Yeerichi yaafee kexo noone; Yeeri ishichiye: “Boonoshina tookki beeyemmo taane; boonoshi daggooch shaꞌemmo taane; boonoshi Nuggishoo tunemmo taane; boonoshiyoo ta macceenaꞌo tunemminaꞌone” iye.

1 Yowannisi 2:24

Ebich shiichoochee tiijjiꞌi ittoshi waayeti qaaro ittoshi mullooch manjiree beebe. Shiichoochee tiijjiꞌi ittoshi waayeti qaaro ittoshi mullooch bi beegaata, ittoshi wotta Nihoo Yeerinaa Yeerichi Bushoona tookkii ittoshich beeti ikkittinoona beeyemmo ittoshine.

1 Yowannisi 2:5

Tunetaa Yeerichi getoon ceechiibeeto bullina, Yeerichi shuno ceeno tunetone. “Yeerina tookkii beeto taane” ii beeti asho, bulli mooyona Kiristoosin shaahibe. Ebina biinna no beemon xiishii ariibeeto noone.

1 Yowannisi 4:4

Ta shuni bushiisheenaꞌote! Ittoshi Yeer magecho ittoshine; hini alemeexi asheenaꞌona tookkii beetoyee, ittoshina tookkii beeto besho bi tunetoyich, are koote keemechinaꞌon kochii wochito ittoshine.

1 Yowannisi 5:3

Yeerin no shunnaa beetoyich, bi getoon ceechaabeeto noone; Yeer waanee shiijjeto bulli hini alemoon kochii wochii bi beetoyich, bi geto maggoo toonoone. Hini alemoon kochaa no wochaabeeto bi toommooch no mullee tooꞌiyoonane.

2 Yowannisi 1:6

Shuno geto, Yeerichi getoon ceechoona beemo getone; shiichoochee tiijjiꞌi ittoshi waayetoommon, Yeerichi geto “Shunoona beebote” ii beetone.

Yaaꞌoo 21:22

Beshe Hakkechi Nuggishoo Doono Yeerinaa Bagoona hini are katemeechi yaafee kexo boonoshi tunetoyich, arooch yaafee kexon beegaano taane.

Yaaꞌoo 21:3

Aree hillooch ooge qaaro qeenoochee kechiꞌi, “Ebiyoche, Yeerichi qeyi xaaꞌoo asheenaꞌo daggooch tunetone; boonoshina tookki beeyemmone; boonoshiyoo bi asheenaꞌo tunemminaꞌone. Yeeriyoo bi qelloona boonoshina tookki tuneree boonoshi Nuggishoo tunemmone.

Yaaꞌoo 22:3

Ebiyee bekk hini are katemeech ufo beetaachemmone; Yeerinaa Bagoonochi taatee qeeno are katemee daggooch tunemmone; bi guuninaꞌo aroochaa biich goyinnemminaꞌone.