Yowannisi 14:21 - Kafa Linguistics Project

²¹ ‘Tuniibe’ iyaꞌa ta getteton deꞌa iꞌi tuniibeeto, taan shunniibeeto aroone; taan shunnii beeton ta Nihoo shunnemmone; tawoo shunnemmo taane; biichoo bekkemmo taane” iye.

Yowannisi 14:21 ပူးပေါင်းရင်းမြစ်များ

2 Taateenaꞌo 18:6

Doono Yeerich gibeneeton tunehe. Biin dabboochee gubb wotteyaanoone. Doono Yeeri Muusich gettiti geteenaꞌon quyehe.

Shoddo 35:27

Xalloo ta tunoon beegoyich qaawii beetinaꞌo emiribeete; emiroonoo wucwuceete; wochi wochiree, “Bi guunochi diggittinoona emiriibeeti Doono Yeeri oogebe” geteete.

Keyo 33:18

Arooba Muusi, “Ne oogee yiiroon taach ne bekkiyemmoyich neen qollehoye” iye.

Shaahiyoo 8:17

Taan shunnii beetinaꞌon shunnehoye; kupphiiꞌi taan qaawii beetinaꞌo taan danemminaꞌone.

Erimiyaasi 31:31

Doono Yeeri ishichiye: “Ebiyoche Israꞌeelee macceenaꞌonaa Yihudee macceenaꞌona tookki andire wogoon ta giyemmi yemeeno woyemmone.

Sofoniyaasi 3:17

Ittoshi Nuggishoo Doono Yeeri ittoshina tookkii beetone; bi immiibeeti giidoona wudoon danemmo ittoshine. Biyoo ittoshina oogichi emiremmone; bi shunoona ittoshi kashoon andiriyemmone. Asheenaꞌo baaroon baariibee emiroommon, ittoshina oogichi emiriree shoddemmone” getteyemmone. Doono Yeeri ishichiye: “Ittoshi duꞌoon ittoshi waanee wokkiyemmo taane; ebiyee damba ittoshin yeelliyemmi mooyo beetaachemmone.

Luqaasi 11:28

Tunebaani Yesuusi “Beshoon diireetinaꞌo Yeerichi qaaroon waayeꞌi ceechii beetinaꞌone” iye.

Yowannisi 14:15

“Taan shunniibeeto ittoshi tunegaata, ‘Tuniibote’ iyaꞌa ta getteton ceechemmo ittoshine.

Yowannisi 14:18

Nihaalli bushiishoommon ittoshin dufaachemmo taane; ittoshi waan woyemmo taane.

Yowannisi 15:14

‘Tuniibote’ iyaꞌa ittoshich ta getteto bullin ittoshi tuniigaata, ta shunecho ittoshine.

Yowannisi 16:14

Aroo ta waanee bi waayeton ittoshich gettemmone; ebina taan oogiyemmone.

Yowannisi 16:27

Ebiyoo taan ittoshi shunnitoyich, Yeer waanee ta womon ittoshi iberiitoyich, Nihoo Yeeri bi qelloona ittoshin bi shunnii beetoyichiye.

Yowannisi 17:23

Hini oogee yiiroon ta immeto, ‘Tawoo boonoshina ta tunoona, newoo taanna ne tunoona bulli ikkoo tunebeete’ getoyichiye. Ebina taan wochaa ne deejjoon, taanoo ne shunnetoommon boonoshin ne shunon alemo ariyemmone.

Mishiraachechinaꞌo 22:18

Doono Yesuusi taach bekkeꞌi ishichiye: ‘Kaateree Yerusaalemee keye; hini katemooch beetinaꞌo taachon ne miixaa beeton waayeyaachemminaꞌone’ iye.

2 Qorontoosi 12:8

Ebi mooyo ta waanee bi wokkemmoyich, keejje wottoon Doono Yesuusin qollehoye.

2 Qorontoosi 3:18

Ebich no bulli kaappeyaani baroona Doonochi oogee yiiroon heeraawoochoommon wacciibeeto noone; hini oogee yiiroo Ayaano tuneti Doono waanee bi waa beetoyich, Doonochi malletoon no shaahemmoyich, oogee yiiroochee beshe oogee yiirooch noon shaddii beetone.

2 Qorontoosi 4:6

“Manderooch bekko bekkebe” iti, Kiristoosichi barooch wacciibeeti bi oogee yiiree ariyoon bekkiibeeti bekkoon imma no mullee daggooch aaxxiito, Yeerine.

Yibbaatoo 11:13

“Hanaach ittoshich ta gettaabeeti geteenaꞌon ceechi quyebote. Ittoshi Nuggishoo Doono Yeerin shunote. Ceeni ittoshi mulloona, ceeni ittoshi kashoonoo biich goyinne maddebote.

Yibbaatoo 7:13

Biyoo neen shunnemmone; diirishoo gettemmone; neech imoyich ne qaabbechinaꞌoyich wogeꞌi bi gibenikkiti showoochaa meeti bushiishoon neech imona shiyi shiijjereree ne meettemmoyich tuniyemmone; ne goyoon, ebiyoo maayoon, woyinee qomboonaa zayitee mixonon diiremmone; ne miimon, ne bagoonaa ne emmishoonon diiremmone.

2 Tasaloonqi 2:16

Bi qelloona no Doono Yesuus Kiristoosinaa noon shunniti, bi wojjoona bulli yemeenee goggoonaa manje gibenoonon nooch immiti no Nihoo Yeerina ittoshi mulloon goggiibeete; gaawe mooyo bullin ittoshi shuunemmonaa yibbaatemmonoyich ittoshin kupphiibeete.

2 Ximootiyoosi 4:22

Doono Yesuus Kiristoosi neenna tookki tunebe. Yeerichi wojjoo ittoshi bullina tookki tunebe.

1 Yowannisi 2:5

Tunetaa Yeerichi getoon ceechiibeeto bullina, Yeerichi shuno ceeno tunetone. “Yeerina tookkii beeto taane” ii beeti asho, bulli mooyona Kiristoosin shaahibe. Ebina biinna no beemon xiishii ariibeeto noone.

1 Yowannisi 3:1

“Yeerichi bushiishoo” getaa no ceekkemmoyich, Nihoo Yeeri aabichiꞌi noon bi shunnito gaata beegote! Iberoon Yeerichi bushiishoo noone. Ebich hini alemeexi asheenaꞌo Yeerin ariyoon boonoshi qajjitoyich, noon ariyaacheete.

1 Yowannisi 5:3

Yeerin no shunnaa beetoyich, bi getoon ceechaabeeto noone; Yeer waanee shiijjeto bulli hini alemoon kochii wochii bi beetoyich, bi geto maggoo toonoone. Hini alemoon kochaa no wochaabeeto bi toommooch no mullee tooꞌiyoonane.

2 Yowannisi 1:6

Shuno geto, Yeerichi getoon ceechoona beemo getone; shiichoochee tiijjiꞌi ittoshi waayetoommon, Yeerichi geto “Shunoona beebote” ii beetone.

Yaaꞌoo 2:17

“Yaafe Ayaano kittinnee guuphinaꞌoyich gettii beeton waayeebeeti waajjecho waayebe. Gondoochi giidoon kochii wochitoyich aacheeti mannoochee immemmo taane; wotta ebi aroon deqqitoyee damba asho koniyoona ariyaani andire shigo kooreeti nacce xaqqoonoo immemmo taane.

Yaaꞌoo 22:14

Boonoshich daaggeetaa, kelloona katemee maac giyiree kashee michi aafoochee boonoshi maayemmoyich, boonoshi qoreddoon machii xallii beetinaꞌo diireetinaꞌone.

Yaaꞌoo 3:20

Ebiyoche, kellooch neexaachaa kelloon qoppaabeeto taane; koniyoona ta qaaroon waayeꞌi bi kelloon bi qechigaata, bi waan giyemmo taane; biinna tookki gifiroon maayemmo taane; biyoo taanna tookki maayemmone.