Yowannisi 14:20 - Kafa Linguistics Project

²⁰ Ta, ta Nihoona ta beemoommon, ittoshiyoo taanna ittoshi beemon, tawoo ittoshina ta beemon arooba ariyemmo ittoshine.

Yowannisi 14:20 ပူးပေါင်းရင်းမြစ်များ

Yowannisi 10:38

Tunetaa ta shuunegaata, taanolla ittoshi iberiyoo qayigaata, Nihoo Yeeri taanna tookkii bi tunoon, tawoo Nihoo Yeerina tookkii ta tunoon xiishiree ittoshi ariyemmoyich, ta shuunoon iberiibote” iye.

Yowannisi 14:10

Tawoo Nihoo Yeerina ta beemon, Nihoo Yeeriyoo taanna bi beemon iberiyaachine? Ittoshich ta gettaabeeti qaaroon ta gettaabeeto, ta waanee toonoone; tunebaani ebi bi shuunoon shuuneebeeto, taanna beeti Nihoo Yeerine.

Yowannisi 14:11

Tawoo Nihoo Yeerina ta beemon, Nihoo Yeeriyoo taanna bi beemon iberiibote. Ebi tuno qayigaata, ta shuuneti shuunee naboona iberiibote.

Yowannisi 16:23

Arooba amoonolla taan echeyaachemmo ittoshine. Iberoon ittoshich gettoye: Nihoo Yeeri ta shigoona ittoshi qollemmo bullin ittoshich immemmone.

Yowannisi 16:26

Arooba Nihoo Yeerin ta shigoona qollehotalli, ta ittoshi keroyich qollemmo taane getiree getaache.

Yowannisi 17:11

Tawoo ne waan hammaabeeto taane; ebiyee gubb, alemooch beetaachemmo taane; tunebaani boonoshi alemooch beeyemminaꞌone. Yaafe ta Nihoocho, eboshi noochoommon boonoshi ikkottemmoyich, taach ne immeti ne shigoona boonoshin quyebe.

Yowannisi 17:26

Taanoo ne shunneti shunoona bareenaꞌon boonoshi shunnemmoyich, tawoo boonoshina ta beeyemmoyich neechon boonoshich arichiito taane; battoo arichiyemmo taane” iye.

Yowannisi 17:7

Taach ne immeto bulli ne waanee bi tunoon and ariitinaꞌone.

Yowannisi 6:56

Ta meenon maabeeto, ta damoonoo uchiibeeto taanna beeyemmone; tawoo biinna beeyemmo taane.

Roomi 16:7

Mishiraachechinaꞌo daggoochee woraafa getteetinaꞌo, wotta Kiristoosi toommooch mulloon tooꞌiyoona tayee qaabbeenaꞌo, taanna tookkii cucheti ta xibeenaꞌo Andironiqoosinaa Yuniyasinoyich ta diggiyoon getote.

Roomi 8:1

Illa Kiristoos Yesuusina beetinaꞌo toommooch and Yeerichi naxo kindaache.

1 Qorontoosi 1:30

Tunebaani Yeeri ittoshin Kiristoos Yesuusina tookkii ikkochitone; ebich Yeeri biin nooch shalligoo, cadiqoo, yaafoonaa biishechona tuniitone.

2 Qorontoosi 12:2

Kiristoosicho tuneti ikke uroon ariiho; ebi tunehooba meenona tuneba kashoona, ta ariyaache; Yeeri ariihe. Ebi uro aaraa awudde natoyee aaf keejjinnee shimaayooch beddaahaa tiijjaa hammiye.

2 Qorontoosi 13:5

Kiristoosi toommooch mullee tooꞌiyoona beeto ittoshi tunoon, eke ittoshi qelloon phire boshe beegote. Yesuus Kiristoosi ittoshi ikkikkoo mullee daggooch beemon ariyaachote? Ebi tuno qayigaata, beddito tuneꞌi daneyaano ittoshine getone.

2 Qorontoosi 5:17

Ebich asho koniyoona Kiristoosicho bi tunegaata, andire halloone; wonnee mooyo beshetone; andire halloonoo tunetone.

2 Qorontoosi 5:19

Yeeri Kiristoosina shuuneebee alemee asheenaꞌon biinna tookkii shunii beehe; boonoshi xuꞌoonoo haddaanoone; noochoo shuniyee wochoon immiye.

Galaati 2:20

Ebich tawoo ebiyee bekk kashechon tunaꞌa beetaache; tunebaani Kiristoosi ta mullooch giyiꞌi beetone. Andoo meenona ta beeti beemo, taan shunnii taacha iꞌi qitoyich bi qelloon beshii immiti, Yeeri Bushoo toommooch mullee tooꞌiyoona ta beemone.

Efesooni 2:10

Yeeri halliti halloo noone; Kiristoos Yesuusina and noon bi hallito, shiichiꞌi bi qanniiti gaawe shuunoon shuunebee no beeyemmoyichiye.

Qolaasiyaasi 1:19

Yeeri ceeni bi Nuggishittino biinna bi beeyemmoyich emiroona daaggitone;

Qolaasiyaasi 1:27

Boonoshichoo Yeeri ebi maacee mooyo Aageteenaꞌo daggooch am shaahoon worganikkiibeeto gaata bi tunoon arichiyoyich shunniye; ebi maacee mooyo Yeerichi oogee yiiroon danee gibeno tuneti Kiristoosi ittoshi mullee daggooch beemone.

Qolaasiyaasi 2:9

Ceeni Nuggishittino bulla Kiristoosi taheti meechi ashittinooch beetone.

1 Yowannisi 4:12

Bi aafoona Yeerin beeggito koniyoona aalloone; tunebaani noonnaa noonna no shunegaata, Yeeri noonna tookki beeyemmone; wotta bi shuno noonna ceeno tunemmone.