Yowannisi 14:12 - Kafa Linguistics Project

¹² Iberoon ittoshich gettoye: Bi mulloon ta toommooch tooꞌiimmo ta shuunaabeeti shuunoon aroo wotta shuunemmone; ta, Nihoo Yeer waan hammaa ta beetoyich ebiyee beshe shuunoonolla shuunemmone.

Yowannisi 14:12 ပူးပေါင်းရင်းမြစ်များ

Maatiyoosi 21:21

Yesuusiyoo wochiꞌi, “Iberoon ittoshich gettoye: Mulloon Yeeri toommooch ittoshi tooꞌiigaata, wotta mulloonoo guttiyoo ittoshi qayigaata, balaasee mixin ta tuniito ikkeeto tuneyaanoon, hini geppoonolla ‘Hiniichee waaxeree baharooch awureebe’ ittoshi getigaata, tunemmone.

Maariqoosi 11:13

Ebich waajjechi balaasee mixin wohoochaa ciinniꞌi, “Diqqich bi aafeto gaata” iꞌi are mixi beetooch hammiye. Giddee bi ciinnimmona, balaasee aafee gooroo tuno bi qajjitoyich waamoani aafo aallehe.

Maariqoosi 16:17

Mulloon tooꞌii beetinaꞌo ebi malletoon tuniyemminaꞌone: Ta shigoona asheenaꞌo toommoochee yinneenaꞌon yookkemminaꞌone; andire noonoona yibbaatemminaꞌone;

Yowannisi 14:28

“ ‘Ta hammemmo taane; ittoshi waanoo wotteree woyemmo taane’ iyaꞌa ittoshich ta getteton waayeto ittoshine. Iberoon taan ittoshi shunigaata, Nihoo Yeer waan ta hamona emiresho ittoshine. Ebiyoo Nihoo Yeeri tayee besho bi tunetoyichiye.

Yowannisi 16:7

Tunetaa iberoon ittoshich gettoye: Ta hamo qayigaata, Kupphiyecho ittoshi waan waataachemmone; ebich ta hamo ittoshich gaawiye. Ta hamigaata, biin ittoshich deejjemmo taane.

Yowannisi 4:37

Ebich ‘Ikkoo shookkiye; ikkoo qecciye’ immi yibbaatoo iberoo tunetone.

Yowannisi 5:20

Ebiyoo Nihoo Yeeri bi Bushoon shunnii bi beetoyichiye; wotta bi shuuneebeeto bullin biich bekkii bi beetoyichiye; ittoshiyoo ittoshi worganemmoyich ebiyee beshe shuunoon biich bekkiyemmone.

Yowannisi 7:33

Yesuusiyoo “Batt giisheche aaboon ittoshina tookki kotemmo taane; aroochee taan wocheto waan hammemmo taane.

Yowannisi 7:39

Ishin bi gettito, boonoshi mulloon bi toommooch tooꞌiitinaꞌo boonoshi danemmi Yaafe Ayaaneechoniye; Yaafe Ayaano batt kindaan beetone; ebiyoo Yesuusi oogoyich batt shimaajj keyaan beeto bi tunetoyichiye.

Mishiraachechinaꞌo 10:46

Ebiyoo andire noonoona yibbaateebee Yeerin boonoshi oogii beetaa, boonoshi waayetoyichiye. Arooba Pheexiroosi tiyiꞌi hini are Ayihudeenaꞌoyich,

Mishiraachechinaꞌo 16:18

Ishichaabee meeti aaboon noon dabbaa cookaa beehan. Tunetaa Phawuloosi iriteechii, gubb wotteꞌi, bushee toommooch beeti ayaanoon “Yesuus Kiristoosichi shigoona neen calleto taane; hini bushee toommoochee tibe” iye. Are ayaanoo bekkech bushee toommoochee tiyiye.

Mishiraachechinaꞌo 19:12

Phawuloosi taheti tahoonona daammii biiyechinaꞌochi achooch boonoshi shakkiitaa, biiyechinaꞌo wodii beeheete; asheenaꞌo toommooch beeti yinnoo boonoshin gawukkiꞌi hammii beehe.

Mishiraachechinaꞌo 2:33

Andoo Yeerichi qanne badd oogoona koteꞌi bi Nihoo Yeeri gibenikkiti Yaafe Ayaanoon bi waanee deqqiꞌi, hini and ittoshi beeggii beetonaa waayee beetonon ukkiye.

Mishiraachechinaꞌo 2:41

Aroochee Pheexiroosi gettiti yibbaatoon waayeꞌi, iberiitinaꞌo aacona afaalleeheete. Ebina keejje hum bede asheenaꞌo Yesuusichi asheenaꞌo toommooch daakkeeheete.

Mishiraachechinaꞌo 4:16

“Hini asheenaꞌon aabichibona? Yerusaalem beetinaꞌo bulli ooge malletoon boonoshi tuniyoon ariitinaꞌone. Ebin nookkoon hakkaachone.

Mishiraachechinaꞌo 4:33

Mishiraachechinaꞌo “Doono Yesuus Kiristoosi qitoochee tiyitone” iꞌi ooge giidoona miixee beeheete; boonoshi bulli toommooch oogeti wojjoo beehe.

Mishiraachechinaꞌo 4:4

Tunebaani Yeerichi qaaroon waayetinaꞌo daggoochee meetinaꞌo boonoshi mulloon Yesuusi toommooch tooꞌiiheete. Yesuusi toommooch mulloon tooꞌiiti anaaminaꞌo aafichinaꞌona tookkii uuche hum bedoon tuneheete.

Mishiraachechinaꞌo 5:15

Asheenaꞌo biiyechinaꞌon gommooch kichiꞌi shaaꞌoonaa yeebboonooch qeejjii beeheete. Ebin boonoshi tuniito, Pheexiroosi aroona beshemmona bi yiirittolla ikkikkeenaꞌo toommooch bi yiiremmoyichiye.

Mishiraachechinaꞌo 6:7

Yeerichi qaaro gaminnii gaminnii hammiye; Yerusaalem beeti Yesuusichi dabbeenaꞌo meettii meettii waaheete. Qeesheenaꞌo daggoochee meetinaꞌo mishiraachee qaaroyich deꞌa iꞌi Yesuusi toommooch mulloon tooꞌiiheete.

Mishiraachechinaꞌo 8:7

Ebiyoo yinneenaꞌo oogeti qaaroona cookiibee meeti asheenaꞌo toommoochee boonoshi tiyitoyichiye; boonoshi ashittino qititi meeti asheenaꞌo, baata yesheenaꞌoo woditoyichiye.

Mishiraachechinaꞌo 9:34

Biinoo ishichiye: “Eeniyoo, Yesuus Kiristoosi neen wodiitone. Tibe, ne qeenon yaggibe” iye. Aroo bekkech tiyiye.

Mishiraachechinaꞌo 9:40

Aroochee Pheexiroosi bullin maach kichiichii, guteneꞌi corootiye. Bi corootitoyee gubb, dubeno waan wotteꞌi, “Xaabbite, tibe” iye. Bekkech bi aafoon gaxxiyan; Pheexiroosin ciinnaꞌa tiyaa kotahan.