Yowannisi 13:34 - Kafa Linguistics Project

³⁴ “ ‘Ittoshinaa ittoshina shunebote’ iyaꞌa ittoshich andire mooyon gettoye; ta ittoshin ta shunnetoommon, ittoshi wotta ittoshinaa ittoshina shunebote.

Yowannisi 13:34 ပူးပေါင်းရင်းမြစ်များ

Shoddo 119:63

Ta, neen shattii beetinaꞌoyich, ne geteenaꞌon quyee beetinaꞌoyich, nuuchoo taane.

Shoddo 16:3

Showee toommeexi yaafeenaꞌo moogeetinaꞌone; tawoo boonoshina emiraabeeto taane.

Leweenaꞌo 19:18

“ ‘Ne asheenaꞌo daggoochee koni toommoochona nichoon kichiyaahine. Mooyon shaaccaahine. Neenoommi ne manoon neenna tachiree shune. Ta, Doono Yeeri taane.

Leweenaꞌo 19:34

Ebi shiqqoon showee bushoon shaahiiree ciinote. Ittoshin ittoshi shunoommon, biin shunote. Gibits shiqqoo tuneꞌi ittoshi kotoon batteyaahote. Ta, ittoshi Nuggishoo Doono Yeeri taane.

Maatiyoosi 5:44

Tunebaani and ta waanee waayebote! Yeeri bi halliti aabeen deꞌeenaꞌonaa gondeenaꞌonoyich kichii beetone; kaameenaꞌonaa xummeenaꞌonoyich tachiꞌi amiyon dichii beetone. Illa shimaayooch beeti ittoshi Nihooyich bushiishoo ittoshi tunemmoyich, ittoshi shixechinaꞌon shunote; ittoshin duꞌii beetinaꞌoyich corootibote.

Yowannisi 15:17

Illa ittoshinaa ittoshina shunebote. Tuniibote iyaꞌa ittoshich ta gettaabeeto ebine” iye.

Yowannisi 17:21

Ta qollaabeeto, boonoshi bulli ikkottemmoyichiye; taan ne deejjoon alemo iberiyemmoyich, ta Nihoocho, ne taanna ne beemoommon, tawoo neenna ta beemoommon, ebiyoommon wotta boonoshi noonna beebeete.

Roomi 12:10

Manaamanoochoommon ittoshinaa ittoshina shunebote; ittoshinaa ittoshina ikkoo baroon oogiibe.

Roomi 13:10

Ashoon shunniibeeto bi manoon xuꞌaache. Ebich ashoon shuno sheeroo bullin ceechoone.

Roomi 13:8

Biinoommi bi manoon shunniibeeto sheeroon ceechitone; ebich ittoshinaa ittoshina shunoyee beshetaa konichi hiisholla ittoshi toommooch beeyaaye.

Galaati 5:22

Tunebaani Yaafe Ayaanee aafo, shuno, emiroo, diggoo, haaꞌiyoo, ariqqo, deꞌittino, gibeneyoo,

Galaati 5:6

Ebiyoo Kiristoos Yesuusina tunetoyich, dokireyoo woyee dokireyee qayo bi gaaccemmi gaaco amolla aallo bi tunetoyichiye; gaaccemmo shunoona shuuneebeeti, Kiristoosi toommooch mullee tooꞌiyoo baachiye.

Galaati 6:10

Illa no hakkimmi aabo bullin asho bullich, ebiyeenoo boonoshi mulloon Yesuus Kiristoosi toommooch tooꞌiiꞌi ikke kechi ashoon tunetinaꞌoyich, gaawe mooyon tuniibone.

Galaati 6:2

Ittoshi daggoochee ikkoo baroochi shaagoon shaagi gaachebe; ebiyoommona Kiristoosi dojjiti sheeroon ceechiibeeto ittoshine.

Efesooni 5:2

Kiristoosiyoo wotta noon bi shunnitoommon, Yeerin emirikkiibeeti cinnechi buuroommonaa deejjoommonon tuniiꞌi noocha ii bi qelloon beshiiꞌi bi immitoommon, shunoona beebote.

1 Tasaloonqi 3:12

No wotta ittoshin no shunoommon, ittoshinaa ittoshina daggooch beeti shunoonaa bare asheenaꞌo bullich ittoshich beeti shunoonon Doono Yesuusi ittoshich daakkibe; woddiishoo gete.

2 Tasaloonqi 1:3

No maneenaꞌote! Yeeri toommooch mullee tooꞌiyoona oogichii ittoshi diccii beetoyich, ittoshi ikkikkoyich ittoshinaa ittoshina shuneebeeti shuno woddee woddee bi qeyii beetoyich, bulli aaboon ittoshi naboyich Yeerin galleto nooch qaawiibeeti mooyone; wotta ebiyoo no tuniiya bede mooyone.

Hibireena'o 13:1

Ittoshinaa ittoshina manaamanoochoommon shunoona beebote.

Yaaqobi 2:8

Yaafe Macaafoochaa “Neenoommi ne manoon neenna tachiree shune” ii beeti Taatoo Yeerichi sheeroon ittoshi ceechigaata, gaaweton shuuneebeeto ittoshine.

1 Pheexiroosi 1:22

Guttinnoon ittoshi shiijjeto, kashechonaa bulli yemeenoon beeyechona tuneti Yeerichi qaaroocheeniye; ebiyoo aalleyaani yaroocheenalli aallemmi yaroochee toonoone; and iberee qaaroyich deꞌa getona xalleꞌi ittoshi maneenaꞌoyich ibere shuno ittoshich beetone; ebich mulloochee tiijjiree ittoshinaa ittoshina manjiiree shunebote.

2 Pheexiroosi 1:7

Yeerin oogiibeeti qocoona beemi toommooch manittinee shunoon, manittinee shunee toommooch shoodeyoon daakkibote.

1 Yowannisi 3:11

Shiichoochee tiijjiꞌi ittoshi waayeti wocho “Noonnaa noonna shunebone” ii beetone.

1 Yowannisi 3:23

Tuniibote bi ii beeto ebine: Bi Bushoo Yesuus Kiristoosi toommooch no mulloon no tooꞌiyemmoyich, wotta Kiristoosi nooch gettitoommon noonnaa noonna no shunemmoyichiye.

1 Yowannisi 4:21

“Taan shunniibeeto bi manoon wotta shune” iꞌi Yeeri nooch gettitone.

2 Yowannisi 1:5

Andoo genneene! Noonnaa noonna no shunemmoyich qollehoye. Ta hinin neech ta kooraabeeto, shiichoochee tiijjiꞌi Yeeri nooch bi gettiti getoonalli, andire getoon toonoone.