Yowannisi 13:21 - Kafa Linguistics Project

²¹ Yesuusi ishin bi gettitoyee gubb, bi kashe xuuxehan. “Iberoon ittoshich gettoye: Ittoshi daggoochee ikkoo taan beshiiree immemmone” iꞌi xalla gettiye.

Yowannisi 13:21 ပူးပေါင်းရင်းမြစ်များ

Maatiyoosi 26:21

Maa boonoshi beetaa, “Iberoon ittoshich gettoye: Ittoshi daggoochee ikkoo taan beshiiree immemmone” iye.

Maatiyoosi 26:38

Boonoshin “Ta kashe ayinoona xuuxaꞌa kech beddetine. Hiniich beebote; tokketaayi kuppheree taanna tookki quyebote” iye.

Maariqoosi 14:18

Ikkoochoo koteꞌi maayo giddetaa maa boonoshi beetaa Yesuusi ishichiye: “Iberoon ittoshich gettoye, ittoshi daggoochee ikkoo taan beshiiree immemmone; biyoo and taanna tookkii maa beetone” iye.

Maariqoosi 3:5

Yesuusi boonoshi mullo muumetoyich oogichii ayiniꞌi bi guudoona beetinaꞌon kaaree aafoona ciinniye. Uroonoo “Ne kishoon yaggibe” iye. Biyoo yaggiye; bi kishoo wotteꞌi iiwehe.

Yowannisi 11:33

Yesuusi aree eefaa, wotta biinna tookkii waati Ayihudeenaꞌo eefaa ciinniꞌi bi giidoo qacheꞌi ayiniye; goggemmonoo mawiihe.

Yowannisi 11:35

Yesuusi acimoon ukkiye.

Yowannisi 11:38

Yesuusi wochinnoon oogichii ayiniꞌi Alazaari duukketi maasho beetooch hammiye. Oppoo xaqqee kexone; kelloo xaqqoona keppheetone.

Yowannisi 12:27

“And ta kashe xuuxetine; ama getote? ‘Ta Nihoocho, hanaach ta toommooch woyemmi xuuxoochee taan wodiibe’ getote? Tunetaa hini hanaachi xuuxoon beegoyichiye ta waato.

Yowannisi 13:18

“Ittoshi bullichon toonoone ta gettaabeeto; ta kaacceti asheenaꞌon ariibeeto taane. Tunebaani Yaafe Macaafoochaa ‘Taanna tookkii geecheꞌi maabeeto taan kocha tiyiye’ iibeeti qaaro ceeno qaawiihe.

Yowannisi 13:2

Yesuusinaa bi dabbeenaꞌona gifiroon maa beeheete; daabiloosiyoo shiichiꞌi Asqorootechi Simoonichi bushoo Yihudi Yesuusin beshiiree bi immemmoyich gonde shalligoon bi mullooch giijjitone.

Yowannisi 13:22

Bi dabbeenaꞌo “Koniniye bi gettiibeeto?” iꞌi boonoshi gaboon guttiiꞌi boonoshinaa boonoshina ciineeheete.

Mishiraachechinaꞌo 17:16

Phawuloosi are Ateeni katemooch koteꞌi Sillaasinaa Ximootiyoosinon quyeebee, are katemooch asho goyinneebeeti shahalloo meeton beeggiꞌi, oogichii ayinii yiijjiye.

1 Yowannisi 2:19

Boonoshiyoo no daggeexinaꞌo tuno boonoshi qajjitoyich, no daggoochee kechiyeete. No magechinaꞌo boonoshi tuneto gaata, noonna tookki manjiree beeyeshinaꞌone. Ebina boonoshi bulli no magechinaꞌo boonoshi tunee qayo arichemmoyich, no waanee bariꞌi kechitinaꞌone.