Yowannisi 13:18 - Kafa Linguistics Project

¹⁸ “Ittoshi bullichon toonoone ta gettaabeeto; ta kaacceti asheenaꞌon ariibeeto taane. Tunebaani Yaafe Macaafoochaa ‘Taanna tookkii geecheꞌi maabeeto taan kocha tiyiye’ iibeeti qaaro ceeno qaawiihe.

Yowannisi 13:18 ပူးပေါင်းရင်းမြစ်များ

Shoddo 41:9

Ta gibeneti ta katini xiboo ta koshon taanna tookkii maato, ta toommooch tiyiye.

Erimiyaasi 41:2

Netaani bushoo Ishmaꞌeelinaa biinna tookkii beeti aashire asheenaꞌona tiyiꞌi, showee toommooch Baabloonee taatoo iraashiiti, Shafaanichi bushoo, Ahiqaamichi bushoo Gedaliyin goraadoona wuxiyeete.

Maatiyoosi 10:36

Ashich bi hajjee kechi asheenaꞌo etto tunemminaꞌone.

Maatiyoosi 26:21

Maa boonoshi beetaa, “Iberoon ittoshich gettoye: Ittoshi daggoochee ikkoo taan beshiiree immemmone” iye.

Maatiyoosi 26:23

Yesuusi wochiꞌi, “Taan beshiiree immemmo taanna tookkii ikke shaatooch dukkee beetone.

Maariqoosi 14:17

Aroobee xum aaraa gutte bi dabbeenaꞌona tookkii Yesuusi arooch waahe.

Maariqoosi 14:18

Ikkoochoo koteꞌi maayo giddetaa maa boonoshi beetaa Yesuusi ishichiye: “Iberoon ittoshich gettoye, ittoshi daggoochee ikkoo taan beshiiree immemmone; biyoo and taanna tookkii maa beetone” iye.

Maariqoosi 14:20

Yesuusi wochiꞌi, “Hini aaraa guttoo ittoshi daggoochee ikkoo taanna tookkii ikke shaatooch dukkee beetone taan beshiiree immemmo.

Luqaasi 22:21

Tunebaani taan beshiiree immemmi asho taanna tookkii madooch and geechee maa beetone.

Yowannisi 13:21

Yesuusi ishin bi gettitoyee gubb, bi kashe xuuxehan. “Iberoon ittoshich gettoye: Ittoshi daggoochee ikkoo taan beshiiree immemmone” iꞌi xalla gettiye.

Yowannisi 13:22

Bi dabbeenaꞌo “Koniniye bi gettiibeeto?” iꞌi boonoshi gaboon guttiiꞌi boonoshinaa boonoshina ciineeheete.

Yowannisi 13:26

Yesuusi wochiꞌi, “And dukkeree ta qapphiyemmo aroone” iye. Aroochee dukkeꞌi Asqorootechi Simoonichi bushoo Yihudich qapphiihe.

Yowannisi 15:16

Ta ittoshin kaaccehoani ittoshi taan kaacaano ittoshine. Nihoo Yeeri ta shigoona ittoshi qolleto bullin ittoshich bi immemmoyich, hamiree beeyemmi aafoon ittoshi aafemmoyich ittoshin ukkiriito taane.

Yowannisi 15:19

Hini alemeexo ittoshi tuneto gaata, biicho tuneton shunneshone; tunebaani alemee daggoochee ittoshin kaacceto taane; ebich bi magecho toono ittoshine; ebichi naboonane alemo ittoshin bi shixxiibeeto.

Yowannisi 15:25

Ebi tuneto, boonoshi Sheeree Macaafoochaa ‘Naboo aalloon taan shixxiyeete’ getaa kooreeto bi ceennemmoyichiye.

Yowannisi 17:12

Boonoshina tookkaa showee toommooch ta beehooba, taach ne immeti ne shigoona ta boonoshin quyeto taane, shiweto taane. Yaafe Macaafooch kooreeto ceennemmoyich, aalloyich kaacheti are uroyee damba koniyoona aalleyaanoone.

Yowannisi 18:32

Ebi bi tuneto, Yesuusi amoommi qitoon bi qitemmo gaata bekkiyoyich bi gettiti qaaro ceennemmoyichiye.

Yowannisi 19:24

Ebich ginee naayinaꞌo boonoshinaa boonoshina “Ixoo kuxaa konich bi kechemmo gaata, beegonalli keexxaayone” iyeete. Ebi bi tuneto, “Ta taheenaꞌon boonoshinaa boonoshina qoodeeheete; genje ta tahoochoo ixoon duppiyeete” ii beeti Yaafe Macaafee qaaro bi ceennemmoyichiye. Ginee naayinaꞌoo tuniito ebiniye.

Yowannisi 19:36

Ebi bi tuneto, “Bi shaawushoochee ikkolla tiisheyaachemmone” getteeti Yaafe Macaafooch kooreeti qaaro ceennemmoyichiye.

Yowannisi 21:17

Keejjinnoon “Yoonichi bushoo Simoono, taan shunnenne?” iꞌi echehe. Keejjinnoon “Taan shunnenne?” iꞌi bi echetoyich, Pheexiroosi ayiniꞌi, “Ta Doonocho, bullin ariibeeto neene; neen ta shunon ne ariibeeto neene” iye. Yesuusiyoo “Ta bageenaꞌon qiddebe.

Yowannisi 6:70

Yesuusi boonoshich “Ta, aaraa guttoo ittoshin kaacaachote? Tunetaa ittoshi daggeexi ikkoo daabiloosine” iꞌi wochiye.

Mishiraachechinaꞌo 1:16

“Ta maneenaꞌote! Ebiyee aaf Daawitin Yaafe Ayaano shalligichaa, Yesuusin yechiti asheenaꞌon dabbiiꞌi deebiti Yihudichi mooyon keemmitone. Hini bi keemmiti macaafee qaaro ceenn bedo bi tunetoyich ceennitone.

2 Qorontoosi 4:5

No awaajjaabeeto Yesuus Kiristoosi Doono bi tunoonalli, no qelloon toonoone; Yesuusicha iyaꞌa no qelloon ittoshich guunon tuniihone.

Hibireena'o 4:13

Halleeti mooyinaꞌo bulli Yeeri aafooch xalle bekketinaꞌoani, bi aafooch aacheeti, oppeeti ikke mooyolla aalloone; Yeeri aafoochaanane no shuuneti mooyo bullich no echeyemmo.

Yaaꞌoo 2:23

Bi bushiisheenaꞌonoo wuxi ciichemmo taane. Arooba ashi mulleexi gaboonaa qaatoonon maqqaa ariibeeto ta tunoon kittinnee guuphinaꞌo bulli ariyemminaꞌone; ittoshi ikkikkoyich ittoshi shuuni shuunoommona qoccemmo taane.