Yowannisi 13:14 - Kafa Linguistics Project

¹⁴ Illa ta ittoshi Doononaa Dojjechona tunaachaa ittoshi baatoon ta machetoyee, ittoshinaa ittoshina ittoshi baatoon macheya beddiyote.

Yowannisi 13:14 ပူးပေါင်းရင်းမြစ်များ

Yowannisi 11:2

Hini are Maariyami shittoon Doono Yesuusichi baatooch ukkaachaa bi qelli eexona hiditi ureene; wotta biiyeti Alazaariyoo bi manoone.

Mishiraachechinaꞌo 20:35

‘Deqqii beetoyee immiibeeto diireetone’ iꞌi Doono Yesuusi bi qelloona gettiton shalligaabee, caajjoona maraataa shuunaabee giidaalleenaꞌon dego tun bedo bi tunoon bulli mooyona ittoshich bekkiito taane” iye.

Roomi 12:10

Manaamanoochoommon ittoshinaa ittoshina shunebote; ittoshinaa ittoshina ikkoo baroon oogiibe.

Roomi 12:16

Ittoshinaa ittoshina ikke mulloona ikkottebote; qellee oogiyee mooyon gabiyaahote; tunebaani qallayeetinaꞌona tookki ikkittinoona beebote. “Mullecho taane” getiree naadeyaahote.

1 Qorontoosi 12:3

Ebin ariibote: Koniyoona Yeerichi Yaafe Ayaanoona yaabeebee, “Yesuusi uppeto tunebe” getaache; ebiyoommon wotta Yeerichi Yaafe Ayaanoona yaabeyaanoon, “Yesuusi Doonone” geton hakkemmo koniyoona aalloone.

1 Qorontoosi 8:13

Illa ta maabeeti maayo ta manooyich xugo bi tunesho gaata, biin yexi ta dichaachemmoyich, ta maayemmi meeno ta qitimmi wottoon echebe.

2 Qorontoosi 10:1

Ta Phawuloosi, ta qelloona ittoshina tookkaa ta beehooba “gaꞌi deꞌo” getteeto, ittoshiyee ta wohiyooba “aaf kuppho” getteeto, Kiristoosichi shiimoonaa ariqqoona ittoshin qollaabeeto taane.

2 Qorontoosi 8:9

No Doono Yesuus Kiristoosichi gaawe wojjoon ariito ittoshine; aroo amoommon gaannecho bi tunetaanoona, bi giroona gaannecho ittoshi tunemmoyich, ittoshicha iꞌi girechon tunehe.

Galaati 5:13

Ta maneenaꞌote! Guuchittinoochee ittoshi kechemmoyich Yeeri ittoshin ceeggitone; tunetaa ebi guuchittinoochee ittoshi keyon meechi qaatoyich deꞌa ittoshi gettemmi gommon tuniyaahote. Tunebaani ittoshinaa ittoshina ikkoo baroyich shunoona maddebe.

Filipphisiyoosi 2:11

heciyoo bulli Nihoo Yeerin oogiyoyich Yesuus Kiristoosi Doono bi tunoon bi miixemmonoyichiye.

1 Ximootiyoosi 5:10

Gaaweti shuunoon shuunoona miixeeti tunebuye. Ebiyoo, bushiishoon gaawichiꞌi dichoo, iibbee iibbiyoo, kittinneenaꞌochi baatee machiyoo, iriteetinaꞌon degonaa gaaweti shuunoo bullin shuunoona miixeeti tunebuye.

1 Pheexiroosi 4:1

Kiristoosi meenona xuuxoon bi beeggitoyich, ittoshi wotta ebi shaahe gaboon yeshoyich qannibote. Ebiyoo bi meenona xuuxoon beeggiti asho, axaaxoon shuunoon qajjito bi tunetoyichiye.

1 Pheexiroosi 5:5

Gurimaasheenaꞌote! Ebiyoommon wotta geeneenaꞌoyich deꞌa getote. Yaafe Macaafo “Yeeri geecechinaꞌoyich mooyo kaameyaachemmoyich tuniihe; tunebaani boonoshi qelloon giishii beetinaꞌoyich wojjoon immiye” iye. Ebich kittinnoo tuneti ittoshi bulli ikkoo baroyich bi qelloon giishiibee qellee giishiyoon tahoochoommon tahebote.