Yowannisi 13:1 - Kafa Linguistics Project

¹ Beshee Baaroyee aaf, Yesuusi hini alemoochee Nihoo Yeer waan bi hammemmi aabo shagon ariihe. Hini alemooch beeti bi dabbeenaꞌon shunniye; ciirooch beddaahaanoo boonoshin shunniye.

Yowannisi 13:1 ပူးပေါင်းရင်းမြစ်များ

Shaahiyoo 8:31

Bi halliti alemoona emiraa beeho; ashi bushiisheenaꞌonoo emiraa beeho.

Erimiyaasi 31:3

Doono Yeeri ta wonna boonoshich bekkaꞌa ishichiyo: Bulli aabee shunoona ittoshin shunneto taane; ta shoodoo bulli aabooch ittoshich manjemmone.

Maatiyoosi 26:45

Aroochee bi dabbeenaꞌo waan wottee waaꞌi, “Andoo batt tokketee kasheꞌiniye ittoshi beeto? And saato bedditone; Ashi Bushoon axaaxechinaꞌoyich beshiiree immemminaꞌone.

Luqaasi 22:53

Yaafee kexooch bulli aaboon ittoshina tookkaa ta beehooba taan yeshaano ittoshine; tunebaani and ebi ittoshi aaboonaa manderee taatoochi aaboonane” iye.

Luqaasi 9:51

Yesuusi hini showoochee shimaayooch bi kechemmi aabo katinaa, Yerusaalem hamoyich kuxxii tiyiye.

Yowannisi 11:55

Ayihudeenaꞌo baariibeeti Beshee Baaroo katinniye. Dofee asheenaꞌo boonoshi qelloon boonoshi xalliyemmoyich, ebi Beshee Baaroyee shiichiꞌi boonoshi beeti showoochee Yerusaalem waaheete.

Yowannisi 12:23

Yesuusiyoo ishichiꞌi boonoshich wochiye: “Ashi Bushoo oogoon bi danemmi saato shaggitone.

Yowannisi 13:29

Yihudi koolla yesho bi tunetoyich, ikkikkeenaꞌo Yesuusi “Baaroyich qaawiimmon kemebe” woyee “Girechinaꞌoyich ikke mooyon imbe” ito boonoshich shaahiye.

Yowannisi 13:3

Yesuusi Nihoo Yeeri bi kishooch bulli mooyon bi imon, Yeer waanee bi womonoo, Yeer waanoo wotteree hammemmo bi tunoon arii beetone.

Yowannisi 13:34

“ ‘Ittoshinaa ittoshina shunebote’ iyaꞌa ittoshich andire mooyon gettoye; ta ittoshin ta shunnetoommon, ittoshi wotta ittoshinaa ittoshina shunebote.

Yowannisi 14:28

“ ‘Ta hammemmo taane; ittoshi waanoo wotteree woyemmo taane’ iyaꞌa ittoshich ta getteton waayeto ittoshine. Iberoon taan ittoshi shunigaata, Nihoo Yeer waan ta hamona emiresho ittoshine. Ebiyoo Nihoo Yeeri tayee besho bi tunetoyichiye.

Yowannisi 14:31

Tunebaani Nihoo Yeerin ta shunon alemo ariyemmoyich, Nihoo Yeeri ‘Tuniibe’ bi ito bullin shuunaabeeto taane. “And tibote; hiniichee hambone” iye.

Yowannisi 16:28

Nihoo Yeer waanee kechaꞌa hini alemooch waato taane; wochinnoon hini alemoochee wotteree Nihoo Yeer waan hammemmo taane” iye.

Yowannisi 17:1

Yesuusiyoo bi dabbeenaꞌoyich ebi bullin bi gettitoyee gubb, kaama shimaajj ciinniꞌi ishichiye: “Ta Nihoocho, saato shaggitone; ne Bushoo ta neen oogiyemmoyich taan oogiibe.

Yowannisi 17:16

Tawoo alemeexo ta tunee qayoommon boonoshiyoo tooneenaꞌone.

Yowannisi 17:26

Taanoo ne shunneti shunoona bareenaꞌon boonoshi shunnemmoyich, tawoo boonoshina ta beeyemmoyich neechon boonoshich arichiito taane; battoo arichiyemmo taane” iye.

Yowannisi 17:5

Ta Nihoocho, alemo halleyaan beetaa, neenna tookkaa ta beehooba taan ne oogiyoommon andoo ne beetoochaa taan oogiibe.

Yowannisi 18:4

Arooba Yesuusi bi toommooch woyemmi mooyo bullin ariiꞌi kechii, “Koniniye ittoshi qaawiibeeto?” iꞌi echehe.

Yowannisi 19:28

Ebiyee gubb, Yesuusi mooyo bulli ceenon ariiꞌi, Yaafe Macaafee qaaro ceennemmoyich “Shachewehoye” iye.

Yowannisi 2:13

Ayihudeenaꞌochi Beshee Baaroo katinniye. Ebich Yesuusi Yerusaalem hammiye.

Yowannisi 6:4

Ayihudeenaꞌo baariibeeti Beshee Baaroo katinniye.

Yowannisi 7:30

Ebich asheenaꞌo daggoochee ikkikkeenaꞌo biin yecha qaawii beeheete; tunetaa bi aabo batt shagaano bi tunetoyich koniyoona biin yeshaanoone.

Yowannisi 7:6

Yesuusi boonoshich ishichiye: “Ta aabo batti shagaanoone; tunebaani amee aabolla bi tunetaa, ittoshich kaamoone.

Yowannisi 8:20

Yesuusi eboshi bullin bi gettito, yaafee kexooch beeti gijjee kicee qiicee gaꞌoochaa dojjiibeeniye. Tunebaani bi aabo shagaano bi tunetoyich, koniyoona biin yeshaanoone.

Roomi 8:37

Illa noon shunniti Kiristoosina ebi mooyinaꞌo bulli toommooch wudoon danoona, kochii wochii beetinaꞌoyee beshoo noone.

1 Qorontoosi 1:8

wotta Yeeriyoo no Doono Yesuus Kiristoosi wotteree bi woyemmi aabooba ikke bachaallo ittoshi tunemmoyich, ciirooch beddaahaa ittoshin manjiiree neechemmone.

Hibireena'o 3:14

Shiichiꞌi nooch beeti gibenoon ciirooch beddaahaa manjiiꞌa no yeshigaata, Kiristoosicho tuneto bullin qoodeyecho noone.

Hibireena'o 3:6

Tunebaani Kiristoosiyoo Yeerichi kechi asheenaꞌo bulli toommooch bushoochoommon gibeneetone. No wotta noon aafo kupphiibeeti, geeciibeeti gibenoon [ciirooch beddaahaa manjiiꞌa] no yeshigaata, Yeerichi kechi asho noone.

Hibireena'o 6:11

Kiristoosi toommooch mullee tooꞌiyoonaa haaꞌiyoona Yeeri gibenikkiti mooyon woraashii beetinaꞌoommon ittoshi tunemmoyichalli, beenechinaꞌo ittoshi tunemmoyich ta qaatoo toonoone; are gibeno ceennimmi wottoon ittoshi ikkikkoo ebiyee aaf ittoshi kupphetoommon, ciirooch beddaahaa ittoshi kupphemmoyich qaataabeeto taane.

1 Pheexiroosi 1:13

Illa shuunoyich cuye tiyiree qannibote; ittoshi qelloon quyoona beebote; Yesuus Kiristoosi bekkehooba ittoshi danemmi wojjoon ceenoona gibenebote.

1 Yowannisi 4:19

Yeeri shiichii noon bi shunnitoyich, no biin shunnaabeeto noone; noonnaa noonnoo shunaabeeto noone.

Yaaꞌoo 1:5

gibeneeti miixoo tuneti, qitoochee shiichii tiyiti, showee toommeexi taateenaꞌon hajjiibeeti Yesuus Kiristoos waanee wojjoonaa diggoona ittoshich tunebe. Noon shunniti, bi damoonoo no axaaxoochee noon biisheti,