Yowannisi 12:36 - Kafa Linguistics Project

³⁶ Bekkoochi bushiishoo ittoshi tunemmoyich, bekke bi beetaa, ittoshi mulloon hini bekkoochi toommooch tooꞌiibote” iye. Yesuusi ishin bi gettitoyee gubb kechii hammiꞌi bi qelloon aachiye.

Yowannisi 12:36 ပူးပေါင်းရင်းမြစ်များ

Isiyaasi 60:1

“Yerusaaleme, ne bekko waatoyich tiyi ceechibe; Doono Yeerichi oogee yiiroo ne toommooch aaxxemmone.

Maatiyoosi 21:17

Ebiyee gubb, boonoshin qajjii Yerusaalemee tiyiꞌi Bitaaniya kechii hammiꞌi arooch qeyiye.

Maatiyoosi 5:14

“Alemoyich bekko ittoshine. Geppee toommooch beeti katemoo aashoon hakkaache.

Luqaasi 16:8

“Aree hillooch hini are doono biich gibeneyaani gijje yeshoon acona bi shuuneti shuunoyich galletehe. Illa hini yemeenooch beeti asheenaꞌo boonoshinaa boonoshina shuuneebeeti shuunoona Yeerichi bekkooch beeti asheenaꞌoyee beshe accechinaꞌone.

Yowannisi 1:7

Biyoo asho bulli waayeree bi mulloon bekkoochi toommooch bi tooꞌiyemmoyich, are bekkoochon miixeya waahe.

Yowannisi 11:54

Ebich aroyee gubb Yesuusi Ayihudeenaꞌo daggooch xalla bekkeꞌi shaꞌeyaanoone; tunebaani aroochee tiyiꞌi barahee gaꞌooch beeti showoo, Efreemi getteebeeti katemooch hammiye; arooch bi dabbeenaꞌona tookkii kotehe.

Yowannisi 12:37

Tunebaani ebi shaahe malletoon boonoshi aafoochaa bi bekkiiteenolla, bi toommooch mulloon tooꞌiyaaneenaꞌone.

Yowannisi 12:46

Bi mulloon ta toommooch tooꞌiibeeto bulli, manderooch bi beetaachemmoyich, bekko tunaꞌa hini alemooch waato taane.

Yowannisi 3:21

Tunetaa iberoo tuneti mooyon shuuneebeeto, Yeeri gettiton bi shuuno bekkemmoyich, bekko beetooch kechii beetone” iye.

Yowannisi 8:12

Wotta Yesuusi asheenaꞌoyich “Ta alemee bekko taane; taan dabbimmoyich kashoon immemmi bekko bekkehalli, cir manderoona shaꞌeyaachemmone” iꞌi gettiye.

Yowannisi 8:59

Ebich biin xaqqoona yexiree wuxiya iꞌi xaqqoon tiijjiyeete. Tunetaa Yesuusi boonoshich tuusheehe; yaafee kexoocheenoo kechiꞌi hammiye.

Efesooni 5:8

Ebiyee aaf manderoo ittoshine; tunebaani and Doono Yesuusina, bekko ittoshine; bekko aafeebeeti aafo deꞌittino, cadiqittinoonaa iberittino bullinane; ebich Doono Yeerin emirikkemmo aabi gaata bariiree, bekkee bushiisheenaꞌochoommon beebote.

1 Tasaloonqi 5:5

ittoshi bulli bekkee asho, areddee ashoo ittoshine; no, xumee asho woyee manderee asho toono noone.

1 Tasaloonqi 5:8

Tunebaani areddee asho no tunetoyich, mullee tooꞌiyoonaa shunoonon getee ginee tahoochoommon gediree, “Yeeri noon wodiyemmone” imi gibenoon xuuree ukoochoommon ukeree no qelloon quyoona beebone.