Yowannisi 12:34 - Kafa Linguistics Project

³⁴ Ebich dofee asheenaꞌo “No, Kiristoosi bulli yemeenoon beeyemmo bi tunoon Sheeree Macaafoochee waayeto noone. Newochi ‘Ashi Bushoo showoochee tiijjeyemmone’ iyaꞌa aabichaꞌa gettenne? Ishi Ashi Bushochi konine?” iꞌi echeheete.

Yowannisi 12:34 ပူးပေါင်းရင်းမြစ်များ

2 Saameeli 7:13

Taach kexon haggemmo, biine. Bi taatittinee qeenonoo bulli yemeenoon manjiyemmo taane.

Shoddo 110:4

“Meleekitsedeqichi qeeshittinee shafiroona, ne bulli yemeenoon qeeshoo neene” ii Doono Yeeri wogetone; bi gaboon shaddaachemmone.

Shoddo 72:7

Bi yemeenooch cadiqittino gamine; agenee bi kotoochee aallemmi wottoon diggoo woddebe.

Isiyaasi 53:8

Dayinnetaalloon bi toommooch nalliꞌi daammiyeete; ta asheenaꞌochi axaaxee qoodoyich yexxeꞌi, kashechinaꞌo beeti showoochee bi aalloon, shiijjeree daggoochee konine ariito?

Isiyaasi 9:7

Bi taatittinoyich daaro, bi diggoyichoo ciiro aalloone. Andee tiijjiree bulli yemeenooch beddaahaa, bi taatittinoon dayinnetoonaa cadiqoona, deggii neechoyich, manjiiyoyichoo, Daawitichi taatee qeenooch kotemmone; Beshe Mawe Doono Yeerichi qanaato ebin tuniyemmone.

Daaneeli 2:44

“Ebi are taateenaꞌochi yemeenooch shimaajji Nuggishoo bulli yemeenoon beeyemmi taatittinoon neechemmone. Ebi taatittino bare asheenaꞌo kochii wochoon hakkaani taatittinoone. Biyoo ebi taatittineenaꞌo bullin buriciree aalliichi, bulli yemeenoon beeyemmone.

Daaneeli 7:14

Biichoo hakkoo, oogoonaa taatittinoona ichetoyich, ashi yaroo bulliichee, aagetoo bulliichee, asho yibbaateebeeti noonoo bulliicheenoo tuneti asheenaꞌo bulli biich goyinneheete. Bi taatemmo, bulli yemeenooniye; bi taatittinoo besheyaachemmi taatittinoone.

Daaneeli 7:27

Taatittino, hakkoonaa shimaayoyee desh beeti taatittineenaꞌochi oogoona Beshoo Yeerichi asheenaꞌo tuneti yaafeenaꞌoyich ichemmone. Bi taatittino bulli yemeenoon beeyemmi taatittinoone; showee toommooch beeti iraasheenaꞌo biich deꞌa getiree hajjeyemminaꞌone” iye.

Mikiyaasi 4:7

Baata sheqeenaꞌon curo tuneꞌi echetinaꞌo, xukkeꞌi bare showooch hammitinaꞌonoo aricheti aagetoo tuniyemmo taane. Aroobee aaboochee tiijjiree bulli yemeenoon, Tsiyooni guudi toommoochaa boonoshi toommooch taatemmo taane” iye.

Maatiyoosi 16:13

Yesuusi Filipphoosi Qesaariyi katemee gaꞌooch beeti showooch shaggiꞌi tiyii bi dabbeenaꞌon “Asheenaꞌo Ashi Bushoon konine ii beeteete?” iꞌi echehe.

Maatiyoosi 21:10

Aroochee Yesuusi Yerusaalem bi shaggimmona katemeexi asheenaꞌo bulli “Ebi konine?” iꞌi shuuriyeete.

Maatiyoosi 8:20

Yesuusiyoo “Boqqelleenaꞌoyich oppo, shimaajji kafeenaꞌoyichoo kexo beetone; ebi tunemmona Ashi Bushoyich giyi bi qeyemmi xaaꞌoo aalloone” iye.

Yowannisi 10:34

Yesuusi ishichiꞌi boonoshich wochiye: “Yeeri ‘ “Ittoshiyoo nuggishoo ittoshine” ito taane’ iꞌi bi gettito ittoshi sheerooch kooreyaanoone?

Yowannisi 12:32

Tawoo showoochee ta tiijjeehooba, asho bullin ta waan yeepphemmo taane” iye.

Yowannisi 15:25

Ebi tuneto, boonoshi Sheeree Macaafoochaa ‘Naboo aalloon taan shixxiyeete’ getaa kooreeto bi ceennemmoyichiye.

Yowannisi 8:28

Ebich Yesuusi boonoshich “Ashi Bushoon kichii ittoshi yoodiyooba, ta aroo ta tunoon, wotta ta gettaabeeto ta Nihoo gettiton baachalli, ta qelloona amoonolla ta tuniyee qayon arooba ariyemmo ittoshine.

Roomi 3:19

Asho bulli noonoo bi wochaachemmoyich, alemo bulli toommooch Yeeri nallemmoyich, Muusichi Sheerooch kooreeto bulli ebi are sheeroyich hajjee beetinaꞌoyich gettiibeeto bi tunoon ariyaabeeto noone.

Roomi 5:18

Illa ikke uro shuuneti xuꞌee naboona Yeerichi naxo asheenaꞌo bulli toommooch bi shaggitoommon, ebiyoommon wotta ikke uro shuuneti cadiqee naboona asheenaꞌo bullin kashechon tuniibeeti cadiqoo danemmone.

Hibireena'o 7:24

Tunebaani Yesuusi bulli yemeenoon beeyecho bi tunetoyich, shaddeyaani qeeshittinee ukkirittino biich beetone.