Yowannisi 12:29 - Kafa Linguistics Project

²⁹ Arooch neexeebeeti meeti asheenaꞌo hini qaaroon waayeꞌi, “Xeeyoone gigeebeeto” iyeete. Bareenaꞌoo “Maraakoone biich yibbaateto” iyeete.

Yowannisi 12:29 ပူးပေါင်းရင်းမြစ်များ

Iyoobi 40:9

Ta mochoommi mochoo neech beete? Ta qaaro gigoommon, ne qaaro gigeebeete?

Keyo 19:16

Keejjinnee qemooba, maaddoona dunne qubo guudi toommooch tunehe; xeeyoo xeejjiye; showoo phaqqiye; wotta oogeti tiree qaaro waayeehe. Kaambooch beeti asho bulli keqqoona qewehe.

Keyo 20:18

Israꞌeeleenaꞌo phaqqoon, xeeyoon, tiree qaaroonaa guudi toommeexi cufoonon beeggiꞌi, keqqoona qeweheete; wokkiinoo neexeheete.

Hiziqeeli 10:5

Kiruubeenaꞌochi qosheenaꞌoochee kechiibeeti qaaro maachi addibaabooch beddaahaa waayeehe. Ebi qaaro Beshe Hakkechi Yeerichi yibbaatee qaaroommone.

Mishiraachechinaꞌo 9:7

Arooba Sawulina tookkii hammiibeeti asheenaꞌo qaaroon waayeebee koninolla beegaanoon, noonoo miimeꞌi neexeheete.

Yaaꞌoo 11:19

Shimaajj beeti Yeerichi yaafee kexo qecheehe; Yeerichi wogee taabootoo ebi yaafe bi kexoochaa bekkehe; xeeyee phaqqoo, ooge qaaroonaa xeeyee qaaroona, showee qewoonaa giidechi baderoona tunehe.

Yaaꞌoo 14:2

Shimaayoochee ooge aachi haanaatee qaaroommi qaaroonaa giidechi xeeyee qaaroommi qaaroonon waayeho; ximboon yexxechinaꞌo ooge ximboon boonoshi yexaa qaaddiibeeti qaaroommi qaaroon waayeho.

Yaaꞌoo 6:1

Bago shabaatte maatemoochee ikkinnoon bi gaxxaa beeggeho; kashechi awudde halleenaꞌo daggoochee ikkoo xeeyee qaaroommi qaaroona “Wobe!” bi getaa waayeho.

Yaaꞌoo 8:5

Aroyee gubb maraakoo ixaano shookkeebeeti qiicoon yechii, deejjee gudeexi qaaqqoochee ceennimmi wottoon geddiichii showooch duppiye; xeeyee qaaroonaa ooge qaaroona, xeeyee phaqqoonaa showee qewoona tunehe.